MUIÑO EN LOMBO DO MUIÑO - REGUEIRO DE VEIGA GRANDE - SAN XURXO DE SACOS

 MUIÑO EN LOMBO DO MUIÑO

REGUEIRO DE VEIGA GRANDE

SAN XURXO DE SACOS

CERDEDO COTOBADE

Lombo do Muíño
     Lombo do Muíño é un lugar da parroquia de San Xurxo de Sacos, no concello pontevedrés de Cerdedo-Cotobade. 

     Segundo o IGE, en 2015 tiña 14 habitantes (7 homes e 7 mulleres), os mesmos que no ano 2006.

San Xurxo de Sacos
     San Xurxo de Sacos é unha parroquia que se localiza no norte do concello de Cerdedo-Cotobade. 

     Segundo o IGE, en 2015 tiña 519 habitantes (262 homes e 257 mulleres), distribuídos en 10 entidades de poboación, o que supón un descenso en relación co ano 2006, cando tiña 610 habitantes.

Patrimonio
     Nesta parroquia, no lugar de Fentáns, atópase a coñecida como Pedra das Ferraduras, unha gran rocha de granito que presenta unha combinación de círculos concéntricos e no seu anel exterior pegadas de cérvidos e bóvidos; un bo exemplo dos petróglifos do val do río Lérez. Tamén a Laxe do Cuco, da idade de bronce, con figuras de cérvidos e combinacións circulares e a Pedra do Lombo da Costa, con máis de 30 metros cadrados e máis de 20 rochas gravadas. 

     Tamén se atopa nesta parroquia a Eira dos Mouros, outro petróglifo que xa foi documentado por Murguía na súa obra Historia de Galicia.

     Cruzando o río Lérez, está a ponte de San Xurxo, ponte de cantería do século XVIII con arco de medio punto. 

     Tamén existe unha antiga reitoral dos séculos XVII-XVIII, convertida nunha casa rural.

     A súa igrexa parroquial está no lugar de Fontán. Hai tamén tres pequenas capelas en Cuspedriños, Fentáns e na Carballeira do San Xusto.

Lugares de interese
    Carballeira de San Xusto.
    Balneario de San Xusto, un balneario de augas sulfuro-fluoradas que nacen entre unhas rocas na marxe do río Lerez. Estas augas foron, e son, recomendadas polos médicos para diferentes doenzas, especialmente as cutáneas. Hai tempo facíase un xabrón de sales moi coñecido.

Festas
    Romaría dos Santos Xusto e Pastor: celebrada na capela da carballeira de San Xusto, o primeiro venres e sábado de agosto.
    San Xurxo, festa patronal, 23 de abril.
    Virxe do Carme, en Cuspedriños, 16 de xullo.
    Inmaculada Concepción, en Cutián, 8 de decembro.
    A Candelaria, en Fentáns, 2 de febreiro.
    As Neves, en Fentáns, 5 de agosto.
    Os Remedios, en Fentáns, 8 de setembro
    Santa Bárbara, en Cuspedriños, 4 de decembro.

Lugares de San Xurxo de Sacos
     Barbeitos, Calva da Viña, Cuspedriños, Cutián, Fentáns, Fontán, Lombo do Muíño, A Longa, Mirón, O Outeiro, San Xurxo 

MAPA

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA