XOAN ARCO DA VELLA

miércoles, 20 de octubre de 2021

IGREXA DE POBOEIROS - POBOEIROS - CASTRO CALDELAS

IGREXA DE POBOEIROS

POBOEIROS

CASTRO CALDELAS

Poboeiros
San Xoán de Poboeiros é unha parroquia do concello de Castro Caldelas na comarca da Terra de Caldelas, na provincia de Ourense.

No ano 2007 tiña 73 habitantes, deles 37 eran homes e 36 eran mulleres, o que supón unha diminución de 8 habitantes en relación ao ano anterior, 2006.

Lugares da parroquia de Poboeiros
Aguil, Airavedra, Alenza, As Barreiras, Casguil, Castomás, O Outeiriño, O Pacio

Castro Caldelas
Castro Caldelas (do latín aquas calidas, 'augas cálidas, termais') é un concello da provincia de Ourense, capital da comarca da Terra de Caldelas.

Segundo o padrón municipal en 2019 tiña 1.224 habitantes. O seu xentilicio é «caldelao».

Ten 16 parroquias e 86 entidades de poboación, e forma parte da Ribeira Sacra. Está situado no derramo setentrional do gran nó orográfico formado polas serras de San Mamede e Queixa no macizo Central Ourensán.

Xeografía
Está situado no derramo setentrional do nó orográfico formado polas serras de San Mamede e Queixa, dentro da área denominada Ribeira Sacra.

O río Sil constitúe a fronteira natural coa provincia de Lugo mentres o río Edo, afluente do Sil, baña a metade occidental do municipio. O punto máis elevado é o de Pena da Cruz (1289 m).

O terreo caracterízase pola alternancia de bosques de carballos e castiñeiros, sobre todo ó norte. As terras adicadas ó cultivo son escasas, abundando os prados. O chan produtivo representa só unha cuarta parte, grazas ó predominio de pendente e solo rochoso.

Parroquias de Castro Caldelas
Alais (San Pedro), O Burgo (San Pedro), Camba (San Xoán), Castro Caldelas (San Sebastián), Folgoso (Santiago), Mazaira (Santa María), Paradela (San Vicenzo), Pedrouzos (San Mamede), Poboeiros (San Xoán), San Paio de Abeleda (San Paio), Santa Tegra de Abeleda (Santa Tegra), Sas de Penelas (San Fiz), Trabazos (Santa Olaia), Tronceda (Santiago), Vilamaior de Caldelas (Santa María), Vimieiro (San Xoán)

Comarca da Terra de Caldelas
A comarca da Terra de Caldelas é unha comarca galega situada no norte da provincia de Ourense. Pertencen a ela os concellos de Castro Caldelas, Montederramo, Parada de Sil e A Teixeira.

Demografía
A comarca de Terra de Caldelas contaba en 2020 cunha poboación de 2.764 habitantes.

A poboación menor de 15 anos era o 4,09% do total, o que representa uns niveis moi baixos en relación á media de Galicia (12,55%), mentres que pola outra banda o 45,22% contaba con máis de 65 anos, o que deixa unha poboación en idade de traballar dun 50,69%.

A idade media da poboación en 2020 era de 59,54 anos, que supera amplamente a media galega (47,48 anos).

MAPA

SÍGUENOS:

Facebook

XOAN ARCO DA VELLA

O PARAISO EXISTE

Twitter

XOAN ARCO DA VELLA

Pinterest

XOAN ARCO DA VELLA

Google+

XOAN ARCO DA VELLA

Instagram

XOAN ARCO DA VELLA

YouTube

XOAN ARCO DA VELLA

MILIARIO DE CERDEIRA - CERDEIRA - SAN XOÁN DE RÍO

MILIARIOS DE CERDEIRA

CERDEIRA

SAN XOÁN DE RÍO

Cerdeira
Santa María Madalena de Cerdeira é unha parroquia do concello ourensán de San Xoán de Río na comarca da Terra de Trives.

Segundo o IGE en 2014 tiña 59 habitantes (33 homes e 26 mulleres) distribuídos en 5 entidades de poboación, o que supón unha diminución en relación ao ano 2000 cando tiña 99 habitantes.

Lugares de Cerdeira
O Aciveiro, Cerdeira, As Guístolas, Ousecende, San Xulián

Comarca da Terra de Trives
A comarca da Terra de Trives é unha comarca galega situada na provincia de Ourense, na zona leste da Ribeira Sacra.

A súa capital é A Pobra de Trives, e pertencen a ela os concellos de Chandrexa de Queixa, Manzaneda, A Pobra de Trives e San Xoán de Río.

San Xoán de Río
San Xoán de Río é un concello da provincia de Ourense, pertence á comarca da Terra de Trives. Segundo o padrón municipal, en 2018 tiña 549 habitantes (913 en 2003). O seu xentilicio é riés.

Xeografía
O concello, de 61,1 km², abrangue 9 parroquias e está situado na zona montañosa da comarca da Terra de Trives, entre a serra de Castrelo e o monte Cerengo (1.286 m).

Limita ao norte con Ribas de Sil, ao sueste coa Pobra de Trives (a través do río Navea), e Chandrexa de Queixa e ao oeste con Castro Caldelas.

Abrangue un terreo sen fortes pendentes, no val do río Navea até a serra da Moa. A capital está no lugar do Campo, a 4 km do alto de Cerdeira.

Está comunicada a través da estrada OU-536 que une Ourense coa Rúa, e mediante a estrada N-120 a través da serra da Moa.

Patrimonio
Na idade media construíuse unha fortaleza no lugar da Torre Vella. Foi derruída, e a pedra foi utilizada na reconstrución do castelo de Castro Caldelas.

A igrexa de San Xoán de Río é de orixe románica tardía, con bóvedas de cruzaría góticas nos altares laterais. Ten unha inscrición, indicando que foi rematada en 1691 sendo abade Alonso Bermúdez. Ten planta basilical con tres naves, con cruz latina no exterior e cadansúa ábsida. Os arcos son de medio punto e as bóvedas de canón. A cúpula é octogonal, sustentada por pendentes. Os retablos son barrocos, de 1782, con elementos vexetais e columnas salomónicas. Nela hai tres petos das ánimas do século XVIII. No templo consérvanse pezas de xoiaría coma a cruz, a custodia, o cáliz (do século XVIII) e o incensario (do século XVII).

Amais das igrexas parroquiais, hai outras capelas e ermidas, como as de Domecelle, Mouruás, San Miguel e Castrelo.

Parroquias de San Xoán de Río
As Cabanas (San Paio), Castrelo (Santa María), Cerdeira (Santa María Madanela), Medos (Santa Mariña), San Silvestre de Argas (San Silvestre), San Xoán de Río (San Xoán), San Xurxo (Santa María da O), Seoane de Argas (San Xoán), Vilardá (Santa María)

MAPA

SÍGUENOS:

Facebook

XOAN ARCO DA VELLA

O PARAISO EXISTE

Twitter

XOAN ARCO DA VELLA

Pinterest

XOAN ARCO DA VELLA

Google+

XOAN ARCO DA VELLA

Instagram

XOAN ARCO DA VELLA

YouTube

XOAN ARCO DA VELLA

domingo, 17 de octubre de 2021

CAPELA DA ASCENSIÓN DE BOEL - BOEL - SANTALLA - RIBEIRA DE PIQUÍN

CAPELA DA ASCENSIÓN

BOEL

SANTALLA

RIBEIRA DE PIQUÍN

Boel
Boel é un lugar da parroquia de Santalla no concello lugués da Ribeira de Piquín na comarca de Meira.

Santalla
Santalla é unha parroquia do concello lugués de Ribeira de Piquín na comarca de Meira.

No ano 2007 tiña 259 habitantes (130 homes e 129 mulleres) distribuídos en 20 entidades de poboación, o que supón unha diminución de 67 habitantes en relación ao ano 2000.

Historia
Nos inicios do reinado de Afonso IX, Urraca Gómez, irmá do conde Gómez de Trastámara, arrepentíndose de quebrantar a xurisdición do coto do mosteiro de Meira, ofrécelles en compensación as súas posesións de Santa María de Rostrigos e Santabaia de Piquín.

O 19 de novembro de 1184, o rei Fernando II, gran benfeitor do convento de Meira, concédelle o reguengo de Santabaia.

O vínculo da casa-torre de Santabaia de Piquín foi fundado polo capitán Pedro López Rancaño, sendo sucesores o capitán Pedro López de Rancaño Pita e o almirante da armada naval de Flandres, Bartolomé de Rois Luaces.

Patrimonio
A igrexa parroquial de Santalla posúe interesantes retablos de época barroca.

Lugares de Santalla
Barangón, Boel, Cabaceira, Os Cangos, O Castro, O Corral, O Cruceiro, As Figueiras, A Graña, Lamas, Outariz, O Paraíso, Piquín, O Pulvureiro, O Quintario de Couso, Os Quintarios, Santalla, O Terrexal, Vilares, Vilarpescozo

Parroquias de Ribeira de Piquín
Navallos (San Pedro), San Xurxo de Piquín (San Xurxo), Santalla (Santalla), Santiago de Acevo (Santiago), Os Vaos (San Xoán)

Comarca de Meira
A comarca de Meira é unha comarca galega situada na provincia de Lugo cuxa capital é Meira. A esta comarca pertencen os concellos de Meira, Pol, Ribeira de Piquín e Riotorto.

MAPA

SÍGUENOS:

Facebook

XOAN ARCO DA VELLA

O PARAISO EXISTE

Twitter

XOAN ARCO DA VELLA

Pinterest

XOAN ARCO DA VELLA

Google+

XOAN ARCO DA VELLA

Instagram

XOAN ARCO DA VELLA

YouTube

XOAN ARCO DA VELLA

sábado, 16 de octubre de 2021

IGREXA DE OS VAOS - OS VAOS - RIBEIRA DE PIQUÍN

IGREXA DE OS VAOS

OS VAOS

RIBEIRA DE PIQUÍN

Os Vaos
San Xoán dos Vaos é unha parroquia do concello lugués de Ribeira de Piquín na comarca de Meira.

No ano 2007 tiña 119 habitantes (56 homes e 63 mulleres) distribuídos en 7 entidades de poboación, o que supón unha diminución de 25 habitantes en relación ao ano 2000.

Patrimonio
Ademais da igrexa parroquial de San Xoán dos Vaos, hai varias capelas: San Caetano, San Bartolomeu, San Luis, Santa Ana, Santo Estevo e Santa Catarina.

Lugares dos Vaos
A Budueira, Cartea, Invernego, Muxén, Ouviaña, Seoane, Os Vaos

Ribeira de Piquín
Ribeira de Piquín é un concello da provincia de Lugo, pertencente á comarca de Meira. Segundo o IGE en 2015 tiña 580 habitantes. O seu xentilicio é «ribeirego».

Situación
O concello de Ribeira de Piquín está situado a un 50 km ao nordeste da capital da provincia. Entre a súa paisaxe atópase o río Eo. A casa do concello atópase situado no Chao de Pousadoiro.

Ribeira de Piquín ten unha extensión de 73 km² e limita ao norte coa Pontenova e Riotorto, ao sur con Baleira, ao leste coa Fonsagrada, e con Meira e Pol ao oeste.

Relevo e orografía
Ten un relevo moi accidentado configurado por dúas serras que bordean o paso do río Eo.

Estas dúas formacións son a Serra de Meira, que limita o concello ao oeste e a Serra de Pousadoiro que o limita ao leste.

O río Eo atravesa o concello pola súa parte central, formando xunto coas serras un val angosto e encaixado. A aparente uniformidade destas terras interrómpenas outros dous ríos que tamén a cruzan, o río Rodil e o río Lúa.

Hai outros moitos ríos de menor envergadura e arroios que discorren polos profundos vales, en especial na zona nordeste, onde se alcanzan maiores altitudes, próximas aos 900 metros. Os puntos máis elevados son A Pena de Ouviaña de 893 m e A Pena Grande de 889 m.