PONTE DA SENRA
RÍO TEMES
RIBARTEME
AS NEVES
PONTE DA SENRA
Ponte Romana sita sobre o río Termes, incluída no Catálogo do Patrimonio Cultural de Galicia co código GA36034048 e igualmente recoñecida como Ben de Interese Cultural (BIC).
Esta ponte conta cun arco de medio punto dunha altura de 3,50 metros.
A lonxitude total da ponte é de 14 metros e o seu ancho de 3,30 metros.
Está realizada con pequenos sillares de distinta tipoloxía e perfección, situándose os máis perfectos no arco.
Ademais de resultar un atractivo por si mesma, atópase nun valioso conxunto etnográfico, conformado por muíños e un peto de ánimas.
Dise que por ela xa pasaba a raíña Isabel de Portugal, na súa peregrinación a Santiago de Compostela.
Hoxe en día esta ruta é coñecida como o Camiño dos Frades.
A lenda conta que toda muller cun embarazo complicado, debía achegarse á ponte e deitarse debaixo dela, á espera de que chegaran un home e unha muller, que posteriormente serían os padriños do neno.
Estas persoas terían que acudir a xunto da rapaza e botarlle auga sobre o abdome.
Durante este proceso, ningún animal podería cruzar a ponte para que o feitizo fora efectivo polo que, co motivo de tentar evitalo, a cada lado da ponte se situaría algún familiar da futura nai. En caso contrario muller abortaría.
MAPA
SÍGUENOS:
Facebook
Twitter
Pinterest
Google+
Instagram
YouTube
Fuente: Concello de As Neves
XOAN ARCO DA VELLA
xenial!
ResponderEliminarMoitas gracias.
Eliminar