CRUCEIRO DE PONTE BARBANZA - A PONTE BARBANZA - LESÓN - A POBRA DO CARAMIÑAL

 CRUCEIRO DE PONTE BARBANZA

A PONTE BARBANZA

LESÓN

A POBRA DO CARAMIÑAL

     Cruceiro do ano 1706 que nace sobre catro chanzos de sección cadrada.

     A súa base cúbica posúe unha inscrición pouco lexible pola súa erosión.

       Por riba da base unha peza circular a xeito de moldura.

        O varal nace en sección cadrada na que aparecen relevos cos símbolos da Paixón (tenaces, escadas, …); e continúa en octogonal na que podemos ver dúas imaxes relxiosas sobre peaña.

      O capitel moldurado da paso a unha cruz coas arestas rebaixadas, e na que aparecen as imaxes de Cristo crucificado no anverso, e a Piedade no reverso.

       Os cruceiros e petos de ánimas de máis de 100 anos están protexidos polo Decreto 571/1963, de 14 de marzo, “sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico”; ademais, teñen a consideración de Bens de Interese Cultural (BIC) segundo o establecido na disposición adicional segunda da Lei 16/85 de 25 de xuño, do Patrimonio Histórico Español.

      Asi mesmo o recoñece e garante a Lei 5/2016, do 4 de maio, do Patrimonio Cultural de Galicia, no que hórreos, cruceiros e petos de ánimas, “son bens de interese cultural e quedan sometidos ao réxime xurídico previsto para ese tipo de bens nesta lei, sen necesidade da tramitación previa do procedemento previsto no seu título I, os hórreos, os cruceiros e os petos de ánimas dos que existan evidencias que poidan confirmar a súa construción con anterioridade a 1901.

       Os hórreos, cruceiros e petos de ánimas cuxa antigüidade non poida ser determinada ou que fosen construídos con posterioridade á data sinalada anteriormente poderán ser declarados de interese cultural ou catalogados cando se lles recoñeza un especial valor cultural, principalmente etnolóxico”.

MAPA

 

 Fuente: Web de Patrimonio Galego

XOAN ARCO DA VELLA