sábado, 6 de octubre de 2012

¡ CARAFIO CO ENCIÑO ! - CONTO

¡CARAFIO CO ENCIÑO! 
CONTO

    
     Manecho era un "americano" que botara nas Américas e mais nas viaxes polo menos dez meses e xa levaba na casa dende que volvera seica dous ou tres, por iso seguía sen botar unha man ao traballo.

     Un día que o pai escollía na louza na eira, Manecho, cabo del, recollido no alpendre para que non tomara o sol, movía unha ferramenta coa punta do pé e preguntoulle ao vello:

     -¡Mi padre! Diga vosté, mi padre, ¿ cómo llamás vós por acá a esta herramienta?

     O pai mirou para el e non deu fala.

     -¿Es que vós no me oís, mi padre? insistiu el.

     -¡Oín, home oín! ¿E logo é que ti non o sabes? 
 ¿Esquenceuche?

     Manecho nun descoido, fixo más forza co pé, e o mango da ferramente foille bater nos fociños.

     -¡Carafio co enciño! -dixo.

     -¡Ai, recorcio! ¡Logo lembráchelo decontado! -fixo o vello.

     -E disque dende aquela nunca máis Manecho volveu esquencer cousa da súa terra.


XOAN ARCO DA VELLA

No hay comentarios:

Publicar un comentario

Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901