lunes, 27 de febrero de 2023

EXPOSICIÓN "O CAMIÑO DOCE" - 4 DE MARZO - PONTE DE LIMA

 EXPOSICIÓN "O CAMIÑO DOCE"

4 DE MARZO

PONTE DE LIMA

       A Camara Municipal de Ponte de Lima vai facer un unha serie de actos culturais para celebrar, o día 4 de marzo o Foro entregado pola  Raiña D. Teresa, en 1125, na que otorga a Ponte de Lima o titulo de Vila, sendo unha das primeiras Vilas nas que nace Portugal.

     O programa das conmemoracion inclue a inauguracion, na Torre da Cadeia Velha, da exposición " O Camiño Doce a Santiago” na que participo con outro artistas de Galicia e Portugal, promovida pola Asociación de Amigas e Amigos do Camiño Portugués a Santiago, de Pontevedra.

Nota:
     Meu agradecemento a Camara Municipal de Ponte de Lima e a Asociación de Amigas e Amigos do Camiño Portugués a Santiago, por contar conmigo para este día. 

MAPA

 

XOAN ARCO DA VELLA

lunes, 20 de febrero de 2023

BALNEARIO DE AUGAS FÉRREAS - AUGAS FÉRREAS - A CAÑIZA

BALNEARIO DE AUGAS FÉRREAS

AUGAS FÉRREAS

A CAÑIZA

Balneario de Augas Férreas
       Este antigo balneario, con orixe a finais do S. XIX, sitúase no medio dun bosque, un parque en realidade, con árbores de gran porte. 

     Atopamos plátanos de indias, carballos, castiñeiros, cipreses, etc. que xeran un gran espazo verde no que os xogos da luz do sol e os sons do vento entre as ramas das árbores permítennos descubrir múltiples micropaisaxes.

O entorno
      Parque situado a 1Km do centro urbano, de 15.500 metros cadrados de bosque autóctono, mesas e bancos e un edificio central de utilización pública.

     Aquí, no século XIX había un balneario de augas medicinais e agora recuperouse o manancial "augas de beber".

 Comarca da Paradanta
      A comarca da Paradanta é unha comarca galega situada na provincia de Pontevedra.

     A ela pertencen os concellos de Arbo, A Cañiza (a súa capital), Covelo e Crecente. 


     Limita ao norte coas comarcas de Vigo e do Ribeiro, ao leste con esta última e coa de Terra de Celanova, ao sur con Portugal e ao oeste coa do Condado. 

     Ocupa unha extensión de 339,85 quilómetros cadrados e contaba cunha poboación de 12.060 habitantes no ano 2020. 

MAPA 

 

XOAN ARCO DA VELLA

domingo, 19 de febrero de 2023

CAPELA DE SAN XURXO - RECAREO - FOXADO - CURTIS

 CAPELA DE SAN XURXO

RECAREO

FOXADO

CURTIS

Recareo
     Recareo é un lugar da parroquia de Foxado no concello coruñés de Curtis, na comarca de Betanzos. Segundo o IGE, en 2011 tiña 17 habitantes (8 homes e 9 mulleres).

Foxado
     Santa María de Foxado é unha parroquia que se localiza no sur do concello coruñés de Curtis na comarca de Betanzos.

     Segundo o padrón municipal de 2004 tiña 499 habitantes (250 homes e 249 mulleres) distribuídos en 31 entidades de poboación en 38,5 km², o que supón unha diminución en relación ao ano 1999 cando tiña 536 habitantes.

     Eclesiasticamente pertence ao arciprestado de Sobrado, igual cás demais parroquias do concello.

Toponimia
     O topónimo «Foxado» faría referencia ás trampas ou foxos para cazaren os lobos que noutrora habitaban na parroquia.

Xeografía
     A parroquia está bañada polo río Mandeo. Ao seu paso por Curtis recibe as augas do río Portocastro, o Casteirón, o Ramalleira e o Deo, todos eles troiteiros. 

     No último tramo o Mandeo esta represado pola Central Eléctrica da Castellana. Neste pequeno encoro pódense observar varias especies de anátidos, como o lavanco. Desemboca nel o río de Portabenza, que após nacer na parroquia fai de límite co concello de Aranga.

Historia
     Coa reforma parroquial de 1867, levada a cabo persoalmente polo arcebispo de Santiago de Compostela, García Cuesta, a parroquia eclesiástica de Foxado perdeu o lugar de Samel, que pasou a formar parte da nova parroquia de Vilarraso, xunto con outros lugares procedentes de Muniferral, Aranga e Curtis.

     No entanto, a parroquia civil non sofreu perda ningunha e seguiu a ter os mesmos límites xa que, administrativamente, Vilarraso só se formou cos lugares das parroquias pertencentes ao concello de Aranga.

MAPA

 

XOAN ARCO DA VELLA





CAPELA DE SAN ROQUE - FORMIGUEIROS - VILARDEVÓS

 CAPELA DE SAN ROQUE

FORMIGUEIROS

VILARDEVÓS

Vilardevós
     San Miguel de Vilardevós é unha parroquia do concello de Vilardevós na comarca de Verín, na provincia de Ourense.

     No ano 2007 tiña 265 habitantes, deles 124 eran homes e 141 eran mulleres, o que supón unha diminución de 7 habitantes en relación ao ano anterior, 2006.

Comarca de Verín
     A comarca de Verín é unha comarca galega situada na provincia de Ourense e a súa capital é Verín.

     Pertencen á comarca os concellos de Castrelo do Val, Cualedro, Laza, Monterrei, Oímbra, Riós, Verín e Vilardevós.

Demografía
     Tiña en 2020 unha poboación de 24.999 habitantes, deles 12.455 son homes e 12.544 son mulleres.

     Con 13.647 habitantes (INE 2020) o concello de Verín é a capital da comarca, tendo así, máis do 50% da poboación total da bisbarra (54,59%).

Particularidades
     Dentro da idiosincrasia da bisbarra, unha das manifestacións culturais máis relevantes a nivel rexional e incluso nacional é o entroido. 

     Sendo Laza e Verín os máximos referentes comarcais, completarían o triángulo máximo do Entroido ourensán coa capital da Limia, Xinzo.

      Outra característica común é a dominancia da Casa dos Zúñiga (unha das máis importantes liñaxes de Galicia) do Condado de Monterrei, presenza que queda patente nos escudos dos concellos da comarca.

MAPA

 

XOAN ARCO DA VELLA



MUIÑO DAS ACEÑAS - AS ACEÑAS - RÍO UMIA - BAIÓN - VILANOVA DE AROUSA

 MUIÑO DAS ACEÑAS

AS ACEÑAS

RÍO UMIA

BAIÓN

VILANOVA DE AROUSA

 Río Umia
     O río Umia nace na parroquia de Aciveiro (Forcarei), e percorre os concellos da Estrada, Cuntis, Moraña, Caldas de Reis, Portas, Meis, Vilanova de Arousa, Ribadumia e Cambados creando unha bacía de 404 km².

     Finalmente, desemboca na ría de Arousa na Ponte da Barca (Cambados).

     Estímase unha lonxitude total de 70 km e un caudal medio de 16,3 m3.

Características
     O río nace ao xuntárense os regatos de Raigosa (700 m), Filloi (720 m), Alende (620 m) e Grela.

     Circula por unha chaira a 500 m de altitude até A Goleta, a partir de onde baixa encaixado até Ponte Taboada.

     Alí xúntaselle o río Gallo e segue por outra chaira situada a 200 m. En Cesar, Caldas de Reis, cae en fervenza.

     En Caldas de Reis entra na Depresión Meridiana, até desembocar na ría, entre os concellos de Cambados e Ribadumia creando unhas marismas en que se poden ver, ao longo das estacións, unha gran diversidade de aves migratorias.

     O río Umia ten unha grande importancia cultural, xurdindo na súa contorna diversos contos ou lendas coma a da "ponte dos padriños", en Ponte Arnelas (en Leiro, Ribadumia), no que se practicaba o rito do bautismo anticipado.

MAPA

 

XOAN ARCO DA VELLA

PONTELLA DAS ACEÑAS - AS ACEÑAS - RÍO UMIA - BAIÓN - VILANOVA DE AROUSA

PONTELLA DAS ACEÑAS

AS ACEÑAS

RÍO UMIA

BAIÓN

VILANOVA DE AROUSA

Río Umia
     O río Umia nace na parroquia de Aciveiro (Forcarei), e percorre os concellos da Estrada, Cuntis, Moraña, Caldas de Reis, Portas, Meis, Vilanova de Arousa, Ribadumia e Cambados creando unha bacía de 404 km².

     Finalmente, desemboca na ría de Arousa na Ponte da Barca (Cambados).

     Estímase unha lonxitude total de 70 km e un caudal medio de 16,3 m3.

Características
     O río nace ao xuntárense os regatos de Raigosa (700 m), Filloi (720 m), Alende (620 m) e Grela.

     Circula por unha chaira a 500 m de altitude até A Goleta, a partir de onde baixa encaixado até Ponte Taboada.

     Alí xúntaselle o río Gallo e segue por outra chaira situada a 200 m. En Cesar, Caldas de Reis, cae en fervenza. 

     En Caldas de Reis entra na Depresión Meridiana, até desembocar na ría, entre os concellos de Cambados e Ribadumia creando unhas marismas en que se poden ver, ao longo das estacións, unha gran diversidade de aves migratorias.

     O río Umia ten unha grande importancia cultural, xurdindo na súa contorna diversos contos ou lendas coma a da "ponte dos padriños", en Ponte Arnelas (en Leiro, Ribadumia), no que se practicaba o rito do bautismo anticipado.

MAPA

 

XOAN ARCO DA VELLA