sábado, 9 de septiembre de 2017

MUSEO DE RANDE - MEIRANDE - REDONDELA

MUSEO DE RANDE
"MEIRANDE"
REDONDELA


Centro de Interpretación de Rande
     O Centro de Interpretación da Batalla e do Patrimonio Cultural de Rande, o Meirande, ten como misión sensibilizar e concienciar á cidadanía da enorme riqueza non só artística, senón tamén, socio-cultural e paixasística da zona; e ante todo a necesidade da súa posta en valor.



MEIRANDE
     Meirande presentarche unha viaxe, unha viaxe cara ao pasado, cara tempos que xa se perderon da memoria das persoas e quedaron só impresos nos libros. 



     Tempos de persoas coma nós, que sufrían o día a día e loitaban para sobrevivir nunhas sociedades e mundos distintos ao o noso de hoxe en día.


     O Centro de Interpretación do Patrimonio Cultural de Rande, o Meirande, ten como misión sensibilizar e concienciar á cidadanía da enorme riqueza non só artística, senón tamén, socio-cultural e paixasística da zona; e ante todo a necesidade da súa posta en valor. 


     Agardando, ademáis, que sexa un punto de encontro e de conexión directa coa veciñanza a cal poida verse reflectida no proxecto, aumentando deste xeito o carácter identitario do mesmo.


Batalla de Rande
     Entre a tarde e a noite do 23 de outubro de 1702, a baía de Vigo foi escenario dun dos combates marítimos máis feros da historia. A Batalla de Rande supuxo unha gran derrota sufrida polos partidarios de Felipe V, neto do poderoso rei de Francia Luís XIV, dentro do contexto da Guerra de Sucesión.



     Aínda que o Imperio Español iniciara xa a súa decadencia, as súas inmensas posesións eran cobizadas por todos aqueles países que ambicionaban o dominio na política internacional. 


     Por aquel entón, o Imperio Español monopolizaba o comercio con América: as carreiras das Indias. A Frota da Prata halara o ferro o 24 de xullo da Habana ao mando de Manuel de Velasco, cun dos maiores cargamentos de prata e outras ricas mercadorías xamais transportadas. 


     Á altura das Azores a frota, acompañada pola escuadra francesa, dirixida polo marqués de Châteaurenault, reciben a noticia do ataque a Cádiz, o seu porto de destino, polo que optan por un caladoiro máis seguro para a descarga: a Ría de Vigo.


     Logo da sinatura en 1702 do pacto de alianza entre Austria, Inglaterra e Holanda, parte de Inglaterra unha grande frota coa intención de ocupar o máis importante enclave estratéxico do Mediterráneo: Cádiz. 


     A frota está dirixida polo almirante Sir George Rooke, mentres que as operacións terrestres desa campaña dirixíaas o Duque de Ormonde. A tenaz resistencia da cidade de Cádiz fai desistir aos mandos da frota anglo-holandesa e Rooke reembarca as súas tropas cun profundo sentimento de derrota. Preto xa da Ría de Vigo, un navío procedente de Portugal infórmaos da presencia da Frota da Prata na nosa baía e deciden mudar de rumbo coa idea de que tal vez non todo estivese perdido.


     O 23 de outubro, contra as dez da mañá, o Duque de Ormonde desembarca en Teis con 2.000 homes, e Churchill fai o mesmo en Domaio co obxectivo de atacar os fortes de Corbeiro e Rande, ante os ollos das mal preparadas milicias civís, as únicas tropas dispoñíbeis en Galicia, xa que os terzos combatían en Italia. 


     As escuadras da Alianza irrompen na enseada aproveitando o vento de popa, o Torbay rachou coa barreira e pouco despois entrarían o resto dos buques sementando o terror entre franceses e españois. O Marqués de Châteaurenault resiste o máximo, e ante a imposibilidade de manobra ordena incendiar a frota para evitar que caia nas mans do inimigo.


     Dende entón 23 buques xacen no fondo da enseada.

MAPA

SÍGUENOS:
Facebook
Twitter
Pinterest
Google+
Instagram
YouTube
Fuente: Concello de Redondela
XOAN ARCO DA VELLA


No hay comentarios:

Publicar un comentario

Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901