CAPELA DE SAN ALBERTE
SAN BREIXO DE PARGA
GUITIRIZ
LUGO
Capela gótica de grandes dimensións que data do s. XIII, fabricada en bo cadeirado de granito e que consta de nave rectangular e capela maior, con cuberta de lousa a dúas e catro augas, respectivamente.
Fachada do s. XVIII con porta de arco alintelado e sinxela espadana de único van con remates neoclásicos, quedando do primitivo estilo tan só unha ventá oxival con tracerías de estilo salomónico.
Exteriormente hai oito grandes contrafortes e canecillos no aleiro, algúns figurados. Porta lateral dereita de arco de medio punto, lixeiramente apuntado. Interior: bóveda sexpartita con engadido de dous nervios na capela maior, orixinándose 6 nas columnas e 2 en ménsulas, con artísticos capiteis; imaxe gótica do s. XIII de Santo Alberto e outros talles do XVIII, e retablo lateral moderno.
Enmarcada nun belo ámbito natural, nas proximidades hai unha fonte con frontis renacentista e bolas de pedra, unha ponte gótica sobre o río Parga e os restos dun antigo hospital de peregrinos a Santiago. Neste marco celébrase anualmente a famosa romaxe de Santo Alberte.
Acceso
Dende o núcleo de Guitiriz toma a estrada N-VI en dirección a Lugo, e á altura do Km. 531, a uns 10 Km., toma un desvío á dereita que cruza unha ponte sobre o río Parga, e a poucos metros xa vemos a capela a man dereita.
San Breixo de Parga
San Breixo de Parga é unha parroquia que se localiza ó sueste do concello de Guitiriz, a uns 8,4 km aproximadamente do núcleo municipal.
Segundo o IGE en 2012 tiña 94 habitantes (46 mulleres e 48 homes) distribuídos en 14 entidades de poboación, o que supón unha diminución en relación ao ano 1999 cando contaba con 114 habitantes.
Patrimonio
A capela e a ponte de Santo Alberte sitúanse no medio dunha fraga. A capela é do século XIII mentres que a ponte data do século XIV.
Existe tamén unha fonte. Aquí celébrase anualmente a famosa romaxe de Santo Alberte.
Parece ser que neste lugar houbo un hospital ao servizo dos peregrinos que se dirixían a Compostela.
MAPA
SÍGUENOS:
Facebook
Twitter
Pinterest
Google+
Instagram
YouTube
XOAN ARCO DA VELLA
No hay comentarios:
Publicar un comentario
Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901