HABERES DE "O CASTRO" - LENDA

HABERES DE " O CASTRO"
LENDA

     
     Na Porta do Mouro hai moito haber e del sabían o meu avó e outros individuos que dunha vez o foron desencantar levando consigo un crego e mais un ciprianillo.

     Chegados ao sitio, riscaron un circo no chan cunha cruz no medio e metéronse dentro, e despois o crego fixo no aire unha cruz en cada vento e esconxurou, veu do penedo unha grande voz que dixo:

     -¿ De que forma queredes que saia ?

     Un dos presentes, que acababa de chegar do servizo, contestou:

     - Saia en forma de militar.

     E apareceu un soldado grandísimo, tan grandísimo que a cabeza pasaba por riba dos cotos máis altos.

     - ¿ Que queredes de min ? - preguntou.

     - Queremos que nos dea a súa riqueza - dixo un.

     - Se queredes diñeiro, ide por el ás casas do rei, que o que teño é meu e non volo dou.

     Á fin, e a poder de moito porfiar, convencérono de que lles dese algo, mais puxo de condición que lle habían traer un año, branco e sen lixo ningún.

     E como eles andaban a rifar sobre quen tiña que ir a aldea polo año, oíuse un trono que fixo tremer a terra, escureceuse a luz e desapareceu u xigante.

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

A Fraga, Lobeira - Ourense

XOAN ARCO DA VELLA