FERVENZA DE VILAGOCENDE - RÍO PORTELIÑA - A FONSAGRADA

 FERVENZA DE VILAGOCENDE

RÍO PORTELIÑA

A FONSAGRADA

A FERVENZA MÁIS GRANDE DE GALICIA.
     Para chegar ata o roteiro collemos na Fonsagrada a estrada LU-721, dirección á aldea de Vilagocende.

     300 metros antes de chegar a este pobo aparcamos o coche e onde atoparemos un cartel do roteiro a man dereita. 

     Deixamos a estrada asfaltada ás nosas costas para penetrar de cheo no camiño que transcorre entre tramos de bosque de carballos e de piñeiros do país.

GOZA DA NATUREZA EN ESTADO PURO.
     Avanzando entre diversas pasarelas de madeira atopámonos coa bravura e a intensidade coa que as augas do río Porteliña baten desde unha caída libre de máis de 50 metros.

     A través da ponte podemos acceder á base da mesma e contemplar a súa fermosura protexida por un bosque de ribeira constituído por bidueiros, ameneiros e carballos.

     Tamén existe a alternativa de visitar un miradoiro situado arriba da fervenza que nos ofrece outra perspectiva da mesma non menos espectacular.

     Para volver ao momento de inicio teriamos que volver polo mesmo camiño.

VIDEO

MAPA 

 

Fuente: Concello de A Fonsagrada

XOAN ARCO DA VELLA