¡ MEU PAI | ¡ AI, MEU PAI !

¡ MEU PAI ! ¡ AI, MEU PAI !
CONTO

     

     -¡Meu pai ! ¡Ai, meu pai!

     -¿Que é o que queres, hom?

     -¡A nai botouse no leito a berrar que é moito berrar, seica di que lle doe moito a barriga!

     -¡ Pois deixa que berre, hom, deixa que berre se lle fai ben!

     Pasou un pouco e o rapaz volveu berrar:

     -¡Meu pai! ¡Ai, meu pai! ¡A nai ceica morre, que berra máis a cada paso!

     -¡Déixame de lerias, hom, déixame de lerias, que estou traballando!

     -¡Mire que lle está moi maliña! ¡É ben  que veña á casa!

     -¡Vaite ti aló, hom! ¡Vaite ti aló que eu non che podo!  -dixo o home.

     E  viroulle as costas ao fillo que berraba dende o fondal da horta.

     Pouco tempo pasara e volveu berrar de novo o rapaz:

     -¡Meu pai! ¡Ai meu pai! ¡A nai pariu un neno totalmente coma un cuxo!

     -¡Boh! ¡E para iso tanto berrar, hom! -fixo o home.

     E remusgando que sabe o que seguiu a fozar na terra.

     Pasou tempo, o home traballaba na mesma leira, e, dende o fondal da porta volveu berrar o fillo:

    -¡Meu pai! ¡Ai, meu pai!

    -¿ Que é o que queres, hom?

    -¡Que a cocha está facendo a cama e seica quere parir!

    -¡Vaite termar dela non sexa que se vaia mancarse!

     ¡Corre ben que eu vou decontado!

     E o home, deixando a ferramenta, pillou a escarpe camiño da casa.

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA