FERVENZA DA SEIMEIRA DE QUEIXOIRO " UN " RÍO QUEIXOIRO - A FONSAGRADA

FERVENZA DA SEIMEIRA DE QUEIXOIRO "UN"

RÍO QUEIXOIRO

A FONSAGRADA

 Seimeiras de Queixoiro
      Fermosas fervenzas no río Queixoiro, de considerable altura, moi próximas entre si e rodeadas dunha fermosa paisaxe de carballos e castiñeiros.

     Estas fervenzas cristalinas, chamadas Seimeiras, son unha marabilla da natureza e unha festa para os ollos.

      Un acceso con escaleiras permite a visión desde diferentes ángulos e toda a vexetación que o rodea. Un fermoso lugar que se fai case máxico neste fantástico bosque poboado por especies autóctonas.

     As seimeiras están dentro da ruta de sendeirismo do Forno do Bolo, un aliciente máis que nunca pasará desapercibido para os que deciden percorrela. As Seimeiras de Queixoiro están situadas na parroquia do mesmo nome, un lugar con encanto propio e lugares dignos de visitar. 

     En Terras de Burón dentro do concello lugués da Fonsagrada, situado dentro da Rede Natura 2000, Xeodestinos de Galicia e a Reserva da Biosfera Eo-Oscos-Terras de Burón.

Comarca da Fonsagrada
     A comarca da Fonsagrada, ou terra de Burón, é unha comarca galega situada na provincia de Lugo cuxa capital é A Fonsagrada.

     A esta comarca pertencen os concellos de Baleira, A Fonsagrada e Negueira de Muñiz. No ano 2020 tiña 4.830 habitantes (IGE) e unha superficie é de 679,51 quilómetros cadrados. O concello da Fonsagrada é o de maior poboación da comarca 

VIDEO

MAPA

 

Fuente: Web Terras de Burón

XOAN ARCO DA VELLA