RESTAURACIÓN CAPELA DE O MAZO
O MAZO SANTIGOSO
VILAMOR
FOLGOSO DO COUREL
 |
| ANO 2016 |
Sempre alegra cando voltas a un sitio ver que as cousas cambian e cambian para ben, persoalmente faime feliz ver que así e.
A Capela de San Miguel como podedes ver nas fotos que acompañan este traballo pasou de estar esquecida e casi desaparecida a volver a lucir novamente.
 |
| ANO 2016 |
Desde o meu sitio quero agradecer e felicitar a todos cantos traballaron para ser quen de facer que o noso patrimonio non quede esquecido o se perda para sempre.
GRACIAS.
Mazo Santigoso
Mazo Santigoso é unha aldea da parroquia de Vilamor, no concello lugués de Folgoso do Courel. Está situada a 600 metros de altitude, na serra do Courel, no límite co concello de A Pobra do Brollón.
 |
| ANO 2016 |
En 2008 tiña unha poboación de 11 habitantes (8 homes e 3 mulleres). Está xunto ó Regueiro do Mazo.
Vilamor
San Vicente de Vilamor é unha parroquia do concello de Folgoso do Courel na comarca de Quiroga, na provincia de Lugo. No ano 2007 contaba con 156 habitantes, deles 86 eran homes e 70 eran mulleres.
Lugares da parroquia de Vilamor
A Campa, Carballal, Castro Portela, Froxán, Mazo Santigoso, Vidallón, Vilamor, Vilar
 |
| ANO 2016 |
Folgoso do Courel
Folgoso do Courel é un concello da provincia de Lugo, pertencente á comarca de Quiroga. O seu xentilicio é «courelao».
 |
| ANO 2016 |
Poboación
Censo total 1.089 (2015)
Xeografía
A serra do Courel é unha cordilleira montañosa situada no sueste da provincia de Lugo, que se estende tamén polos concellos de Quiroga e Pedrafita do Cebreiro. Ten uns 212 km², con fortes variacións de altitude, desde os 400 m no val do río Lor aos 1.600 m en picos como Montouto, Formigueiros (1.643 m) ou Pía Páxaro (1.610 m). O río Lor e varios afluentes seus forman ricos vales con diversos ecosistemas, que fan desta serra a reserva botánica máis importante de Galiza.
 |
| ANO 2016 |
Patrimonio natural
Folgoso do Courel ten unhas paraxes naturais de alto valor no eido da espeleoloxía.
A sima de Aradelas está na localidade de Campelo (a 9 km de Seoane), e con 128 metros é a cova máis profunda de Galicia. A cova de Tralacosta ten salas subterráneas con estalactitas e estalagmitas. A cova da Ceza encóntrase en Noceda (a 8 km de Seoane) e ten uns 680 metros de lonxitude, con grandes salas comunicadas por pasos estreitos a través dos que flúe un rego procedente dunha lagoa de 25 metros de profundidade localizada ao final. A Buracada das Choias está en Visuña (a 15 km de Soeane), e ten un percorrido de 30 metros por unha única galería. A cova do Oso está en Moreda, aos pés duns resaltes rochosos. Ten interese arqueolóxico, pois nela atopáronse restos de cerámica. A cova de Teixeira, de gran profundidade, está no lugar da Poza.
 |
| ANO 2016 |
Patrimonio arqueolóxico
No concello hai diversos restos de poboados castrexos. No castro de Vilar destacan as súas murallas defensivas. Nel atopáronse restos de cerámica. O castro da Torre está próximo á localidade de Sobredo. O castro de Miraz ten unhas murallas de grande altura e no seu interior foron atopadas numerosas sepulturas. O castro de Torexe está en Visuña. No catastro de Ensenada dise que era onde se reunía a xustiza ordinaria da comarca.
Da época da romanización de Galicia consérvase a Tabula Hospitalis, unha peza de bronce atopada no Carbedo cun texto en latín consistente nun pacto entre o seurro Tilego, fillo de Ambato, e os lougeis do castellum Toletensis con autorización das autoridades romanas.
|
| ANO 2016 |
Parroquias de Folgoso do Courel
Esperante (San Pedro), Folgoso do Courel (Santa María), Hórreos (San Pedro), Meiraos (Santa María), Noceda (San Pedro), Seceda (San Silvestre), Seoane do Courel (San Xoán), Vilamor (San Vicente), Visuña (Santa Eufemia)
 |
| ANO 2016 |
Comarca de Quiroga
A Comarca de Quiroga é unha comarca galega situada no sueste da provincia de Lugo, na fronteira coa comunidade de Castela e León. A súa capital é Quiroga e pertencen a ela os concellos de Folgoso do Courel, Quiroga e Ribas de Sil.
VIDEO
MAPA
SÍGUENOS:
Facebook
Twitter
Pinterest
Google+
Instagram
YouTube
XOAN ARCO DA VELLA
