domingo, 7 de octubre de 2012

AS XACIAS - LENDA

AS XACIAS 
LENDA






     
     Unha xacia de Chouzán aparecéuselle a un pescador nun pozo do río e contoulle que, se a bautizaba, podería escapar do río e casar con el. O pescador ao vela tan guapa  non resisteu a tentación e levouna á casa do cura para que a fixese cristía e logo casou con ela.

     Os fillos que tiveron, ao dicir dos veciños, non facían máis que estar sempre no río bañandosee lapexando auga. Ao vir dun traballo ou cando lles petaba na gana, alá ían de cara ao río. O pai enfadábase por isto ata tal punto que un día rifou con eles chamoulles fillos da xacia.

     Tamén a muller rifaba con el ata que ela, desprezada e maldita, colleu o camiño do río e abandonouno para sempre, pero ao chegar xunto ás outras xacias estas matárona porque era cristiá. Cando lle veu o trasacordo ao home, marchou en procura dela e viu o seu corpo en cahos nadando nas augas do pozo.

     A filla máis nova era a que adoitaba ir co gando ao monte e unha xacia viña para xunto dela facéndose moi amigas, pois regaláballe grans raiña de millo que se lle volvían onzas de ouro na faltriqueira. Pero sempre lle dicía que non contase a ninguén xa que, se tal facía, levaríana os mouros para sempre.

     A pobre rapaza, de nome Sabela, tivo a debilidade de contarlle a cousa a seu pai e, un día que foi co gando o monte, non volveu máis.

     Ao ver que a filla non viña co gando, o pai botouse ao monte en procura da filla e andou ao redor do castelo a ver se aparecía por algún lado morta ou viva.

     Chamaba por ela, berraba, choraba, pero a rapaza non aparecía. Canso de chamar xa se volvía para a casa, sen esperanza ningunha de dar con ela, e oíu unha voz fonda que desde o curuto do castelo ameazaba:

Sabeliña, sabelón
fritida está en aceitón.

     E o home renegaba daquela xacia maldita que un día coñecera xunro do río.

MAPA

Vilar de Ortelle, Pantón - Lugo
XOAN ARCO DA VELLA

No hay comentarios:

Publicar un comentario

Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901