IGREXA DE SAN LOURENZO DE SEIRA - SEIRA - ROIS

 IGREXA DE SAN LOURENZO DE SEIRA

SEIRA

ROIS

Seira
       San Lourenzo de Seira é unha parroquia que se localiza no leste do concello de Rois. 

     Segundo o padrón municipal (INE 2013) ten 426 habitantes (198 homes e 228 mulleres) distribuídos en 8 entidades de poboación, o que supón un aumento con relación ao ano 1999 cando tiña 436 habitantes.

      A parroquia ten unha superficie de 3,42 Km2.

Lugares de Seira
     O Casal, O Cruceiro, A Eirexa, Lamego, A Meana, A Peroxa, A Peruca, Seira

Rois
      Rois é un concello da provincia da Coruña, pertencente á comarca do Sar. 

      Segundo o padrón municipal (INE 2018) tiña 4564 habitantes (4995 no 2009, 5105 no 2006, 5149 no 2005, 5122 no 2004, 5137 en 2003). O seu xentilicio é roisense.

Xeografía
      Está situado no suroeste da Provincia da Coruña. Limita ao norte co concello de Brión, ao sur cos de Dodro e Rianxo, ao leste cos de Padrón e Teo, e ao oeste co de Lousame. 

       Ten 92,8 km², divididos entre doce parroquias.

     A capital está no lugar de Samil (parroquia de Oín). 

      A altitude máxima é de 609 m, no monte Pedregal e a mínima de 6 m no río Sar, na parroquia de Seira. 

MAPA

 

XOAN ARCO DA VELLA

IGREXA DE SANTA CRISTINA DE CAMPAÑA - A EIREXE - CAMPAÑA - VALGA

 IGREXA DE SANTA CRISTINA

CAMPAÑA

A EIREXE

VALGA

       Figura en varios documentos antigos, como na concesión que Xelmírez fai a favor do Convento de San Martiño Pinario en 1115 (Sanctam Christinam de Campania cum suis adjuntionibus), ou no testamento de 1131 que Odairo Afonso lega a favor do seu presbítero Pedro (Ad Petro, presbytero de Campania). 

      A datación alto-medieval desta igrexa podería ter correspondencia con vestixios soterrados asociados a ela.

       No 1115, o bispo Diego Xelmírez confirma a independencia e autoridade de San Martiño Pinario e Santa María da Corticela, o cobramento do terzo do dezmo do Xiro e posesión das igrexas, xunto coas súas rendas, vilas, coutos e vasalos de, entre outras parroquias, da de Santa Cristina de Campaña.

       A igrexa parroquial de Campaña está formada por unha única nave sen cruceiro, de planta rectangular.

       Ábsida prismática e nave lateral de menor altura de época posterior, onde se sitúa a sancristía. 

         A nave principal atópase dividida en tres treitos por dúas parellas de columnas e un arco triunfal de medio punto aberto no muro da nave con aresta vista sen moldura. 

      A fachada conserva a portada románica abocinada de dobre arquivolta tórica e arco semicircular de billetes no exterior. 

      No cemiterio atopamos unha cruz feita dun só bloque granítico e un cruceiro do século XX.

     Na década dos noventa do século pasado, durante unha treboada, o antigo campanario situado na parte superior do templo, resultou destruído debido a un lóstrego que caeu sobre as campás do mesmo.

      O campanario foi reconstruído, situándose o novo separado da igrexa, nunha torre de planta rectangular.

     Nunhas reformas ás que foi sometida o templo, ao retirar un retablo que se erguía obre o antigo cabeceiro da ábsida, descubríronse unhas pinturas góticas. Ao estar ocultas, sufriron moita humidade, mais a pesar disto, consérvanse bastante ben. 

     Teñen un gran interese polo tamaño das mesmas e a proporcionalidade das figuras, reflexando fielmente o xeito de traballar os artesáns pictóricos entre os séculos XV-XVI en Galicia. Destaca a pintura da Anunciación, obra moi ben terminada segundo os técnicos, presidida polo Pantocrátor na súa parte superior.

       No ano 2010, fíxose entrega dunha reliquia de Santa Cristina de Bolena á parroquia de Campaña, traída desde Italia.

MAPA

 

 Fuente: Web obaixoulla.gal

XOAN ARCO DA VELLA

IGREXA DE SANTA MARÍA DE MUNDÍN - MUNDÍN - NOGUEIRA DE RAMUÍN

 IGREXA DE SANTA MARÍA DE MUNDÍN

MUNDÍN

NOGUEIRA DE RAMUÍN

 Mundín
      Mundín é un lugar da parroquia de Santa Cruz de Rubiacós, no concello ourensán de Nogueira de Ramuín, na comarca de Ourense.

      Segundo o IGE, en 2022 tiña 25 habitantes (9 homes e 16 mulleres).

Santa Cruz de Rubiacós
      Santa Cruz de Rubiacós é unha parroquia do concello ourensán de Nogueira de Ramuín na comarca de Ourense.

      No ano 2007 tiña 93 habitantes (35 homes e 58 mulleres) distribuídos en 6 entidades de poboación, o que supón unha diminución de 16 habitantes en relación ao ano 2000.

Lugares de Santa Cruz de Rubiacós
      Cortecadela, Espartedo, Mundín, Picornio, Rubiacós, Santa Cruz.

Comarca de Ourense
      A comarca de Ourense é unha comarca galega situada na provincia de Ourense e a súa capital é Ourense. 

     Pertencen a esta comarca os concellos de Amoeiro, Barbadás, Coles, Esgos, Nogueira de Ramuín, Ourense, O Pereiro de Aguiar, A Peroxa, San Cibrao das Viñas, Taboadela, Toén e Vilamarín.

      Limita ao norte coa comarca de Chantada (Lugo), ao nordeste coa comarca de Terra de Lemos (Lugo) e comarca da Terra de Caldelas, ao leste e sueste coa de Allariz-Maceda, ao sur coa de Celanova e ao oeste coas do Ribeiro e Carballiño. 

MAPA

 

XOAN ARCO DA VELLA

IGREXA DE SAN MAMEDE DE ROIS - ROIS

IGREXA DE SAN MAMEDE DE ROIS

ROIS

Rois
     San Mamede de Rois é unha parroquia que se localiza no leste do concello coruñés de Rois, na comarca do Sar.

      Segundo o padrón municipal (INE) en 2013 tiña 563 habitantes (270 homes e 293 mulleres), 54 menos ca en 1999, distribuídos en 12 entidades de poboación.

     A parroquia ten unha superficie de 4,8 km2.

Lugares de Rois
      O Aido, A Bouciña, A Casa do Porto,, Codesidos, Contimunde, Cornes, A Covela, Os Dices, Formarís, Infesta, A Pontenova, Rois, Os Vilares

Comarca do Sar
      A comarca do Sar é unha comarca galega situada na provincia da Coruña cuxa capital é Padrón.

      A esta comarca pertencen os concellos de Dodro, Padrón e Rois. 

MAPA

 

XOAN ARCO DA VELLA

CRUCEIRO DA GÁNDARA - GÁNDARA - CORDEIRO - VALGA

 CRUCEIRO DA GÁNDARA

GÁNDARA

CORDEIRO

VALGA

     Cruceiro do tipo de crucifixo co baseamento de planta cuadrangular formado por bloques graníticos, de tres gradas. 

     Pedestal ao xeito de nocela apoiada sobre un plinto e rematado no cumio por un bloque de feitío troncopiramidal invertido. 

     Varal monolítico con arranque cúbico e desenrolo cilíndrico. Capitel asentado sobre unha moldura recta e feitío troncopiramidal invertido. 

     A cruz é latina e de feitío cilíndrico. Imita a factura dos vellos troncos de madeira. Anverso cunha Crucifixión e reverso coa Virxe do Carme co Neno.

      Foi doado polo emigrante M. Castroagudín Portas no 1900, ao seu regreso de Arxentina. En setembro de 2012 o cruceiro tivo algún contratempo e, tras a súa restauración, foi recolocado a comezos do 2016. 

     A restauración foi obra dos estudantes da Escola Superior de Conservación e Restauración de Bens Culturais de Galicia.

MAPA

 

Fuente: Web obaixoulla.gal

XOAN ARCO DA VELLA

MUIÑO EN SAN XUSTO - SAN XUSTO - AVIÓN

MUIÑO EN SAN XUSTO

SAN XUSTO

AVIÓN

San Xusto
     San Xusto é un lugar da parroquia de Avión no concello ourensán de Avión na comarca do Ribeiro.

      Segundo o INE e o IGE en 2011 tiña 335 habitantes (159 homes e 176 mulleres), cinco máis ca en 2010 (159 homes e 171 mulleres).

Avión
      Avión é un concello da provincia de Ourense, pertencente á comarca do Ribeiro. 

     Segundo o IGE a súa poboación no ano 2016 era de 1910 habitantes. O xentilicio é avionés.

Xeografía
     Sitúase no noroeste da comarca do Ribeiro. Limita ao norte con Beariz, ao sur con Carballeda de Avia, ao leste con Boborás e Leiro, e ao oeste cos concellos da Lama, Fornelos de Montes e Covelo.

      É un concello montañoso e de relevo accidentado. As serras do Suído e Faro de Avión limitan o concello polo oeste superando os 1.000 metros de altitude. 

       Desde os cumios o relevo descende abruptamente, dando lugar a vales encaixados que dificultan as comunicacións.

      A rede fluvial está formada polo río Avia e os seus afluentes. O Avia nace en Fonte Avia, parroquia de Nieva, e recibe en Avión tres afluentes de importancia: o Couso, o Valderías e o río Cardelle, que forma o límite cos concellos de Boborás e Beariz.

      O clima de Avión vén condicionado polas diferenzas de altitude entre as distintas terras do concello. Nas serras do Suído e Faro de Avión o clima é de montaña, frío en inverno e con intensas precipitacións mentres que nas zonas máis baixas as temperaturas son máis cálidas aproximándose ao tipo de clima mediterráneo da comarca do Ribeiro. 

     Na zona intermedia entre a montaña e os vales pode dicirse que aparece un tipo de clima continental. 

       O observatorio de Amiudal, a 553 m de altitude, rexistra unhas medias aproximadas de 5,5 °C en xaneiro e 19 °C en xullo.  

MAPA 

 

XOAN ARCO DA VELLA