jueves, 26 de septiembre de 2013

PETO DE TEIS - TEIS - VIGO

PETO DE TEIS
TEIS
VIGO


     Peto formado por tres partes diferenciadas: pedestal con peto, corpo central enmarcado por unha cornixa curvilínea, de traza barroca, coa figuración das almas no Purgatorio, e na parte superior a Crucifixión. 
 

     Estas almas no Purgatorio son sete figuras, seis de elas son homes e mulleres entre as lumaradas do Purgatorio e na parte superior podemos ver a imaxe de San Francisco suxeitando da man a dúas de elas, unha a cada lado, correspondendo unha á representación dun home e a outra a unha muller. 


     Enriba deste conxunto temos unha Virxe orando enmarcada dentro dunha forma circular.


      O conxunto está coroado por Cristo crucificado con tres cravos e os brazos oblicuos apoiado sobre unha bola.



      A parte baixa posúe un amplo pedestal e un peto. Debaixo podemos ler: “ECH EL AÑO”. Seguidamente un recadro que posúe una inscrición case ilexible: “A DEVOCION DE D FRAN R D SUY Y SU T…..”



      O peto non ten fornelo e está completamente ao descuberto todo el. Foi restaurado e mostra unha fermosa policromía.



Os Petos de ánimas.
    A devoción ás ánimas segue viva entre as xentes, que adoitan levarlles como ofrenda patacas e millo con formas raras. 



     O seu significado vén da crenza na continuidade da alma despois da morte e da existencia dun paso intermedio para chegar ao ceo, onde se redimen os pecados e faltas cometidas en vida (o purgatorio), moi arraigada na mentalidade popular galega.




     Dentro das construcións populares, os petos de ánimas son os que evidencian a importancia do purgatorio. 





     A finalidade destes elementos populares é que os vivos poidan ofrecer esmolas para a salvación das almas en pena que non encontran descanso no purgatorio, e así alcancen a felicidade no ceo.



     Unha vez liberadas, intercederán por quen fixo a ofrenda. Por tanto, trátase de procurar a salvación dos mortos pero tamén de se asegurar a propia.




     Moitos deles foron construídos pola devoción dun fregués ou polos veciños dun lugar.



     Son moi curiosas as advertencias que se fan no seu nome. Por exemplo, no de Famelga de Aguasantas (Cotobade) lese textualmente: "Un alma tienes y no más, si la pierdes qué harás...".




     Tamén se invita a recordar os nosos antepasados: "Ave María Purísima. Acordaos de las ánimas de vuestros padres o abuelos o tíos o parientes o amigos".




     E, noutra parte do oratorio, apréciase esta inscrición: "Rogad por nos, Señor, y socorrednos con vuestros sufragios que nos pidiremos por vos"


MAPA



SÍGUENOS:
Facebook
Twitter
Pinterest
Google+
Instagram
YouTube

XOAN ARCO DA VELLA

No hay comentarios:

Publicar un comentario

Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901