CRUCEIRO DE EIRÓ - A ESTREMA - SAN XOSÉ DE RIBARTEME - AS NEVES

CRUCEIRO DE EIRÓ

A ESTREMA

SAN XOSÉ DE RIBARTEME

AS NEVES

A Estrema
     A Estrema é un lugar da parroquia de San Xosé de Ribarteme no concello pontevedrés de As Neves.

     Segundo os datos do Instituto Galego de Estatística do ano 2008 ten 60 habitantes (27 homes e 33 mulleres), sendo a aldea máis poboada da parroquia.

     Conta cunha capela, chamada Capela de Eiró, e cun cruceiro.

San Xosé de Ribarteme
     San Xosé de Ribarteme é unha parroquia que se localiza no concello das Neves. 

     Segundo o padrón municipal de 2008 tiña 286 habitantes (138 mulleres e 148 homes), distribuídos en 19 entidades de poboación, o que supón unha diminución en relación ao ano 2004 cando tiña 314 habitantes.

     No tocante á súa xeografía posúe dous elementos relevantes: o monte San Nomedio, de 690 metros de altitude e que domina toda a parroquia, e o río Termes, afluente do Miño e que transcorre por ela.

     Cada 29 de xullo celébrase a romaría de Santa Marta, que posúe como singularidade unha famosa procesión de cadaleitos arredor da igrexa parroquial. Dentro dos cadaleitos van persoas vivas que deste xeito agradécenlle á santa a súa axuda na cura dalgunha doenza. 

     Trátase dunha das romarías máis antigas de Galiza. Segundo o xornal británico The Guardian trátase da segunda festa máis curiosa do mundo e foi, ademais, obxecto dun documental que a produtora catalá Mago Productions encargou aos profesores australianos Claudia Terstappen e Greg Wallif.

Lugares de San Xosé de Ribarteme
     O Areal, Babareira, Bocas, Casal da Vila, A Cernada, A Cortegosa, O Cotiño, O Coto de Lobos, O Coto, Currás, A Estrema, A Muradella, O Outeiro, As Pedriñas, A Portela, Quinteiro, Rodeiro, Rubial, Sancharredonda, Zafal 

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA