jueves, 24 de octubre de 2013

PETO DE LAMOSA - COVELO

PETO DE ANIMAS LAMOSA 
LAMOSA
COVELO


      
     Construción de pedra de boas proporcións que aproveita o muro do adro da capela adxacente para apoiarse. Áchase coroado por unha cruz e dous pináculos. Como adornos destacar un corazón, unha cara e unha caveira. 
 


     A fornela é ampla, rectangular, en punta de frecha polo seu ángulo superior e protexida por unha reixa de ferro. O Retablo actual é de azulexo. Nel pódese contemplar a imaxe dun Cristo crucificado, un san Antonio e a Virxe do Carmen, aos que se intentan agarrar a ánimas que purgan os seus pecados entre as lapas. Manifesta unha clara influencia portuguesa.




     O seu significado vén da crenza na continuidade da alma despois da morte e da existencia dun paso intermedio para chegar ao ceo, onde se redimen os pecados e faltas cometidas en vida (o purgatorio), moi arraigada na mentalidade popular galega.




     Dentro das construcións populares, os petos de ánimas son os que evidencian a importancia do purgatorio. A finalidade destes elementos populares é que os vivos poidan ofrecer esmolas para a salvación das almas en pena que non encontran descanso no purgatorio, e así alcancen a felicidade no ceo.
 



     Unha vez liberadas, intercederán por quen fixo a ofrenda. Por tanto, trátase de procurar a salvación dos mortos pero tamén de se asegurar a propia.




     Moitos deles foron construídos pola devoción dun fregués ou polos veciños dun lugar. Son moi curiosas as advertencias que se fan no seu nome. Por exemplo, no de Famelga de Aguasantas (Cotobade) lese textualmente: "Un alma tienes y no más, si la pierdes qué harás...".




     Tamén se invita a recordar os nosos antepasados: "Ave María Purísima. Acordaos de las ánimas de vuestros padres o abuelos o tíos o parientes o amigos". E, noutra parte do oratorio, apréciase esta inscrición: "Rogad por nos, Señor, y socorrednos con vuestros sufragios que nos pidiremos por vos".

MAPA


SÍGUENOS:
Facebook
Twitter
Pinterest
Google+
Instagram
YouTube
XOAN ARCO DA VELLA





No hay comentarios:

Publicar un comentario

Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901