TORRENTES DE MACARA - RÍO ULLA - PALAS DE REI

TORRENTES DE MACARA

RÍO ULLA

PALAS DE REI

Os Torrentes de Macara

        Os torrentes de Macara están situados no Concello de Palas de Rei (Lugo) no curso alto do río Ulla, onde se atopan coas augas do río Pambre.

     Para chegar ao comezo desta ruta podemos dirixirnos ao Castelo de Pambre. Alí seguiremos a estrada LU-4008 cara á localidade de Ramil e Melide. A uns 2 quilómetros do castelo, antes de cruzar unha ponte, veremos unha pista de terra á esquerda cun cartel que indica os Torrentes de Mácara.

     Pódese entrar pola pista uns 200 metros ata chegar a un bosque de castiñeiros, onde deixaremos o coche. Unha vez no lugar colleremos o camiño que vai á esquerda que nos levará por un camiño a carón do río.

      O camiño non é perigoso aínda que tampouco é chairo. Teremos que estar moi atentos ao terreo, escalando rochas, esquivando árbores. Nalgúns lugares hai vestixios do que debeu ser un valado e uns chanzos de madeira.

     Aquí celebrouse durante uns anos a Copa Galega de Extreme Kayak, a competición máis antiga do piragüismo español. Os dous quilómetros de saltos e rápidos sitúano no grao de dificultade máis alto descrito polos expertos en Kayak. A primeira vez que se celebrou foi en 2005.

      Dar a coñecer este privilexiado entorno natural xurdiu hai case dúas décadas, cando os veciños de Palas e a súa contorna se sentían atacados polo proxecto que pretendía construír un encoro no río Ulla para crear unha minicentral eléctrica. Tratábase de canalizar o río durante dous ou tres quilómetros, xusto nun ecosistema de gran valor paisaxístico.

     Está considerada unha das 10 marabillas galegas. O entorno é marabilloso, destacando a gran cantidade de madroños que hai no seu entorno.

Río Ulla
     O río Ulla é un curso fluvial galego pertencente á vertente atlántica.

Toponimia
     Ulla viría de Oula e este á súa vez de Wel. Segundo Leonard A. Curchin en Los topónimos de la Galicia romana significaría "facer virar" na indoeuropea lingua celto-galaica, e que faría referencia ao sinuoso curso do río

Curso
      Ten as súas fontes na comarca lucense da Ulloa, sendo o seu berce varios regatos que se localizan na parroquia de Olveda, no concello de Antas de Ulla. Este lugar está na comarca da Ulloa, á cal precisamente o río dálle nome. Os máis importantes afluentes do Ulla son o Arnego e o Deza. 

      Separa as provincias da Coruña e Pontevedra a excepción de dous pequenos tramos nos concellos de Vedra e Padrón, e desemboca na ría de Arousa tras percorrer 132 km. Considéranse as Punta Palleiro e Grandoiro como a fin do río. Ten unha conca de 2.764 km², a segunda máis importante de Galiza trala do río Miño.

     Conta co encoro de Portodemouros, obra bastante importante no seu tempo. 

VIDEO

MAPA

 

XOAN ARCO DA VELLA

 

INAUGURACIÓN DA EXPOSICIÓN " O CAMIÑO E AS ARTES" GALERIA MUNICIPAL DAS ARTES - BARCELOS

 INAUGURACION EXPOSICIÓN

"O CAMIÑO E AS ARTES"

GALERIA MUNICIPAL DAS ARTES

BARCELOS

     Máis dunha trintena de artistas expoñen as súas creacións e son protagonistas de concertos, exhibicións de danza e recitais de poesía

     A Camara Municipal de Barcelos ven de inaugurar a décima primeira edición de ‘Camiños’, a mostra colectiva e multidisciplinar promovida pola Asociación do Camiño Portugués a Santiago que reúne a visión de máis dunha trintena de artistas, creadoras e creadores de Galicia e Portugal sobre un fenómeno de carácter internacional como é a peregrinación a Santiago de Compostela.

     Na inauguración desta tarde estiveron presentes varios dos artistas participantes e unha ampla representación da Camara Municipal de Barcelos e da Cidade de Pontevedra.

     O acto comezou co interpretación de varias pezas da mucica tradicional a cargo dos gaiteiros pontevedresas "Os Alegres" á que seguiu unha exhibición de danza de Glau Fonseca, que fixo unha intervención fantastica e sorprendente.

     Recitaron poesía Ana Corzo, que sempre emociona co seu bo facer.

Pintores
      Agustín Pousseu, Álex Vázquez, Amelia Palacios, Ana Corzo, Antón Sobral, Carmen Hermo, Eduardo Dios, José María Barreiro, Kuqui Pazos, Luz Lafuente, Mario Rocha, Puri del Palacio, Xaime Falcón, Gerhard Mader ou Rafael Úbeda, pintor e músico.

Escultura
      Enrique Velasco Viéitez, Francisco Pazos, Paulo Neves, e Suso Balado; e outro apartado de artesanía no que hai pezas anónimas de Barcelos (Portugal), creacións da zoqueira Elena Ferro ou do artesán Joaquim Esteves.

Musica
     A cantante Begoña Lorenzo, o luthier César Loureiro Sobral, o músico Edelmiro Luis Mateo García, a vocalista Noelia Solleiro, e tamén da danza a través de Glau Fonseca.

Escritura e Poesia
     A escritora e docente Carmen Quinteiro, a poeta e artista Minerva e o escritor Xaime Toxo.

Fotógrafos
     Aquilino Valiño, Enrique Ruis e Xulio Gil, acompañados polo tamén fotógrafo e blogueiro Xoán Arco da Vella.

     A exposición estará aberta na Galeria Municipal da Arte ata o 18 de Xuño.

     Despois a mostra irá, Ponte de Viana do Castelo e Lisboa de maneira itinerante.

VIDEO

MAPA

 

XOAN ARCO DA VELLA

PONTAO DO LOBO - ARGA DE CIMA - REGO DA GANDARA - SERRA D´ARGA - CAMINHA

 PONTAO DO LOBO

ARGA DE CIMA

SERRA D´ARGA

REGO DA GANDARA

CAMINHA

 Arga de Cima
     Arga de Cima e unha fregresia portuguesa do municipio de Caminha, distrito de Viana do Castelo.

 

 

Historia

      Foi suprimida o 28 de enero de 2013, en aplicación de unha resolución da Asamblea de la República portuguesa promulgada o 16 de enero do 2013 o unirse coas fregresias de Arga de Baixo e Arga de São João, formando unha nova fregresia de Arga (Baixo, Cima e São João).​

Caminha
     Caminha é unha vila portuguesa no Distrito de Viana do Castelo, rexión Norte e subrexión do Minho-Lima, con preto de 2.500 habitantes.

     É sede dun municipio con 129,66 km² de área e 17.069 habitantes (2001), subdividido en 20 freguesias.

     O municipio limita ao nordeste co de Vila Nova de Cerveira, ao oeste co de Ponte de Lima, ao sur co de Viana do Castelo, ao norte con Galiza e ao oeste co océano Atlántico.

Freguesías
     O concello de Caminha está formado por vinte fregresias, agrupadas en dous grandes vales: o Vale do Coura e Minho e o Vale do Âncora.

Vale do Coura e Minho
Formado polas localidades de:
    Arga de Baixo
    Arga de Cima
    Arga de São João
    Argela, Azevedo
    Caminha-Matriz
    Cristelo
    Dem
    Lanhelas
    Moledo do Minho
    Seixas
    Venade
    Vilar de Mouros
    Vilarelho

Vale do Âncora
As súas freguesías son:
    Âncora
    Gondar
    Orbacém
    Riba de Âncora
    Vila Praia de Âncora
    Vil

Serra d'Arga
     Entre os vales dos ríos Miño e Lima, xa preto da costa, podémosnos imaxinar, a imponente Serra da Arga. Dos seus aproximadamente 800 metros de altitude, as vistas son impresionantes: o océano Atlántico ofrece un fondo azul que se acompaña de terreo exuberante; o río Coura conflúe co río Miño ata antes de entrar no mar, fronte á costa de paseos; e o bosque de piñeiros da Camaredo estende a paisaxe ata Moledo do Minho.

     Referencias destacadas son Vilar de Mouros, nas montañas do noroeste e dos pobos "a nosa irmás da Garda e monte de Santa Tecla.

MAPA

 

XOAN ARCO DA VELLA

FERVENZA DE POZO NEGRO - RÍO ANCORA - MONTARIA - VIANA DO CASTELO

 FERVENZA DE POZO NEGRO

RÍO ANCORA

MONTARIA

VIANA DO CASTELO

Montaria
      Montaria e unha fregresia portuguesa do concello de Viana do Castelo, con 26,09 km² de superficie e 665 habitantes (2001).

     A sua densidade de poboación e de 25,5 hab/km².

Rio Ancora
     O Ancora é un rio portugués que nace no pico da Serra de Arga, en Orbacém, Freixeiro de Soutelo e Riba de Âncora e verte no Oceano Atlântico en Vila Praia de Âncora, fregresia do concelho de Caminha.

     No século XIX este rio era conhecido por rio Amora

Viana do Castelo
     Viana do Castelo é un concello portugués, capital do Distrito de Viana do Castelo, na rexión Norte e subrexión do Miño-Lima.

Demografía
      O concello ten 314,36 km² de área e preto de 46.750 habitantes no seu núcleo urbano e 83.000 en todo o municipio, subdividido en 40 parroquias.

Xeografía
      O concello limita ao norte con Caminha, ao sur con Barcelos, ao leste con Ponte de Lima e Esposende, e ao oeste co océano Atlántico.

As freguesías de Viana do Castelo son:
       Afife, Alvarães, Amonde, Anha, Areosa, Barroselas, Cardielos, Carreço, Carvoeiro, Castelo do Neiva, Chafé, Darque, Deão, Deocriste, Freixieiro de Soutelo, Lanheses, Mazarefes, Meadela, Meixedo, Monserrate, Montaria, Moreira de Geraz do Lima, Mujães, Neiva, Nogueira, Outeiro, Perre, Portela Susã, Santa Marta de Portuzelo, (anteriormente Portuzelo), Santa Leocádia de Geraz do Lima, Santa Maria de Geraz do Lima, Santa Maria Maior, Serreleis, Subportela, Torre, Vila de Punhe, Vila Franca, Vila Fria, Vila Mou e Vilar de Murteda.

Cultura
     Na cidade, que creceu ao longo do río Lima, pódense ver edificios de estilos renacementista, manuelino, barroco e modernista

       No entramado urbano destaca o centro histórico, que forma un círculo delimitado polos restos das antigas murallas. Aquí, hai ruelas con arterias maiores que dan ao río Lima, e destaca a antiga Igrexa Matriz (catedral dende 1977), que data do século XV, destacan a Capela da Misericórdia (século XVI), a Capela das Almas, e o antigo edificio do Concello, na Praça da República (antiga Praça da Rainha), cunha fonte xafariz de granito –con dobre pía e estanque– construída por Joán Lopes o Vello e rematada por João Lopes, Filho en 1559.

      Fóra do centro da cidade, nunha posición dominante no alto do Monte de Santa Luzia, érguese o Santuario Diocesano do Sagrado Corazón de Xesús, cuxa construción comezou en 1903, inspirada na Basílica do Sagrado Corazón de París, desde a que se pode gozar dunha ampla vista sobre a cidade, a ría do río Lima e o mar.

Algúns dos elementos patrimoniais máis destacados de Viana do Castelo son:
    Capela da Nosa Señora da Agonía
    Fonte na Praça da República
    Carmelo de Santa Teresinha
    Convento de São Francisco do Monte
    Ascensor de Santa Luzia
    Fortaleza de Santiago da Barra
    Santuario do Sagrado Corazón de Xesús – Monte de Santa Luzia
    Ponte Eiffel
    Biblioteca Municipal de Viana do Castelo
    Capela da Misericordia de Viana do Castelo
    Estaleiros do Mar Oeste
    Barco Hospital Gil Eannes
    Porto de Viana do Castelo
    Centro Cultural Viana do Castelo
    Teatro Municipal Sá de Miranda
    Museo do Traxe de Viana do Castelo
    Casa dos Nichos
    Palacio da Carreira
    Castelo de Portuzelo
    Paço de Lanheses
    Pelorinho de Lanheses
    Centro de Interpretación Castro do Vieito
    Casa Capela Malheiras
    Campo da Penha ou Palacio de Abreus
    Museo de Artes Decorativas de Viana do Castelo 

VIDEO

MAPA 

 

XOAN ARCO DA VELLA