ÓLEME AO PORCO - CONTO

ÓLEME AO PORCO
CONTO

     

     Un día chegaron a unha casa pedindo pousada un cego e mais o rapaz que traía de criado. A dona da casa levounos á cociña e, ensinándolles o pote , díllolles:

     -Velaí tedes o caldo, sacade unha cunca.

     E foise o rapaz e viu que andaba no caldo un bo cacho de touciño e quixo sacalo na súa cunca pero achegóuse o demo do cego e díxolle estricando o fociño:

     -¡Ui! ¡Óleme a porco, trae para acó, rapaz!

     E tirándolle a garfela da man achegouse ao pote e veña a remexer e mais remexer ata que atinou co touciño que andaba no caldo, deixando burlado ao criadiño.

     Ao outro día, de mañá, saíron da casa, e o rapaz, que non durmira de noite cismado como vingarse seguía caviloso sen reparar no camiño. Chegaron a outra casa que tiña diante da porta da eira unha boa barra e, denantes de decir o "Ave María Purísima", puxo ao cego diante dun dos chantos da barra e díxolle.

     -¡Señor, brinque un pouquecho, que hai un regato!

     E foise o cego, brincou e esnafrouse no chanto.

     -¡E ti, condanado! -berrou o vello encarrazado-, ¿que fixeches, fillo dun can?

     -¡Eu, señor, non fixen nada! -dixo o neno-. E logo, ¿é que vostede ole o gruño pero non oleu o chanto?

XOAN ARCO DA VELLA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA