CASTRO DA CRUZ DO CASTRO - COTOBADE

CASTRO DA CRUZ DO CASTRO

CARBALLEDO

COTOBADE

PONTEVEDRA

     A Cruz do Castro é un outeiro que se sitúa ás costas do barrio da Igrexa, en Carballedo, e sirve de soporte a un dos conxuntos patrimoniais máis coñecidos do Concello de Cotbade.

     Consta dun xacemento arqueolóxico, formado por varios recintos fortificados e distintos elementos etnográficos e construccións de arquitectura popular.

     As escavacións arqueolóxicas feitas polo equipo dirixido polo arqueólogo Ángel Concheiro en 2008, 2009 e 2010, sacaron á luz vestixios de construccións e materiais da Idade do Ferro e da Época Romana Tardía, os dous intres históricos nos que se move o asentamento.

     Desa última fase o rexistro material é sorprendentemente rico:  cerámica local e de importación do Mediterráneo, algún numisma e obxectos de uso cotián e adorno persoal, entre os que destaca un anel de bronce e un pendente de ouro.

     Esta última peza ten unha importancia extraordinaria, xa que é a primeira vez que se atopa en Galicia unha xoia desas características nunha escavación científica.

     No recinto principal atópase, asemade, o Muíño de Vento de Laredo, unha das catro construccións deste tipo existentes en Cotobade. É do tipo bidireccional de cuberta fixa e foi recentemente restaurado.

     Nas súas inmediacións atópase o baseamento e pedestal da cruz que coroaba o monte e que lle daba nome, destruída durante o século pasado.

     O descubrimiento dun pendente de ouro, na campaña do 2009, dentro da excavación tivo unha repercusión mediática importante.

     Neste ano 2010 a excavación recibiu numerosas visitas incluíndo unha nocturna, co fin de achegar a traballo realizado a todos os veciños e interesados.

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA