CRUCEIRO DE A CARBALLEIRA -A CARBALLEIRA - SALCEDO - PONTEVEDRA

 CRUCEIRO DA CARBALLEIRA

A CARBALLEIRA

SALCEDO

PONTEVEDRA

     Cruceiro de pedra de dous chanzos sobre base de formigón. 

      Reconstruído mediante fotografías pola Escola de Canteiros de Poio, tras caer e romper toda a parte superior. 

    Base cúbica, con cantos superiores rematados.

      Fuste cadrado e octogonal, que se coroa por capitel de catro caras con cabezas de anxos nunha metade, e follas de acanto inferiores. 

     Nos ángulos aparecen espirais. Na parte dianteira vemos as figuras de San Martín, patrón da parroquia, e a de Santa Rita. 

      Por detrás está representado San Francisco e a Virxe das Dores. 

A cruz é cilíndrica, con vultos en forma de nós, na que aparece un Cristo crucificado, ao que asiste San Francisco co Santo Grial. 

      Por detrás unha Virxe de pé, sobre peaña de lúa e dous anxos que aparecen sobre os brazos da cruz. 

      Na parte dianteira de base estaba o oco, agora sen tapa, do caixón das esmolas.  

MAPA 

 

XOAN ARCO DA VELLA