PETO DE ENTENZA (RESTAURADO) - A IGREXA - ENTENZA - SALCEDA DE CASELAS

 PETO DE ENTENZA ( RESTAURADO)

A IGREXA

ENTENZA

SALCEDA DE CASELAS

 Peto de ánimas
   Chámanse petos de ánimas a unha das manifestacións materiais do culto aos mortos e son, xeneralmente, sinxelos monumentos de piedade popular asociados á idea do purgatorio.

    En Galicia é frecuente atopalos en camiños, encrucilladas, atrios de igrexas, etc.

     Os historiadores e etnógrafos sitúan a súa aparición a partir da Contrarreforma, datándose os máis antigos no século XVII, aínda que non sería ata o século XVIII cando se constrúan con máis profusión.

     A súa finalidade é a de ofrecer esmolas de todo tipo ás ánimas do Purgatorio, sendo o seu castigo temporal e podendo así alcanzar o Ceo.

    En compensación, unha vez liberadas intercederán por quenes realizaron as ofrendas.

     As esmolas non eran de carácter estrictamente monetarias, tamén podía tratarse de produtos agrícolas.

     Os petos de ánimas adoitan estar construídos en pedra cunha cruz no alto, polo xeral con imaxes das ánimas no lume do purgatorio e unha figura que as vela (santo, rei ou bispo).

     Na parte frontal aparece un peto para depositar a esmola e protexido cunha reixa ou un cristal.

Algúns levan lendas do tipo:
     Un alma tes e non máis, si a pérdes que farás...   

MAPA 

 

XOAN ARCO DA VELLA

CAPELA DE SAN ANTONIO - SA - MELGAÇO

 CAPELA DE SAN ANTONIO

SÁ

MELGAÇO

Melgaço
     Melgaço é un concello portugués no Distrito de Viana do Castelo, rexión Norte e subrexión do Minho-Lima, fronteirizo con Galiza.

     En 2004 tiña 9.739 habitantes, 1.300 dos cales viven na vila que dá nome ao municipio.

Xeografía
     Ten 239,04 km², e está subdividido en 18 freguesías. Limitado ao norte e leste con Galiza, ao suroeste polo municipio de Arcos de Valdevez, e ao oeste por Monção. É o municipio máis setentrional de Portugal.

     O punto máis elevado do concello é o Giestoso, de 1.335 metros de altitude, na freguesía de Castro Laboreiro.

     O concello ten 18 freguesías, repartidas en dúas grandes áreas: 11 delas á beira do río Miño (Alvaredo, Chaviães, Cristóval, Paços, Paderne, Penso, Prado, Remoães, Roussas, São Paio e Vila) e 7 de montaña (Castro Laboreiro, Cousso, Cubalhão, Fiães, Gave, Lamas de Mouro e Parada do Monte).

Patrimonio
      En Melgaço existe toda unha tradición de contos e fábulas con criaturas fantásticas como Arganões e outros seres con poderes máxicos. Esta cultura popular foi transmitida oralmente ao longo de xeracións, estando actualmente en declive.

      Hai uns 10 anos foi descuberta no monte de Prado, proxectadas cara á encosta ribeireña (e case desapercibidas pola vexetación da zona) unha serie aínda non cuantificada de esculturas de monstros, similares ás proas dos barcos viquingos, que fixeron numerosas incursións na zona na Idade Media.

Entre as súas construcións destacan:
    Castelo de Melgaço: Mandado construír polo primeiro rei de Portugal, Don Henriques, en 1170 cun foro semellante ao de Ribadavia, sendo atacado no século XIII polas tropas do Reino de León.
    Igrexa Matriz de Melgaço. As súas últimas murallas datan da Guerra de restauración, foi declarado Monumento nacional en 1910.
    Castelo de Castro Laboreiro: Coñecido nos cronicóns como a fortaleza de San Rosendo de Celanova.
    Igrexa de Paderne
    Parque Termal do Peso: Predio e palacete modernista con augas mineromedicinais que competiu co veciño balneario de Cortegada(Ourense).
    Solar de Galvão
    Fonte de São João
    Igrexa da Misericórdia
    Igrexa de Fiães
    Museo do Cinema de Melgaço
    Igreja romãnica de Chaviães
    Cividade de Paderne: É un castro romanizado situado no monte "coto Grande", na freguesía de Paderne, concello de Melgaço. Atópase situado entre dous regatos, o Martingo e o Porto do Río. Malia os traballos agrícolas aínda son visibles valos e restos de muralla. Atopado por Leite de vasconcelos en 1903, descubriu tégulas, muíños romanos, ánforas, cerámica castrexa con decoración incisa e diversas pedras decoradas, entre as que destaca un zoomorfo de características semellantes a outro zoomorfo castrexo do castro da Ameixeira, (Crecente).

MAPA

 

XOAN ARCO DA VELLA

 

PONTELLA EN VILAVERDE - RÍO OUTEIRO - VILAVERDE - QUINS - MELÓN

PONTELLA EN VILAVERDE

RÍO OUTEIRO

VILAVERDE

QUINS

MELÓN

  Vilaverde
     Vilaverde é un lugar da parroquia de Quins no concello ourensán de Melón na comarca do Ribeiro. Tiña 69 habitantes no ano 2012 segundo datos do INE e do IGE, dos cales 38 eran homes e 31 mulleres.

Quins
        Santa María de Quins é unha parroquia do concello de Melón, na provincia de Ourense. Segundo o padrón municipal (INE 2012) ten 876 habitantes (415 homes e 461 mulleres), o que supón un aumento en 12 habitantes en relación ao ano anterior.

Lugares de Quins
     Barcia, O Casal, Codesás, Covelo, A Eirexa, A Ibia, Moces, Negrelle, Portalaxe, Portodechán, Quins, A Serra, Vilaverde, Vivenzo

Melón
      Melón é un concello da provincia de Ourense, pertencente á comarca do Ribeiro. Segundo o padrón municipal (IGE) tiña en 2016 1 280 habitantes, dos que 667 son mulleres e 613 homes.

Xeografía
     O concello ten 53,2 km². Limita ao norte cos concellos de Avión e Carballeda de Avia, ao sur co da Cañiza (da provincia de Pontevedra), ao oeste con A Arnoia e Ribadavia e ao oeste con Covelo (tamén da provincia de Pontevedra). Polo concello pasa a autovía A-52 que une Vigo e Ourense.

Historia
     A historia desta terra está fortemente vencellada ao da mosteiro de Melón, fundado en 1158 por monxes da orde do Císter chegados de Clairvaux comandados polo abade Giraldo.

      Entre o patrimonio arquitectónico, amais das ruínas do mosteiro (declarado Monumento Histórico-Artístico en 1931), destaca a igrexa parroquial de Quins (finais do século XVI, pertencente á orde do Císter) e o peto de ánimas de Codesás, construído en 1856 e de gran devoción popular.

 Parroquias de Melón    
     Melón (Santa María), Quins (Santa María)

Comarca do Ribeiro
       A comarca do Ribeiro é unha comarca galega situada na provincia de Ourense no curso medio do río Miño, que a percorre de nordeste a suroeste.

     A súa capital é Ribadavia, e a ela pertencen os concellos da Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón e Ribadavia. Dálle nome ao viño do Ribeiro.

      Ocupa unha superficie de 406,92 km², nos que viven 15.571 habitantes (2020). Por ela transcorren tamén os ríos Arnoia e Avia. O Miño está represado nos encoros de Castrelo de Miño e da Frieira. Existen varios balnearios que aproveitan as augas.

     Desde a Serra do Suído e Faro de Avión, ao oeste, onde se chega ao 1.000 m de altitude, o relevo descende até só 97 m en Ribadavia e Arnoia.

MAPA

 

XOAN ARCO DA VELLA

CAPELA DE SAN MIGUEL - CRESPOS - PADRENDA

 CAPELA DE SAN MIGUEL

CRESPOS

PADRENDA

 Capela de San Miguel
     Sinxela construción do século XVIII cunha lenda curiosa: "darlle a volta á pedra para que cambie o tempo", referencia clara das rogativas que dende época medieval se facían ao sacar o santo de procesión arredor da ermida.

     Dende este lugar hai unha boa visión panorámica, divisándose segundo o dito popular "dúas nacións, tres provincias e dez concellos".

Crespos
     San Xoán de Crespos é unha parroquia do concello de Padrenda na comarca da Terra de Celanova, na provincia de Ourense.

     No ano 2007 tiña 579 habitantes, deles 282 eran homes e 297 eran mulleres.

Lugares de Crespos
     A Barxa, Alén, Ameán As Canles, As Lamas, Baltamarón, Carballal, Casal de Veco, Freáns, Gresufe, Morgade, O Pontillón, Redondelo, Requeixo, Rodenlas, San Amaro, San Roque de Crespos, Seoane, Zacumeira, Zaqueiradas

Comarca da Terra de Celanova
     A comarca da Terra de Celanova é unha comarca galega situada na provincia de Ourense e a súa capital é Celanova.

     A ela pertencen os concellos da Bola, Cartelle, Celanova, Gomesende, A Merca, Padrenda, Pontedeva, Quintela de Leirado, Ramirás e Verea.

VIDEO

MAPA

 

XOAN ARCO DA VELLA

EXPO "O CAMIÑO E AS ARTES" - MUSEO DE PONTEVEDRA

EXPO "O CAMIÑO E AS ARTES" 

MUSEO DE PONTEVEDRA

 

      A exposición " O Camiño e as Artes" e organizada por a Asociación de Amigas e amigos do camiño portugués que se podra ver no Museo de Pontevedra a e na que participan un importante numero de artistas de todos os eidos das artes de Galicia e Portugal.

      O Camiño e as Artes , comisariada por Tino Lores, e unha mostra colectiva intenta mostar diferentes tipos de artes, porpostas e visión do Camiño.

      A mostra reune a  máis de trinta artistas e persoas creadoras de Galicia e Portugal.

     A mostra poderase visitar dende o vindeiro 21 de xaneiro ata o 21 de marzo.

     Eu quero dar o meu agradecemento os organizadores e a Tino Lores por convite pa formar parte de deste gran medio de divulgacion e poñer en valor o noso patrimonio, cultura tradicions, lugares ... da nosa Galicia e irma Portugal

     As fotos que ilustran este traballo son a miña pequena aportacion a Expo, o titulo da miña fotos e "O Camiño da auga" onde vive a maxia.

Pintores

      Agustín Pousseu, Álex Vázquez, Amelia Palacios, Ana Corzo, Antón Sobral, Carmen Hermo, Eduardo Dios, José María Barreiro, Kuqui Pazos, Luz Lafuente, Mario Rocha, Puri del Palacio, Xaime Falcón, Gerhard Mader ou Rafael Úbeda, pintor e músico.

Escultura

      Enrique Velasco Viéitez, Francisco Pazos, Paulo Neves, e Suso Balado; e outro apartado de artesanía no que haberá pezas anónimas de Barcelos (Portugal), creacións da zoqueira Elena Ferro ou do artesán Joaquim Esteves.

Musica

     A cantante Begoña Lorenzo, o luthier César Loureiro Sobral, o músico Edelmiro Luis Mateo García, a vocalista Noelia Solleiro, e tamén da danza a través de Glau Fonseca.

Escritura e Poesia

     A escritora e docente Carmen Quinteiro, a poeta e artista Minerva e o escritor Xaime Toxo.

Fotógrafos 

     Aquilino Valiño, Enrique Ruis e Xulio Gil, acompañados polo tamén fotógrafo e blogueiro Xoán Arco da Vella.

MAPA

 

XOAN ARCO DA VELLA

MUIÑO DE CEVIDE - RÍO TRONCOSO OU BARXAS - PADRENDA

MUIÑO DE CEVIDE

RÍO TRONCOSO OU BARXAS

PADRENDA

 Río Troncoso
      Trátase dun río internacional, conformando ao longo da maioría do seu curso a Fronteira entre España e Portugal (a Raia/Raia), separando o municipio portugués de Melgaço do municipio español de Padrenda.

     O punto próximo á fonte de río onde a fronteira abandona o curso de correntes de auga para axustarse ao dos cumes da sierra do Laboreiro pode ser considerado como o principio da Raia seca.

Nacido na sierra do Laboreiro (Portugal), ten unha lonxitude total de 14 km.

A Raia
     A Raia é o nome informal co cal se coñece tradicionalmente a fronteira terrestre entre España e Portugal.

     Dunha forma máis ampla, A Raia é igualmente o espazo xeográfico, a ambos os lados da fronteira política, en que a poboación comparte uns mesmos elementos históricos, culturais, económicos e mesmo lingüísticos por veces.

     Na parte galego-portuguesa é frecuente distinguir entre a fronteira hidrográfica e a trazada na terra.

     Así, a raia húmida coincide co curso do río Miño na provincia de Pontevedra (Baixo Miño, O Condado e A Paradanta), mentres que a raia seca se corresponde co sur da provincia de Ourense (Terra de Celanova, Baixa e Alta Limia, val de Monterrei e As Frieiras).

Comarca da Terra de Celanova
     A comarca da Terra de Celanova é unha comarca galega situada na provincia de Ourense e a súa capital é Celanova. 

      A ela pertencen os concellos da Bola, Cartelle, Celanova, Gomesende, A Merca, Padrenda, Pontedeva, Quintela de Leirado, Ramirás e Verea.

MAPA

 

XOAN ARCO DA VELLA