ESPETALLE UN PINCHO 2020 - MORAÑA

 "ESPETALLE UN PINCHO - 2020

MORAÑA

51º FESTA DO CARNEIRO O ESPETO"

     “ESPÉTALLE UN PINCHO" SERVIRÁ CASE 150 QUILOS DE CARNEIRO EN 1.200 PETISCOS DA MAN DE CINCO ESTABLECEMENTOS E DO CHEF MIGUEL MOSTEIRO

      A 51ª Festa do Carneiro ao Espeto vai comezar esta fin de semana coa primeira das súas actividades gastronómicas, xa que o sábado 11 terá lugar a novena edición de "Espetalle Un Pincho” cun novidoso formato de rúa que pretende achegar aínda máis esta actividade á cidadanía e facilitar o estrito cumprimento dos protocolos sanitarios establecidos polo Concello de Moraña para todos os eventos vencellados á exaltación culinaria.

 
     “Espétalle un Pincho” vai servir, a través da participación de cinco establecementos de hostalaría de Moraña e do chef Miguel Mosteiro, uns 1.500 petiscos das máis variadas formas de cociñar o carneiro. 

     Está previsto que se empreguen dous carneiros por cada participante, ata un total de doce e case 150 quilogramos de carne, xa que as pezas serán as habituais de Moraña de entre 11 e 13 quilos.

 
     A iniciativa previa ao Carneiro ao Espeto comezará, este sábado, ás 19.00 horas cun showcooking a cargo do prestixioso cociñeiro Miguel Mosteiro, de Gastrolab Arousa, que preparará diversos pratos para unha trintena de persoas. 

       Os veciños interesados en asistir a este evento deben inscribirse previamente na Casa da Cultura de Moraña nestes días e deberán acudir, obrigatoriamente, con mascariña.

     Tras este acto, comezará a degustación de petiscos, tamén na céntrica carballeira, cun novidoso formato de casetas co que se pretende darlle un pulo a “Espétalle un Pincho” e favorecer a seguridade sanitaria. 

     Os locais participantes que servirán o carneiro serán A Adega, Casa Varela, Café Bar O Congo, Vi Sports e Asador O Xavique e tamén fará o propio o citado chef co seu stand.

     A xornada gastronómica estará animada coas actuacións de Pablo Balseiro e Os Cascarillas e marcará o punto de saída da ampla programación da 51ª Festa do Carneiro ao Espeto, que disporá de máis dunha vintena de actividades espalladas en algo menos de tres semanas ata o domingo 26 de xullo, día grande da exaltación do prato típico de Moraña.

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA