CAPELA DE SAN ANTONIO - BEXÁN - DIOMONDI - O SAVIÑAO

 CAPELA DE SAN ANTONIO

BEXÁN

DIOMONDI

O SAVIÑAO

 Bexán
     Bexán é un lugar da parroquia de Diomondi no concello do Saviñao, na comarca da Terra de Lemos.

Diomondi
     San Paio de Diomondi é unha parroquia do concello do Saviñao na comarca da Terra de Lemos, provincia de Lugo. 

       No ano 2007 tiña 161 habitantes, deles 81 eran homes e 80 eran mulleres, o que supón un aumento de 2 habitantes en relación ao ano anterior, 2006.

 

Patrimonio
    Igrexa románica de San Paio de Diomondi.
    Pazo das Cortes, situado fronte á igrexa. Ten planta en U e acaroada unha capela dedicada á Nosa Señora da Asunción. Xunto á portada ten os escudos dos Somoza, do século XVIII.

 

Lugares de Diomondi
     Belesar, Bexán, A Casanova, As Cortes, A Costa, Diomondi, Galegos, Millarada, Montecelo, Outeiro, Piñeiro, A Portela, Salcedo, Ver

Comarca da Terra de Lemos
      A Terra de Lemos é unha comarca galega situada ó sur da provincia de Lugo cuxa capital é Monforte de Lemos, que tamén é o concello máis poboado da comarca.

     A maioría da superficie (toda excepto o concello de Bóveda) forma parte da Ribeira Sacra, da que Monforte tamén é a súa capital.

     Pertencen á comarca da Terra de Lemos os seguintes concellos: Bóveda, Monforte de Lemos, Pantón, A Pobra do Brollón, O Saviñao e Sober.

     A comarca linda ó norte coa comarca de Sarria, ó oeste coa comarca de Chantada, ó leste coa comarca de Quiroga e, ó sur coas comarcas ourensás de Ourense e Terra de Caldelas.

Situación
      A Terra de Lemos sitúase xeograficamente no sur da provincia de Lugo. 

       Caracterízase polo gran val situado no centro da mesma, o Val de Lemos.

     Este val contrasta coas altas montañas sitas ó leste da comarca pertencentes a Serra do Courel e que serven de fronteira coa comarca de Quiroga xunto co río Lor.

     No sur, o río Sil marca a fronteira coa provincia de Ourense, igual que o río Miño no oeste coa comarca de Chantada.

Orografía
     Os principais sistemas montañosos sitúanse no leste, na Serra do Courel, entre Bóveda e O Saviñao, no suroeste de Pantón e no sur. 

      Cabe destacar as seguintes montañas que superan os 1000m de altitude e están sitas na Serra do Courel, no concello da Pobra do Brollón:
    Alto da Veneira (1.164 m)
    Alto da Serra (1.137 m)
    Chao das Lagas (1.060 m)
    Alto da Chá (1.021 m)

MAPA

 

XOAN ARCO DA VELLA

IGREXA DE SANTA FILOMENA DE CADRAMÓN - O CAMPO - O VALADOURO

 IGREXA DE SANTA FILOMENA

 DE 

CADRAMÓN

O CAMPO

O VALADOURO

Iglesia de Santa Filomena de Cadramón

    Unha das igrexas máis importantes do Valadouro 

     Conta cos restos patrimoniais máis antigos do Valle.

      Data aproximadamente dos séculos IX ou X foi doada polo Bispado Bretón ao Rei Orduño e conservándose tan só o que foi o presbiterio-ábside, quedando oculta baixo o terreo a estrutura perimetral do que foi o cruceiro, as supostas tres naves e o nartex e a fachada. 

     En restos destacan as ménsulas exteriores, cunha talla claramente románica cunha importancia extraordinaria, xa que se representan a relación eclesial con sexualidade de muller mostrando a zona xenital, ou un home co aparello xenital sobredimensionado.

      Tamén son destacables as pinturas interiores ao fresco, onde se representa o nacemento de Cristo, a adoración do Neno polos Magos de Oriente. 

     Seguramente sexan do século XVI

MAPA 

 

Fuente: Turismo de Galicia

XOAN ARCO DA VELLA 

CRUCEIRO DE ASPERELO - SAN MARTIÑO DE ASPERELO - RODEIRO

 CRUCEIRO DE ASPERELO

SAN MARTIÑO DE ASPERELO

RODEIRO

 Asperelo
     Asperelo é un lugar da parroquia de San Martiño de Asperelo, no concello pontevedrés de Rodeiro, na comarca do Deza.

     Segundo o INE, no 2008 tiña 43 habitantes (29 homes e 14 mulleres), o que supón unha diminución de 10 habitantes con respecto ao ano 2000.

Lugares de San Martiño de Asperelo
     Asperelo, Barrio, Caxide, Couso, Ourín, Pereira

Comarca de Deza
     A comarca de Deza é unha comarca da provincia de Pontevedra e a súa capital é Lalín. Pertencen a ela os concellos de Agolada, Dozón, Lalín, Rodeiro, Silleda e Vila de Cruces. 

      A súa poboación é de máis de 40.000 habitantes. O Deza coincide coa antiga comarca de País do Deza, isto é, as xurisdicións de Deza, Camba, Dozón, Trasdeza, Carbia e Valquireza.

Situación
     A comarca de Deza ven coincidir co centro xeográfico de Galicia. Limita ao norte coas comarcas de Santiago, Arzúa e Terra de Melide, ao sur coa do Carballiño, ao leste coas de Ulloa e Chantada e ao oeste con Tabeirós-Terra de Montes.

Orografía
     A comarca está estruturada pola dorsal galega, coas serras do Faro ao leste, da Martiñá ao sur, do Candán ao oeste coa e o río Ulla, que a separa da Terra de Santiago ao norte. 

     O conxunto constitúe unha comarca natural que xa se referencia en documentos do ano 569 ao se conformar o Condado Decense no seo da diocese de Lugo.

MAPA

 

XOAN ARCO DA VELLA

PETO DO CRISTO - BRANDA DE COVELO - GAVE - MELGAÇO

 PETO DO CRISTO

BRANDA DE COVELO

GAVE

MELGAÇO

  Peto de ánimas
   Chámanse petos de ánimas a unha das manifestacións materiais do culto aos mortos e son, xeneralmente, sinxelos monumentos de piedade popular asociados á idea do purgatorio.

    En Galicia é frecuente atopalos en camiños, encrucilladas, atrios de igrexas, etc.

     Os historiadores e etnógrafos sitúan a súa aparición a partir da Contrarreforma, datándose os máis antigos no século XVII, aínda que non sería ata o século XVIII cando se constrúan con máis profusión.

     A súa finalidade é a de ofrecer esmolas de todo tipo ás ánimas do Purgatorio, sendo o seu castigo temporal e podendo así alcanzar o Ceo.

    En compensación, unha vez liberadas intercederán por quenes realizaron as ofrendas.

     As esmolas non eran de carácter estrictamente monetarias, tamén podía tratarse de produtos agrícolas.

     Os petos de ánimas adoitan estar construídos en pedra cunha cruz no alto, polo xeral con imaxes das ánimas no lume do purgatorio e unha figura que as vela (santo, rei ou bispo).

     Na parte frontal aparece un peto para depositar a esmola e protexido cunha reixa ou un cristal.

Algúns levan lendas do tipo:
     Un alma tes e non máis, si a pérdes que farás...   

MAPA

 

XOAN ARCO DA VELLA

CASTELO DE BALBOA - BALBOA - LEÓN

 CASTELO DE BALBOA

BALBOA

LEÓN

 CASTELO DE BALBOA
      A primeira referencia documental da fortaleza aparece nunha escritura de compra-venda datada no ano 1260, segundo cita Santiago Taladrid para considerar a mención como a proba de que era un "fito importante na organización territorial e un centro de poder" tamén para os seus propietarios, a liñaxe Valcarce-Balboa.

     O asentamento que ten forma alongada con dominio do eixo este-oeste, presenta elementos de delimitación ben marcados: ao Oeste documentáronse catro fosos algún deles de considerables dimensións, mentres que ao leste pérdense, nesta zona e bastante afastados do recinto principal documéntanse outros dous pequenos fosos, por último o Sur a acentuada pendente natural do terreo é a que cumpre esta función.

     A continuación dos fosos disponse un terraplén que presenta restos de derrubes que poderían corresponderse coa muralla.

     Trátase dunha construción prismática de planta practicamente cadrada delimitada por grosos muros de cantería con argamasa de cal, que se levantan ata unha altura aproximada de 15 metros, coa presenza de mechinales e repisas que mostran a presenza de tres niveles de forxados interiores, quedando unha reducida superficie útil interior duns 15 metros cadrados.

     O alxibe é un dos elementos básicos do castelo e sitúase encostado ao norte da torre.

 Balboa
     Balboa é un concello da provincia de León que cobre unha superficie de 51,04 km², na que vivían 371 habitantes no ano 2011, cunha densidade de poboación de 7,27 h/km². 

     É considerado tradicionalmente como un dos 48 concellos da Galicia estremeira.

Historia
     No ano 2020, a aldea de Fonte de Oliva solicitou a incorporación a Galicia debido á falta de investimento e á identificación coa cultura galega.

Núcleos de poboación
    Canteixeira
    Castañeiras
    Castañoso
    Chan de Vilar
    Fonte de Oliva
    A Lamagrande
    Paraxís
    Pumarín
    O Portelo
    Quintela
    A Roda
    Rui de Ferros
    Rui de Lamas
    Valboa
    Valverde
    Vilafeile
    Vilanova
    Vilariños
    Vilarmarín

MAPA 

 

XOAN ARCO DA VELLA