IGREXA DE SAN PAIO DE MURADELLE - MURADELLE - CHANTADA

 IGREXA DE SAN PAIO DE MURADELLE

MURADELLE

CHANTADA

       A igrexa sufriu constantes reformas que alteraron a súa fábrica románica de finais do século XII. 

       Dela conserva dúas portadas e a pía bautismal.

       Na fachada occidental ábrese a porta principal enmarcada por unha arquivolta lixeiramente peraltada. 

        Esta apóiase sobre columnas ornadas con follas e con dous grifóns moi similares aos situados en Fornas e Brigos. 

        Na parte central localízase un tímpano semicircular decorado con tres figuras sobre un fondo de estrelas.  

      Todos os personaxes portan túnica e auréola do mesmo modo que na igrexa de Requeixo.

Muradelle
     San Paio de Muradelle é unha parroquia do concello de Chantada na provincia de Lugo. 

      Segundo o Instituto Galego de Estatística en 2016 tiña 175 habitantes (81 homes e 94 mulleres), 40 menos ca en 2007 (101 homes e 114 mulleres).

Patrimonio
    Igrexa de San Paio de Muradelle, do século XII.
    Capela de San Antonio, do século XVII.
    Cruceiro de Muradelle.
    Casa grande da Quintá.

Lugares de Muradelle
     Barrio, Boán, Limiñón, Muradelle, Paderne, A Quintá, San Paio, Uriz 

Comarca de Chantada
        A comarca de Chantada, coñecida historicamente como Terra de Asma, é unha comarca galega situada na provincia de Lugo cuxa capital é Chantada. 

      Pertencen a ela os concellos de Carballedo, Chantada e Taboada. 

MAPA

 

XOAN ARCO DA VELLA