PONTE DE PONTESAMPAIO - PONTE SAMPAIO

PONTE DE PONTESAMPAIO
PONTE SANPAIO

PONTEVEDRA

     Este lugar con importantes connotacións históricas estrema coa parroquia da Canicouva.

     O Camiño Portugués atravesa o seu territorio por unha ponte de dez arcos semicirculares construída sobre o río Verdugo que une esta parroquia co lugar de Arcade no veciño concello de Soutomaior. 

     Aínda que a orixe da ponte é romana o que se conserva dela na actualidade é medieval. 

     Nas súas inmediacións atopamos unha espléndida praia fluvial, así como diversos miradoiros con magníficas vistas á ría de Vigo.

     Do mesmo xeito podemos visitar a igrexa románica de santa María de Sampaio, do século XIII, e tamén o lugar de Canos da Laxe coa súa ponte medieval sobre o río Ulló e máis dunha ducia de muíños típicos.

     Ponte Sampaio é famosa pola vitoria obtida polos veciños na Guerra da Independencia sobre as tropas de Napoleón. A contenda, coñecida como Batalla de Ponte Sampaio, tivo lugar os días 7 e 8 de xuño de 1809 e puxo fin a cinco meses de ocupación francesa.

     A parroquia tamén conserva importantes pegadas arqueolóxicas, así temos unha machada que corresponde á Idade de Bronce, inscricións rupestres no monte do Chan da Cruz, un castro prerromano e un treito da calzada romana.

     Hónrase á Virxe do Carme o día 16 de xullo e celébrase a Festa da Anguía, o primeiro domingo de xullo.

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA