martes, 30 de agosto de 2022

EXPOSICION " O CAMINHO, O CAMIÑO E AS ARTES - MUSEO DA CERAMICA DE SACAVÉM - LOURES - LISBOA

 EXPOSICIÓN O CAMINHO, O CAMIÑO 

O CAMIÑO E AS ARTES

MUSEO DA CERAMICA DE SACAVÉM

LOURES

LISBOA

     Do día 2 o 24 de Setembro estara aberta o publico no Museo da Ceramica de Sacavém a Expo. O Caminho e as Artes, O Camiño e as Artes na que participan un numero importante de artistas portugueses e galegos de todos os campos das Artes.

     Eu estou moi agradecido a Fundación Camiño Portugués de Santiago e as Amigas e Amigos do Camiño Portugués a Santiago por convidarme a participar con unhas fotografias dun traballo relacionado co a auga no entorno do Camiño.

     Eu asistirei o día 2 día da apertura da exposición a que estades convidados e sera un pracer saudarvos.


MAPA

 

XOAN ARCO DA VELLA

miércoles, 24 de agosto de 2022

PASAL NO RÍO CORVO - LIEIRO - CERVO

 PASAL NO RÍO CORVO

LIEIRO

CERVO

Parroquia de Lieiro
     Dentro desta parroquia cómpre destacar o atractivo turístico de San Ciprián, vila mariñeira que, xunto coa capital do municipio, é o núcleo de poboación máis importante do Concello.

     A vila atópase rodeada de extensas praias, entre as que destacan a do Torno, a de Cubelas e a da Caosa.

     O seu porto pesqueiro entraña riqueza e constitúe parte da historia deste lugar. 

     A importancia que ten o mundo da pesca reflíctese na existencia dun Museo do Mar, único na provincia de Lugo. Nesta instalación, situada no antigo grupo escolar, expóñense pezas relacionadas coas distintas modalidades de navegación e pesca, así como buguinas, cunchas, ósos de baleas, arpóns, maquetas de barcos, fotografías, etc.

     É de especial beleza o faro desta vila, situado na Atalaia, rodeado dunha área recreativa dende a que se poden divisar os Farallóns, tres illas nas que se orixina a máis famosa lenda do lugar sobre a serea Maruxaina e que están incluídas na ‘Relación de Espazos Naturais’ da provincia de Lugo.

     Por último, San Ciprián pode presumir dun pasado destacado e, como mostra, pódense visitar as ruínas de dúas antigas fábricas de salgadura e a ponte de orixe medieval que cruza o río Covo.


    Extensión: 10,1 Km2
    Poboación: 2357 habitantes.

ALDEAS:
    A Venta, Gondrás, Lieiro, O Castelo, O Guioncho, Pedrosa e  San Ciprián.

DE INTERESE:
    Igrexa de Sta. María e rectoral (Lieiro), capela do Guioncho, capela de San Andrés e de San Ciprián (San Ciprián), pazo de Pedrosa, ponte medieval, antigas fábricas de salgadura (San Ciprián), Museo do Mar, praias do Torno, da Caosa , de Cubelas e de Lieiro.

Comarca da Mariña Occidental
     A comarca da Mariña Occidental, ou terra de Viveiro, é unha comarca galega situada na provincia de Lugo cuxa capital é Viveiro.

     A ela pertencen os concellos de Cervo, Ourol, O Vicedo, Viveiro e Xove. Esta comarca é unha división oficial da Mariña de Lugo. 

MAPA 

 

Fuente: Concello de Cervo

XOAN ARCO DA VELLA

martes, 23 de agosto de 2022

SARTEGOS DE MARZÁN - MARZÁN - O ROSAL

 SARTEGOS DE MARZÁN

MARZÁN

O ROSAL

     Dous sepulcros antropomorfos. Pola súa orientación ao Leste (sol nacente, símbolo de Cristo), por tanto de signo cristián, datan dos séculos V-VI, en plena época visigótica.

     Estes dous sarcófagos (home e muller), pertenceron aos patróns do poboado cristián que no Concilio II de Braga, no 572, se menciona na Diócese de Tui, como parroquia denominada: Marciliana (Marciana, Marzán).

Comarca do Baixo Miño
     A comarca do Baixo Miño é unha comarca galega situada no suroeste da provincia de Pontevedra e a súa capital é Tui.


     Pertencen a ela os concellos de A Guarda, Oia, O Rosal, Tomiño e Tui.

Situación
     A comarca do Baixo Miño localízase co océano Atlántico ao oeste e o río Miño ao sueste que lle serve de fronteira natural con Portugal, até a súa desembocadura na Guarda, onde forma un amplo esteiro de importancia ornitolóxica.

Economía
      Sobresae a produción pesqueira (A Guarda), coa frota palangreira adicada á captura do peixe espada máis importante do mundo; os vales do Rosal e outros levan as viñas da comarca, cos seus viños incluídos na denominación de Orixe Rías Baixas. 

VIDEO

MAPA

 

Fuente: Web Patrimonio Galego

XOAN ARCO DA VELLA

lunes, 22 de agosto de 2022

MUIÑO DE VENTO DA CRUZADA - SANTA CATALINA - A GUARDA

 MUIÑO DE VENTO DA CRUZADA

SANTA CATALINA

A GUARDA

     Muíño de torre fixa e cuberta xiratoria duns 4’25 metros de altura, de sección cilíndrica e construída a base de cachotería granítica irregular.

     Posuía dúas plantas e funcionaba con velas de lenzo.

     Posúe porta de acceso na cara Sur oeste, e tres fiestras, unha sobre a porta na planta alta e as outras nas caras noroeste e sueste


     No interior se conservase unha lareira e unha despensa. 

MAPA 

 

Fuente: Web Patrimonio Galego

XOAN ARCO DA VELLA

martes, 16 de agosto de 2022

MUIÑO DO PORTIÑO - O MUIÑO - A GUARDA

 MUIÑO DO PORTIÑO

O MUIÑO

A GUARDA


     Muíño de torre fixa de sección cilíndrica, feita a base de cachotería granítica irregular encintada.

     Cunha altura aproximada de 4’8 metros, o muíño posúe tellado cónico e fixo, aínda que na súa orixe tiña cuberta xiratoria pois os muros rematan en pedras de cantería levando unha canella central por onde xiraba a cuberta con velas de lenzo.

      Posúe unha porta de acceso e catro pequenas fiestras unha dela por riba da porta.

     Por fontes orais sabemos que o muíño era de dúas plantas, a superior era utilizada como vivenda do muiñeiro, mentres que a planta de abaixo era ocupada polos elementos mecánicos e a pedra de moer.


     Polas mesmas fontes sabemos que aínda era usado a principios do século XX.

MAPA

 

 Fuente: Web Patrimonio Galego

XOAN ARCO DA VELLA

PAZO DOS CONDES DE BARCELOS - MUSEO ARQUEOLÓXICO - BARCELOS

PAZO DOS CONDES DE BARCELOS

MUSEO ARQUEOLÓXICO

BARCELOS

 
Pazo dos Condes de Barcelos

    O Pazo dos Condes de Barcelos, também coñecido como Pazo dos Duques de Bragança, localizase na fregresia de Barcelos, cidade e município do mesmo nome, distrito de Braga, en Portugal.

História
      Foi construido na primeira metade do século XV por iniciativa de Afonso I, Duque de Bragança, construindo un castelo palaciego.

      Naquel momento en convertese na contrución de Barcelos mais importante e destacable.

     A decadência deste Pazo iniciouse a finais do século XVIII.

     Nas ruínas hoxe, xa non existe a primitiva torre de homenaxe, nin o resto das torres do Pazo.

     A torre de homenaxe foi bastante danificada cando o terremoto de 1755, sendo derruida  definitivamente en 1801.

     En 1872, ante o estado ruinoso do edifício, o município de Barcelos, determinou demoler o que restaba.

     Esta demolicón xamais chegou a realizarse na totalidade, devido a diversos protestas populares.

     Hoxe pouco queda de ela salvo algunhas paredes ainda asi conseguen darnos idea da sua grandeza orixinal

     No início do século XX, as suas ruínas pasaron a albergar o Museu Arqueolóxico de Barcelos.

Características
     Erguido en estilo gótico, presentaba planta retangular con dimensions de cerca de 32 metros por 16 metros. Na que destacan cuatro chamineas de gran altura.

MAPA

 

XOAN ARCO DA VELLA

lunes, 15 de agosto de 2022

EIRA DE A TORRE - A TORRE - ZAPARÍN - CORTEGADA

EIRA DE A TORRE

A TORRE

ZAPARÍN

CORTEGADA

A Torre 

     A Torre é un lugar da parroquia de Zaparín no concello ourensán de Cortegada na comarca do Ribeiro.

      Tiña 13 habitantes no ano 2011 segundo datos do INE e do IGE, dos cales 1 eran home e 12 mulleres.

Zaparín
      San Martiño de Zaparín é unha parroquia do concello de Cortegada, comarca do Ribeiro, provincia de Ourense.

     No ano 2007 tiña 31 habitantes, dos cales 9 eran homes e 22 eran mulleres.

Xeografía
      Zaparín atópase nun pequeno socalco sobre o canón do río Arnoia estando situada no punto xeográfico máis alto do concello de Cortegada dominando todo o val do concello da Arnoia e parte dos de Gomesende e Cartelle.

     Limita ao norte con Cartelle, ao sur con Piñón e A Raíña, ao leste con Carballeda(abandonada dende os 80 ) e oeste con Louredo.

Historia e patrimonio
     No lugar de Zaparín hai unha ara romana adicada aos deuses Ceceaigis. A igrexa parroquial é do século XVII con engadidos posteriores, como a espadana de 1911.

     No lugar da Torre hai un peto de ánimas só decorado por un atrio cuberto por falsa bóveda.

       En 1218, Pedro Fernandi "milite de Zaparín" foi nomeado polo rei Fernando III de Castela casteleiro das fortalezas de Sande (Cartelle) e santa Cruz (Quintela de Leirado), que máis adiante tería un preito posto polo abade do mosteiro de Celanova por mor da titularidade da torre de Sande. Xa durante o Antigo Réxime o lugar pertenceu ao couto do priorado de Refoxos.

     A parroquia foi creada no ano 1893, segregándose os seus lugares da de Refoxos.

      Ata mediados da década de 1990 tivo tenda de ultramarinos e foi lugar de paso cara ao Santuario do Val.

Lugares de Zaparín
      Cerdeiral, Fondevila, Piñón, A Raíña, A Torre, Zaparín 

MAPA

 

XOAN ARCO DA VELLA