ESTACIÓN DE VALENÇA - VALENÇA DO MINHO

 ESTACIÓN DE VALENÇA

 VALENÇA DO MINHO

 Estación de Valença
     A Estación de Valença é unha parada de ferrocarril da vila de Valença, no norte de Portugal.

Características
      Sitúase xunto ao Largo da Estación. En 2010 tiña 3 vías de circulación, con 397, 365 e 248 metros de servizo; as plataformas teñen 154, 141 e 99 metros de extensión.

      A parada dá servizo aos ferrocarrís rexionais, internacionais (Tren Internacional Porto-Vigo) e interrexionais da operadora Comboios de Portugal.

Historia
      O enlace ferroviario á estación de Valença naceu en 1882. 

     Até finais da década de 1980 acollía un servizo internacional mixto de RENFE, con clasificación de omnibus, entre as localidades de Guillarei, e Valença, pasando por Tui.

Valença
      Valença, tamén coñecida como Valença do Miño (Valença do Minho en portugués), é un concello portugués do distrito de Viana do Castelo, dentro da Região Norte e subrexión do Minho-Lima.

     O concello abrangue 117,43 km² de área e 14.127 habitantes (2011), subdividido en dezaseis freguesías. 

      Linda polo leste co municipio de Monção, polo sur con Paredes de Coura, polo oeste con Vila Nova de Cerveira e ao noroeste e norte únese a Tui a través do río Miño.

     Dende o 10 de febreiro de 2012, forma coa cidade galega de Tui unha eurocidade, como mostra de cooperación e integración dos dous concellos, separados tan só polo río Miño.

MAPA

 

XOAN ARCO DA VELLA

 

ESTACIÓN DE VILA NOVA DE CERVEIRA - VILA NOVA DE CERVEIRA

 ESTACION DE VILA NOVA DE CERVEIRA

VILA NOVA DE CERVEIRA

Estación de Vila Nova de Cerveira
      A Estación Ferroviaria de Vila Nova de Cerveira, tamen coñecida como Estación de Vila Nova de Cerveira, e unha plataforma ferroviaria da Línea del Miño, que sirve a localidade de Vila Nova de Cerveira, en Portugal.

Características
        Encontrase xunto o Barrio do Alto das Veigas, na localidade de Vila Nova de Cerveira.

      En 2010, contaba con 2 vías de circulación, ambas con 215 metros de longitude; as duas plataformas teñen ambas 128 metros de extensión, pero unha presenta 30 centímetros de altura, e a outra, 70 centímetros.

      En marzo de 2011, esta plataforma era utilizada por servicios Rexionais, Interrexionales e Internacionais de  Comboios de Portugal.

Vila Nova de Cerveira
      Vila Nova de Cerveira (coñecida frecuentemente apenas por Cerveira) é unha vila portuguesa no Distrito de Viana do Castelo, rexión Norte e subrexión do Minho-Lima, con cerca de 1.300 habitantes.

      É sede dun municipio con 108,46 km² de área e 8852 habitantes (2001), subdividido en 15 freguesías.

      O concello limita ao nordés con Valença, ao leste con Paredes de Coura, ao sueste con Ponte de Lima, ao suroeste con Caminha e ao noroeste co concello galego de Tomiño, a través do río Miño. No ano 2004 construíuse a Ponte da Amizade que a conecta con Galiza.

      A cidade foi fundada polo rei Don Dinís de Portugal en 1321 e hoxe é moi coñecida e visitada pola Bienal Internacional de Arte de Cerveira que ten lugar na cidade desde 1978. O complexo do Fórum Cultural de Cerveira tamén é un lugar para exposicións e outros eventos fóra da Bienal. 

      En portugués Cerveira é coñecida como Vila das Artes. A cidade mantén, entre outras cousas, residencias creativas na Casa do Artista "Pintor Jaime Isidoro" e alberga a Escola Superior de Arquitectura Gallaecia.

      O CineTeatro, convertido en centro cultural e de eventos, o arquivo da cidade (Arquivo Municipal), a biblioteca (Biblioteca) e a Casa do Turismo, aloxados nunha casa histórica de dous andares do século XIX, entre outros son ​​outros lugares de arte que hai que mencionar en Vila Nova de Cerveira.

     Na vila hai unha estación de ferrocarrís, con paso regular de trens. Os monumentos arquitectónicos tamén inclúen edificios públicos históricos, fontes de pedra, o centro de artesanía Casa do Artesão, o Aquamuseu do Río Minho (aberto en 2005, dedicado á historia, á flora e fauna do río Miño), a pousada de Don Dinís, e varios de edificios sacros, como a Igrexa Matriz de Vila Nova de Cerveira (tamén Igrexa de São Cipriano) e a igrexa barroca, construída orixinalmente no século XVI.

Freguesías de Cerveira
Alén da de Lovelhe e Vila Nova, Cerveira ten 10 freguesías:
    Campos e Vila Meã
    Candemil e Gondar
    Cornes
    Covas
    Gondarém
    Loivo
    Mentrestido
    Nogueira e Reboreda
    Sapardos
    Sopo

MAPA

 

XOAN ARCO DA VELLA

IGREXA DE SANTO ESTEVO DE NOALLA - NOALLA - SANXENXO

 IGREXA DE SAN ESTEVO

NOALLA

SANXENXO

 Igrexa de Santo Estevo de Noalla
     É a máis grande e monumental das igrexas de Sanxenxo que se alza no medio dunha densa vexetación verde. A súa privilexiada situación confírelle unhas magníficas vistas da Ría de Pontevedra.

     O edificio conserva restos románicos, na fachada principal presenta arquivoltas apuntadas e remodeladas. No tímpano hai un Calvario do século XVIII. 

     No seu lado esquerdo, un monumental campanario tamén do século XVIII asoma sobre o amplo horizonte da Lanzada.

Noalla
      Santo Estevo de Noalla é unha parroquia que se localiza no concello de Sanxenxo. 

      Segundo o IGE, en 2016 tiña 2.552 habitantes (1.322 mulleres e 1.230 homes), o que representa unha estabilidade demográfica respecto ós últimos anos.

     Limita ó norte coa ría de Arousa; ó noroeste co istmo da Lanzada, do concello do Grove; ó oeste e ó sur co océano Atlántico; e ó leste coas parroquias de Vilalonga, Gondar, Adina e Arra. 

      A parroquia ten unha superficie de 8,7 km2, o que a converte na parroquia máis extensa do concello. Consta de 17 entidades de poboación.

Xentilicio
     O seu xentilicio é noallino.

Patrimonio
     A igrexa parroquial, a máis grande do concello, foi orixinariamente de estilo románico, conservándose desa época dúas arquivoltas apuntadas na fachada.

     Consta dunha soa nave, dividida en tres tramos: os dous máis occidentais están cubertos por bóveda de cruzaría, e o terceiro, xunto coa capela, con bóveda de canón.

     Na fachada occidental, no tímpano figura un calvario do século XVIII. No lado esquerdo ten acaroada unha torre-campanario, rematada en cúpula, e ó pé unha pequena imaxe de Santo Estevo Mártir.

     Nesta parroquia atópase o castro da Lanzada, a carón da torre da Lanzada. Tamén posúe un bo número de restos megalíticos na zona de Monte Faro.

Lugares de Noalla
     Aios, O Casal, Os Caseiros, Codesal, Cova de Pazos, Fonte de Ons, A Igrexa, A Lanzada, Mourelos, O Pombal, Quintáns, A Revolta, Salgueiro do Mato, Soutullo, Telleiro, O Tombelo, Tramalleiro

MAPA

 

XOAN ARCO DA VELLA

RUINAS DA TORRE DA LANZADA - PRAIA DA LANZADA - SANXENXO

RUINAS DA TORRE DA LANZADA

 PRAIA DA LANZADA

SANXENXO

 Torre da Lanzada
      A Torre da Lanzada, é o resto dunha torre-castelo de orixe medieval construída polos meiriños de Iria Flavia no Salnés para a defensa das terras da arquidiocese de Santiago de Compostela dos ataques normandos na Alta e na Baixa Idade Media.

Situación

     A torre érguese na marxe sur da praia da Lanzada, na parroquia de Noalla (Sanxenxo), á beira da ermida da Nosa Señora da Lanzada e do castro do mesmo nome.

Historia
      É o último vestixio dun castelo datado no século X (arredor do ano 960) construído sobre os restos dun antigo faro fenicio ou romano. Foi mandado construír por Sisnando II para defensa de Compostela contra os ataques viquingos e normandos. 

      Servía de avanzada defensiva ao lado doutras fortalezas da mitra compostelá e como primeiro contacto contra posíbeis inimigos, transmitindo sinais de perigo ás outras torres defensivas que marcaban a ría de Arousa, coma as torres de Cambados e as torres de Oeste en Catoira. O sistema defensivo consistía en facer fogueiras na torre que eran vistas dende a Torre de San Sadurniño (Cambados), que alertaban á súa vez á de Catoira, e así até Santiago de Compostela.

      No ano 1121, coincidindo co acordo de paz da raíña Dona Urraca co bispo Diego Xelmírez, decídese que ao segundo se lle deberán entregar a primeira das fortalezas do Castelo Honesto e o da Lanzada; pouco tempo despois sofre un ataque de piratas mouros que sucederan aos normandos como ameaza nas costas galegas. O castelo tamén aparece citado en documentos do século XIII.

     En 1467 é sitiada polos irmandiños, que a conquistan atacándoa dende o mar. Trala derrota dos principais xefes irmandiños, Afonso de Lanzós e Pedro Osorio, o castelo da Lanzada convértese no último bastión dos sublevados e nas mesmas ruínas da fortaleza destruída por eles mesmos, resistiron até que, esgotadas todas as posibilidades de defensa, foron capturados. Tras estes feitos o castelo ficou abandonado.

 Situación actual
        Do antigo castelo hoxe só quedan a ermida e unha das torres semiderruída. 

     A torre actual é de planta cuadrangular con muros de cachotaría-cantaría de pedra de gra non moi conformada, agás nos encontros dos muros.

     Hai algúns anos fixéronse obras neste recinto histórico que afectaron gravemente á súa integridade, perdéndose os vestixios que restaban da súa muralla e tapándose cunha nova a antiga ponte de comunicación co castelo que orixinalmente fora levadiza.

MAPA

 

XOAN ARCO DA VELLA

EXPOSICIÓN CAMINHOS "O DOCE NO CAMIÑO" - PONTE DE LIMA

  EXPOSICIÓN CAMINHOS 

"O DOCE NO CAMIÑO"

PONTE DE LIMA

     Ata o día 26 Abril podese visitar na torre da Cadea Velha en Ponte de Lima a Exposición CAMINHO " O DOCE NO CAMIÑO PORTUGUÉS"

     A asociación de Amigas e Amigos do Camiño Portugués de Santiago ea Camara Municipal de Ponte de Lima organizan esta exposicion a Exposición dentro dos Actos do 4 de Marzo.

Día de Ponte de Lima este 4 de marzo
      Celebra 898 anos da concesión da Carta titulo de Vila pola raíña D. Teresa

     O 4 de marzo Ponte de Lima celebra o 898 aniversario da concesión da Carta pola raíña D. Teresa. Os actos oficiais presididos pola Ministra de Cohesión Territorial, Ana Abrunhosa, coa presenza de D. Jesús Gamallo Aller, director xeral de Relacións Exteriores da Xunta de Galicia, en representación do presidente da Xunta de Galicia, marcan o inicio do conmemoracións oficiais dos 900 anos da Foral concedidos a Ponte de Lima, que se celebrarán en 2025.

      O programa de celebracións do 898 aniversario é amplo e inclúe diversas actuacións, que se prolongan durante toda a fin de semana, os días 3, 4 e 5 de marzo.

     Así, o Día de Ponte de Lima, o 4 de marzo, mantén a tradición da exposición "Camiños: Doces no Camiño Portugués a Santiago", na Torre da Cadeia Velha, inaugurada ás 11:30 horas. 

 

 

     Promovido pola Asociación de Amigos e Amigos do Camiño Portugués a Santiago e o Concello de Ponte de Lima, que a través da fotografía e a pintura, pretende endulzar a mirada de quen o visita cos doces de Ponte de Lima, co Doce. 

 

 

      Castañas, as Limianas e a Torta Limiano, e de Pontevedra, coas Orellas de Entroido, as Filloas e a Tarta de Santiago.

 

 

    Meu agradecemento a Asociación de Amigas e Amigos do Camiño Portugués a Santiago e o Concello de Ponte de Lima, tamen a Luz Alonso por a axuda e poder participar nestra mostra con grandes da pintura e fotografía....Gracias 

 

VIDEO

VIDEO

VIDEO 

VIDEO

MAPA 

 

XOAN ARCO DA VELLA