miércoles, 14 de abril de 2021

PETRÓGLIFO DE GORGOREIRO - O GORGOREIRO - MOSCOSO - PAZOS DE BORBÉN

 PETRÓGLIFO DE GORGOREIRO 

O GORGOREIRO

MOSCOSO

PAZOS DE BORBÉN

  Moscoso
    San Paio de Moscoso é unha parroquia que se localiza no concello de Pazos de Borbén.

     Segundo o INE en 2011 tiña 472 habitantes (248 mulleres e 224 homes), 189 máis ca en 1999. Ten tres entidades de poboación.


Lugares de Moscoso
     Fraga do Rei, O Gorgoreiro, As Lombas


Pazos de Borbén
     Pazos de Borbén é un concello da provincia de Pontevedra, pertencente á comarca de Vigo. Segundo o padrón municipal, en 2014 tiña 3.075 habitantes. O seu xentilicio é «pacense».

Xeografía
     O concello, de 50 km², abrangue oito parroquias e limita cos concellos de Redondela, Fornelos de Montes, Soutomaior, Mondariz, Ponteareas e Mos.


Hidrografía
     As augas do concello dan a tres concas: cara ao norte os ríos Barragán e Pequeno van dar ao Oitavén. Cara ao sur os ríos Borbén e Louro desembocan no río Miño. Cara ao oeste, o río Alvedosa desemboca en Redondela.


Orografía
      O monte Galleiro (670 m) é o cumio máis elevado. Outros picos son o monte da Serra (616 m), A Pedra Quitiña (532 m) e o Outeiro do Mar (475 m).


Restos arqueolóxicos
     O asentamento de culturas prehistóricas é moi evidente, dada a multitude de gravados rupestres e castros atopados na súa área xeográfica.

     Atópanse en Pazos de Borbén multitude de gravados rupestres, importantes sinais de tempos antigos e testemuñas dunha historia moi remota.

     Na parroquia de Amoedo son numerosos os lugares que teñen petróglifos de motivos xeométricos, como a Laxe das cruces dos Carballiños, os petróglifos de Masusán ou os de Alvedosa.

     En Borbén existen gravados rupestres en Castro do Coto do Corno e tamén a coñecida Pedra das Teixiñas, que se atopa nas proximidades do parque-miradoiro do Santo Aparecido, e que posúe varios grupos de gravados. O máis significativo e se cadra o que amosa unha escena de apareamento entre dous cérvidos de gran cornamenta.

     En Cepeda existen petróglifos de motivos xeométricos en Cavada de Santiago e en Valongos.

     En Moscoso, na Casa da Rapadoira, no que se poden observar combinacións circulares e máis un posible pé humano. Na Laxe Escorregadoira da Lameira e no Outeiro do Mar existen cruciformes e cazoletas, pero poden ser de épocas históricas.

Parroquias de Pazos de Borbén
     Amoedo (San Sadurniño), Borbén (Santiago), Cepeda (San Pedro), A Ermida (Nosa Señora da Anunciación), Moscoso (San Paio), Nespereira (San Martiño), Pazos (Santa María), Xunqueiras (San Salvador) 

MAPA

 

SÍGUENOS:

Facebook
Twitter
Pinterest
Google+
Instagram
YouTube

XOAN ARCO DA VELLA


No hay comentarios:

Publicar un comentario

Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901