LUZ PRADO - MODA SOSTIBLE NA MOSTRA DO ENCAIXE - CAMARIÑAS

 LUZ PRADO DESEÑADORA

COLECCIÓN ¨ ESPERTAR¨

MOSTRA DO ENCAIXE 

CAMARIÑAS - 2024

MODA SOSTIBLE DE VILLAGARCIA A CAMARIÑAS
      A deseñadora Luz Prado presentará o 28. 29 e 30 de marzo na "Mostra do encaixe de Camariñas" a súa colección de moda ESPERTAR.

      Espertar é unha colección de moda pensada no impacto ambiental que xera a día de hoxe a industria da moda. Nace da reciclaxe e a fusión entre as coleccións anterior da deseñadora, "Ascalapta" 2018 e "Ardora" 2023.

      Ascalapta está realizada en polipiel que do mesmo xeito que o yute é un material sostible e frea o sacrificio de animais, polo seu lado Ardora está realizada coa reutilización do encaixe de Camariñas que decoraba a colección Ascalapta e está confeccionada en tecido piquei (algodón) que é unha fibra biodegradable e seda que é unha fibra proteica fiada dos vermes de seda.

      Espertar conservará as pedras de Swaroski, xa que esta firma actualizou a súa estratexia de sustentabilidade e administración da auga.

     O nome Espertar, quere ademais facer consciencia do abuso que estamos a ter nas compras de roupa Baixo custo, que é unha das grandes causantes da contaminación da auga e do aire.

     Non hai que esquecer que a industria téxtil é a 2ª máis contaminante e que a pesar de que xa todas as empresas son conscientes e toman medidas respecto diso, tamén está en mans do consumidor reducir o impacto ambiental.

 

 MAPA 

 

XOAN ARCO DA VELLA 

CAPELA DE SAN FELIPE - AS SEARAS - MOURENTÁN - ARBO

 CAPELA DE SAN FELIPE

AS SEARAS

MOURENTÁN

ARBO

As Searas
       As Searas é un lugar da parroquia de Mourentán, no concello pontevedrés de Arbo, na comarca da Paradanta. Segundo o IGE, en 2015 estaba deshabitado.

Mourentán
       San Cristovo de Mourentán é unha parroquia que se localiza no norte do concello de Arbo.

        Segundo o padrón municipal de 2013 tiña 571 habitantes (282 homes e 289 mulleres) distribuídos en 63 entidades de poboación, o que supón unha diminución en relación ao ano 2004 cando tiña 738 habitantes.

Comarca da Paradanta
      A comarca da Paradanta é unha comarca galega situada na provincia de Pontevedra. A ela pertencen os concellos de Arbo, A Cañiza (a súa capital), Covelo e Crecente. 

      Limita ao norte coas comarcas de Vigo e do Ribeiro, ao leste con esta última e coa de Terra de Celanova, ao sur con Portugal e ao oeste coa do Condado.

      Ocupa unha extensión de 339,85 quilómetros cadrados e contaba cunha poboación de 12.060 habitantes no ano 2020.

MAPA

 

XOAN ARCO DA VELLA

REGO DOS LADRÓS - DEVESA DE ARRIBA - PRESQUEIRAS - FORCAREI

 REGO DOS LADRÓS

DEVESA DE ARRIBA

PRESQUEIRAS

FORCAREI

 Devesa de Arriba
     Devesa de Arriba é un lugar da parroquia de Santa Mariña de Presqueiras, no concello pontevedrés de Forcarei.

     Segundo o IGE en 2008 tiña 33 habitantes (12 homes e 21 mulleres), menos ca en 2007.

Santa Mariña de Presqueiras
      Santa Mariña de Presqueiras é unha parroquia que se localiza no concello de Forcarei, na comarca de Tabeirós - Terra de Montes. Segundo o IGE en 2014 tiña 125 habitantes (52 homes e 73 mulleres).

      En 2004 tiña 195 habitantes (120 mulleres e 75 homes), 27 menos ca en 1999. Ten 8 entidades de poboación.

Topónimo
     Posibelmente do étimo petriscarias, derivado do latín petra(m) co sufixo latino -aria, referido a un lugar onde abundan as pedras.

Lugares de Santa Mariña de Presqueiras
      Alfonsín, Cernadelo, Devesa de Abaixo, Devesa de Arriba, Fontegrande, Penalba, Ratel, Regotraveso

Comarca de Tabeirós - Terra de Montes
     A comarca de Tabeirós - Terra de Montes é unha comarca galega situada na provincia de Pontevedra. Pertencen a esta comarca os concellos da Estrada e Forcarei. Tamén se inclúe nesta comarca o concello de Cerdedo malia a súa fusión no 2016 co concello de Cotobade, da comarca de Pontevedra. 

       A comarca está formada por dúas bisbarras diferenciadas: por unha banda, Tabeirós (integrada polo concello da Estrada); e pola outra, unha gran parte da comarca histórica de Terra de Montes.

Situación
       Esta comarca de 450,39 km² sitúase entre as Terras do Deza e as da costa e nela distínguense dúas unidades xeográficas distintas: a Terra de Tabeirós ao norte, que forma parte do val do Ulla, e a zona montañosa da Terra de Montes ao sur.

Historia
      A Terra de Montes conformouse desde a división parroquial que realizaran os reis suevos Teodomiro e Miro na segunda metade do século VI. A comarca consolidouse coa súa incorporación á sede arcebispal de Iria Flavia.

       En 1115 o arcebispo Xelmírez, por doazón de Dona Urraca, construíu a torre-fortaleza do Castro de Montes, desde a que os xuíces-meiriños gobernaban a comarca. En 1135 construíuse o mosteiro de Aciveiro, arredor do cal se creou unha importante actividade comercial e artesanal a partir do século XII. 

MAPA

 

XOAN ARCO DA VELLA

CAPELA DE SAN VICENZO - SAN VICENZO - AVIÓN

 CAPILLA DE SAN VICENZO

SAN VICENZO

AVIÓN

 San Vicenzo
       San Vicenzo é un lugar da parroquia de Avión no concello ourensán de Avión na comarca do Ribeiro.

      Segundo o INE e o IGE en 2011 tiña 79 habitantes (34 homes e 45 mulleres), seis menos ca en 2010 (35 homes e 50 mulleres).

Lugares de Avión
     Beresmo, Cernadas, San Vicenzo, San Xusto

Avión
      San Xusto e Pastor de Avión é unha parroquia do concello de Avión, na provincia de Ourense.

       En 2015 tiña 588 habitantes (279 homes e 309 mulleres), 133 menos ca en 2000.

       Esta parroquia, por ser a capital do municipio, non perdeu tanta poboación como as outras do concello.

Patrimonio
      A igrexa parroquial ten a súa orixe a comezos do século XVII, rematándose a súa construción en 1742. A fachada é un retablo barroco realizada por canteiros da Terra de Montes, e ten outras dúas portadas fortemente moldeadas e con fornela superior, con figuras pétreas de Santo Antón co Neno e a Virxe e o seu fillo. A cabeceira, moi anterior a 1742, ten bóveda de nervios góticos con claves historiadas policromadas. Na central figuran os santos Xusto e Pastor, con caretas alusivas aos principios centrais da fe.

      A arquitectura da torre do templo, con carátulas angulares na balaustra inferior, é similar á das igrexas de Carballeda e Beiro, posiblemente porque foron ordenadas facer pola mesma persoa, o conde de Ribadavia.

      A igrexa ten columnas salomónicas angulares, algo que malia ser un exemplo moi característico do barroco, non é común nos exteriores das igrexas do barroco galego.

Comarca do Ribeiro
       A comarca do Ribeiro é unha comarca galega situada na provincia de Ourense no curso medio do río Miño, que a percorre de nordeste a suroeste. A súa capital é Ribadavia, e a ela pertencen os concellos da Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón e Ribadavia. Dálle nome ao viño do Ribeiro.

       Ocupa unha superficie de 406,92 km², nos que viven 15.571 habitantes (2020). Por ela transcorren tamén os ríos Arnoia e Avia. O Miño está represado nos encoros de Castrelo de Miño e da Frieira. 

     Existen varios balnearios que aproveitan as augas. Desde a Serra do Suído e Faro de Avión, ao oeste, onde se chega ao 1.000 m de altitude, o relevo descende até só 97 m en Ribadavia e Arnoia.

MAPA

 

XOAN ARCO DA VELLA

CAPELA DO SENHOR DOS AFLITOS - FIESTRAS - VALENÇA DO MINHO

 CAPELA DO SENHOR DOS AFLITOS

FIESTRAS

VALENÇA DO MINHO 

 Friestas
     Friestas e unha freguesia portuguesa do concello de Valença, con 4,32 km² de superficie e 546 habitantes (2001). Sua densidade de poboación e de 126,4 hab/km².

Valença
     Valença, tamén coñecida como Valença do Miño (Valença do Minho en portugués), é un concello portugués do distrito de Viana do Castelo, dentro da Região Norte e subrexión do Minho-Lima.

        O concello abrangue 117,43 km² de área e 14.127 habitantes (2011), subdividido en dezaseis freguesías.

     Linda polo leste co municipio de Monção, polo sur con Paredes de Coura, polo oeste con Vila Nova de Cerveira e ao noroeste e norte únese a Tui a través do río Miño.

      Dende o 10 de febreiro de 2012, forma coa cidade galega de Tui unha eurocidade, como mostra de cooperación e integración dos dous concellos, separados tan só polo río Miño. 

As freguesías de Valença son:
    Boivão
    Cerdal
    Fontoura
    Friestas
    Unión das Freguesías de Gandra e Taião
        Gandra
        Taião
    Ganfei

    Unión das Freguesías de Gondomil e Sanfins
        Gondomil
        Sanfins
    São Julião
    São Pedro da Torre
    Silva

    Unión das Freguesías de Valença, Cristelo Covo e Arão
        Valença
        Cristelo Covo
        Arão
    Verdoejo

Monumentos
    Castelo de Valença
    Convento de Ganfei
    Convento de Mosteiró
    Convento de Sanfins/Friestas
    Igrexa da Misericórdia de Valença
    Igrexa de Santa Maria dos Anjos
    Igrexa Matriz de Valença
    Praza-forte de Valença
    Ponte Vella Internacional Tui-Valença

MAPA

 

XOAN ARCO DA VELLA

CAPELA DO SEÑOR DO ENCONTRO - A FORTALEZA - VALENÇA DO MINHO

CAPELA DO SEÑOR DO ENCONTRO

A FORTALEZA

 VALENÇA DO MINHO 

Fortaleza de Valença
       A Fortaleza de Valença (Praça-forte de Valença) é unha fortaleza que se localiza na vila, freguesía e concello de mesmo nome, distrito de Viana do Castelo, no Norte de Portugal raiando na marxe esquerda do Miño coa vila galega de Tui. 

      O edificio actual data do século XVII, hoxe é propiedade da república e a vila vella de Valença que arrodea é un destino turístico e de compras de moitos galegos e portugueses.

Historia
         Disque a ocupación cun castelo (Castelo de Valença) se remonta á invasión romana da Gallaecia.

       O forte sería ocupado durante o reino suevo e o posterior Reino de Galiza.

       Xa despois da escisión do condado portugués de Galiza, no século XII para o XIII, construiríase o vello castelo para a defensa da poboación e da travesía nese treito do río.

Descrición
      Coa reconstrución das defensas que transformaron Valença nunha praza forte, a poboación ficou separada do río por unha rede de baluartes de cachotaría de granito e de patamais que se comunican entre si por medio de fosos e de pasaxes superiores.

      Planimetricamente, a fortaleza, ao abrigo dun intricado conxunto de baluartes, revelíns e fosos, ficou dividida en dúas grandes áreas que se comunicaban pola chamada Porta do Meio: o sector Norte, que abrangue a antiga vila medieval, e o sector Sur, unha área menor e máis aberta: a chamada Coroada.

Turismo
         Valença, por ser vila raiana, é dende finais do século XX un destino popular de turismo galego de feira e para a compra de diferentes artigos, salientando os téxtiles.

       As murallas de Valença agochan multitude de tendas (‘’lojas’’) de artigos para o lar, enxoval, así coma restaurantes e cafés, de moita sona tanto no Norte de Portugal coma no sur de Galiza. 

MAPA

 

XOAN ARCO DA VELLA