PETRÓGLIFO DE BOUZA BADÍN - IMO - LAIÑO - DODRO

 PETRÓGLIFO DE BOUZA BADÍN 

IMO

LAIÑO

DODRO

Petróglifo de Bouza Badín
     O petróglifo de Bouza Badín é un grupo de varios gravados rupestres en seis penedos nas faldras entre o monte Padronelo e o Carboeiro, a 200 m da aldea de Imo (concello de Dodro).

     É un conxunto de interese histórico e artístico da Idade de Bronce co código no Catálogo da Xunta; GA15033008.

     Está constituído por combinacións de círculos concéntricos, cruces, coviñas e figuras zoomorfas moi esquematizadas, dando testemuña das xentes que habitaron esta zona entre os anos 1800 e 600 a. C.

     En febreiro de 2011 un grupo de persoas voluntarias, baixo a supervisión dunha arqueóloga, limparon e acondicionaron a estación rupestre.

     Durante a limpeza saíron á luz tres novos gravados que non estaban aínda inventariados.

Imo
     Imo é un lugar da parroquia de San Xoán de Laíño, no concello coruñés de Dodro, na comarca do Sar. Segundo o padrón municipal (INE 2013) ten 347 habitantes (180 homes e 167 mulleres).

     Entre o patrimonio da aldea destaca o petróglifo de Bouza Abadín, da idade de bronce.

San Xoán de Laíño
     San Xoán de Laíño é unha parroquia que se localiza no oeste do concello coruñés de Dodro, na comarca do Sar.

     Segundo o padrón municipal (INE 2013) ten 968 habitantes (474 homes e 494 mulleres), o que supón unha diminución en relación ao ano 1999 cando tiña 1.168 habitantes.

     A cruz do Avelán atópase a un quilómetro da igrexa de san Xoán, indo cara ás aldeas da Devesa e Teaio. En Imo está o petróglifo de Bouza Abadín.

Lugares de San Xoán de Laíño
     A Devesa, Bexo, Bustelo, Castro, Imo, Teaio 

VIDEO

MAPA

 

XOAN ARCO DA VELLA