O HOME E A COBRA

O HOME E A COBRA
CONTO

   
     Ía en certa ocasión un home por un camiño e atoupou unha cobra por baixo dun penedo.

 
      -Sacame deiquí -imploroulle a cobra 

 
     Ó home deulle lástima da cobra e tiroulle o penedo de por riba. Mais a cobra estaba atarecida co frío e se non podía mover. Entón o home meteuna no seu seo e foise con ela pra súa casa. 

     Mais en canto a cobra queceu, entroulle fame e díxolle ó home: 

 
     -Ai, oh, voute comer.

     -Ai señora cobra -pregoulle il- non faga eso, que eu non llo merezo.. 

     - Nada, nada. Voute comer.. 

     -Bueno; pois entón imos onda un Xuez e que il decida 

     -Vamos alá. 

 
     Saíron e topáronse cunha raposa, espuxéronlle o caso e pedíronlle que ela decidise.

 
     -Eu pra decidir - díxolles a raposa- teño que ver como estaban as cousas.. Que se volva por a cobra por baixo do penedo. 

 
     A cobra púxose onde estivera dentantes e o home volveulle por o penedo por riba. 

 
     -Agora- dixo a raposa dirixíndose ó home- vaite pra túa casa e deixa que a cobra morra aí por desagradecida. 

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA