IGREXA DE SANTA MARIÑA DE ASADUR - ASADUR - MACEDA

 IGREXA DE SANTA MARIÑA DE ASADUR

ASADUR

MACEDA

     Sta. Mariña de Asadur é unha moi antiga parroquia de Maceda no Val do Medo,que debéu de ter importancia xa no tempo dos romanos.

     Tal afirmación despréndese polo feito de haber aquí, na Idade Media, unha delegación de xustiza.

     A actual igrexa, foi feita reutilizando material do antigo mosteiro.

     Na igrexa, que foi románica, vese ben a condición de mosteiro anterior familiar. Érguese o retábulo sobre a gran lápida romana a Quinto Licinio, Vectigalium, e nela a pedra de ara coa inscrición AEREDITARE. Nun muro, cara fora, un baixorrelevo do séc.VII coa crucifixión. No primeiro terzo do XIII faise presente aquí Don Paio Ares ou Arias, señor de Ambía.

     En Asadur existìu deica mediado do séc.XIV un mosteiro de touquinegras ou monxas bieitas hereditario, da familia de San Rosendo. Un documento conservado no Tombo do mosteiro de Celanova situa nel no ano 936 a dona Ximena, filla do rei Ordoño II.

     No ano 1586 don Antonio de Nóvoa e Lemos, conde de Maceda, compróu o couto de Asadur de mans de Felipe II, vinculándoo ò morgado de Maceda.

     No ano 1560 o papa Paulo V outorga a freiguesía de Sª Mariña de Asadur ò Lic.Pedro Vázquez de Castro, Comisario do Santo Oficio, que funda os coutos de Outeiro do Cabo en Asadur, Cas García e Chaira de Vascós en Santiago da Costa. En Outeiro ergue casa-torre, ben labrada, no ano 1639. Mandóu erguer unha capela na igrexa; nela está o seu sartego con rexa estatua xacente.

Asadur
     Asadur é un lugar da parroquia de Asadur no concello ourensán de Maceda na comarca de Allariz - Maceda. Tiña 9 habitantes no ano 2012 segundo datos do INE e do IGE, dos cales 4 eran homes e 5 mulleres.

Lugares de Asadur
     Amedo, Asadur, Baldrei, O Campo, Celeirón, Coruxas, Outeiro do Cabo, Parada, Paradiña, A Parrocha, O Rial, Somoza

 Comarca de Allariz - Maceda
     A comarca de Allariz - Maceda é unha comarca galega situada na provincia de Ourense linda ao leste coa comarca de Ourense, ao oeste coa comarca da Terra de Caldelas, ao sur coa comarca da Limia e ao sueste coa comarca da Terra de Celanova. A súa capital é Allariz.

     Pertencen á comarca de Allariz - Maceda os seguintes concellos: Allariz, Baños de Molgas, Maceda, Paderne de Allariz, Xunqueira de Ambía e Xunqueira de Espadanedo.

MAPA

 

Fuente: Web Patrimonio Galego

XOAN ARCO DA VELLA