IGREXA DE SANTA MARÍA DE SETEVENTOS - SETEVENTOS - O SAVIÑAO

 IGREXA SANTA MARÍA DE SETEVENTOS

SETEVENTOS

O SAVIÑAO

Igrexa de Santa María de Seteventos
     A igrexa de Santa María de Seteventos é un bo exemplo do románico rural galego de finais do século XII e comezos do XIII. 

     A súa orixe, como o de moitas outras edificacións relixiosas da zona, tería relación co monacato visigodo establecido nos vales do Miño e do Sil durante a Alta Idade Media.

    As novas máis antigas desta igrexa datan do ano 976 e vincúlana ao mosteiro de Diomondi.

       Trátase dunha igrexa de planta rectangular cunha única nave cuberta de madeira e de cabeceira recta, habitual dos templos relacionados coa repoboación do norte peninsular. 

     Conserva un arco triunfal sobre columnas de época románica, así como unha portada que consta de dúas parellas de columnas con capiteis decorados con motivos vexetais.

      O seu maior valor reside no conxunto de pinturas murais do século XVI que se atopan no seu interior e que decoran o arco triunfal de acceso a capela maior, no que se representan a Anunciación e o Xuízo final.

Seteventos
     Santa María de Seteventos é unha parroquia do concello do Saviñao na comarca da Terra de Lemos, na provincia de Lugo. 

     No ano 2007 tiña 115 habitantes, deles 58 eran homes e 57 eran mulleres, o que supón unha diminución de 6 habitantes en relación ao ano anterior, 2006.

Patrimonio
    Igrexa de Santa María de Seteventos, construída a finais do século XII ou principios do século XIII, conserva como elementos máis destacados a portada occidental e as pinturas murais enriba do arco triunfal.
    Casa Grande de Mosiños.

Lugares de Seteventos
   Malveiros, Morgade Mosiños, Pedras Brancas, Seteventos. 

MAPA

 

XOAN ARCO DA VELLA