lunes, 15 de octubre de 2012

ILLAS SISARGAS

ILLAS SISARGAS
MALPICA



     As illas Sisargas son un arquipélago galego sito no Océano Atlántico en fronte a Malpica en plena Costa da Morte formado por tres illas, Sisarga Grande, Sisarga Chica e Malante, que pertencen ao concello de Malpica de Bergantiños, na provincia da Coruña.



     Xeografía
     Illas Sisargas, Malpica de Bergantiños
     As súas coordenadas xeográficas son 43º22' / 43º21' latitude N e 5º9'40 / 5º8'30 lonxitude W, segundo os extremos que se escollan. A distancia ao punto máis próximo á costa é de 0,750 km (Sisarga Chica-Cabo de Santo Hadrián). Distan uns 35 km da cidade da Coruña, sita máis a Leste, pero na mesma latitude; da capital municipal, Malpica de Bergantiños, a distancia é de aproximadamente 1 km. O grupo disponse a xeito dun L invertido e xirado, sendo a Sisarga Grande a máis occidental e setentrional; Malante ocuparía a posición central e angular; en tanto a Sisarga Chica, tamén denominada Atalaxeiro ten a posición meridional. Unhas doutras sepáranse por estreitas canles de mar (Canal de Estádiga entre as dúas primeiras; Canal de Esteirón, entre a Malante e a Chica). A máxima elevación pertence á Sisarga Grande con 92 m sobre o nivel do mar.



     Fauna
     A importancia das Illas Sisargas está nas súas colonias de gaivota escura (Larus fuscus), gaivota tridáctila (Rissa tridactyla), paíño europeo (Hydrobates pelagicus) e arao dos cons (Uria aalge), aves escasas en Galiza e na Península Ibérica e que teñen aquí unha das súas maiores colonias. Ademais existe unha importante poboación de corvo mariño cristado (Phalacrocorax aristotelis), andurón real (Tachymarptis melba), gaivota patiamarela (Larus cachinnans) e choia biquivermella (Pyrrhocorax pyrrhocorax).



     Toponimia
     Santo Adrián e as Illas Sisargas
     Foi o Padre Sarmiento, que as denomina Cisargas, o primeiro en lanzar a hipótese de que o nome das Sisargas estaba referido a Xulio César, quen como é sabido cara o ano 60 a.C., apresentouse na Gallaecia, e submeteu a súa parte Norte, aparecendo entre os ártabros, aos que, segundo as crónicas romanas, aterrorizaría con as súas naves, polo que se submeterían de contado aos romanos. Esta hipótese supón que o seu nome latino sería *insulas Caesaricas, en acusativo plural, develando o estadio lingüístico actual a influencia seseante.




     En relación con isto, Rodríguez Bordallo e Ríos Graña sosteñen que aquí estivo localizado un dos grupos das Aras Sestianas, en concreto os citados por Ptolomeo como "Sestíou bomoí" : "tres altares de Sestíos".



     Con todo, o máis coherente e aceptado hoxe en día, é que proveñan dunha raíz hidronímica indoeuropea *Eis- 'fluir', en grao cero *Is-, dunha forma *Illas Isargas (de *Insulas Isáricas). O S- non sería máis que a deglutinación do -s final de Illas. Da mesma produtiva raíz veñen tamén o nome do río Ézaro (de *Ísarus) e moitos outros hidrónimos galegos e europeos.



MAPA


SÍGUENOS:
Facebook
Twitter
Pinterest
Google+
Instagram
YouTube

XOAN ARCO DA VELLA

1 comentario:

  1. We are an independent escorts agency providing Call Girls job in Delhi. Call Girls job in hotels, We mainly targeted to the clients satisfaction and fully co-operative service providin you Escorts Girl Job in Delhi. We never disclose any identity to any third person. We also provides accommodations,we are looking an independent girl who can work with independently as a Female Escorts Job in Delhi.

    The recruitment will be on face to face interview and we need some pics for finalize the girls. The girls should be good looking to do Call Girls job in Delhi, good body structure and can work with us independently. Any Girls from any city can join us for Escorts Girl Job in Delhi and become a Call girls. We are hiring Female Escorts Job in Delhi also.

    ResponderEliminar

Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901