ANTIGUA ESTACIÓN DE TREN DE GARGA - TRASMONTE - OROSO

 ANTIGUA ESTACIÓN DE TREN

GARGA - TRASMONTE

OROSO

 Estación de Garga Trasmonte
     A Estación de Garga Trasmonte esta nunha pequena aldea de 19 casas. 

     Localizada na parroquia Garga Trasmonte, no Concello de Oroso.

     Linda co Concello de Trazo e polo río Lengüelle. Antiguamente tiña estación de tren de carga e descarga de mercancías e cambío de vías de tren que agora está totalmente abandonada. 

     Fai 10 anos había algúns veciños que se dedicaban ao negocio de leite e carne pero abandonaron todo e tamen a estación.

     Agora as leiras dedícanse á plantación de piñeiro ou eucalipto.

     Ten unha estrada que enlaza coa N-550 que é a estrada de Coruña Tui e outra co Concello de Trazo e está previsto que na antiga estación de ferrocarril fagan unha paseo de bicicletas entre Ordes e Oroso. 

     Moi cerca pasa unha vía de tren de alta velocidade que separa esta aldea doutras lindantes: Fafián, Rial,e Piñeiro

Trasmonte
     Santo Estevo de Trasmonte é unha parroquia que se localiza no noroeste do concello de Oroso.

     Segundo o IGE en 2018 tiña 490 habitantes (250 mulleres e 240 homes) distribuídos en 6 entidades de poboación, o que supón unha diminución en relación ao ano 1999 cando tiña 537 habitantes.

Patrimonio
    Arqueolóxico: Medorra da Costa e Os Castros.
    Patrimonio civil: Escudo de Rial e Estación da Garga.
    Cruceiro de Trasmonte, do século XVIII.

Lugares de Trasmonte
     Burgao, Cacheiros, O Cano, Castro, A Costa, Cruz do Monte, O Empalme, A Esquipa, A Estación de Trasmonte, Fafián, Garga, Piñeiro, A Polveira, Rial, Zan

Comarca de Ordes
     A comarca de Ordes é unha comarca galega situada na provincia da Coruña cuxa capital é Ordes. 

     A esta comarca pertencen os concellos de Cerceda, Frades, Mesía, Ordes, Oroso, Tordoia e Trazo.

MAPA

 

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA

ANTIGUA ESTACIÓN DE TREN ORDES- PONTRAGA- NUMIDE - TORDOIA

ANTIGUA ESTACIÓN DE TREN

ORDES - PONTRAGA

PONTRAGA

NUMIDE

TORDOIA

 Estación de Ordes-A Pontraga
     Ordes-A Pontraga foi unha estación de tren de Adif, situada na Pontraga, no concello de Tordoia, provincia da Coruña, no límite co concello de Ordes. Non ten servizos de viaxeiros e emprégase como escola obradoiro.

     A estación inaugurouse o 14 de abril de 1943 dentro do trazado orixinal da liña que unía Zamora e A Coruña. Coa construción do Eixe atlántico de alta velocidade, esta estación foi substituída pola nova estación de Ordes en 2003.

Numide
      Santiago de Numide é unha parroquia que se localiza no leste do concello de Tordoia. 

     Segundo o INE en 2018 tiña 121 habitantes (65 mulleres e 56 homes) distribuídos en 2 entidades de poboación, o que supón unha diminución en relación ao ano 1999 cando tiña 215 habitantes.

Lugares de Numide
     Belvís, O Castro, O Liñariño, Liste, A Paínza, A Pontraga, O Regueiro

Tordoia
     Tordoia é un concello da provincia da Coruña, pertencente á comarca de Ordes. Ten unha extensión de 124,5 km² distribuídos en dez parroquias.

Demografía
     Segundo o Padrón municipal de habitantes, en 2014 a súa poboación era de 3.706 persoas. O seu xentilicio é «tordoiés/tordoiesa».

Patrimonio
    Acea de Estevo
    Dolmen de Cabaleiros
    Pedra Longa

Festas
Anxeriz
    Santa Mariña, 18 e 19 de xullo.
    Virxe do Rosario, primeiro domingo de outubro.
Andoio
    Samede, 7 e 8 de agosto.
Bardaos
    Bardaos, 15 e 16 de agosto.
Castenda
    Santa María, 15 e 16 de agosto.
    Festa de Campo na ermida do Carme, terceiro domingo de xullo.
    San Ramón, 30 de agosto.
    Festa do Sacramento, en agosto.

Parroquias de Tordoia     
     Andoio (San Mamede), Anxeriz (Santa Mariña), Bardaos (Santa María), Cabaleiros (San Xián), Castenda da Torre (Santa María), Gorgullos (Santaia), Leobalde (San Cristovo), Numide (Santiago), Tordoia (San Xoán), A Vila de Abade (San Cibrán)

Comarca de Ordes
     A comarca de Ordes é unha comarca galega situada na provincia da Coruña cuxa capital é Ordes.

     A esta comarca pertencen os concellos de Cerceda, Frades, Mesía, Ordes, Oroso, Tordoia e Trazo.

MAPA 

 

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

XOAN ARCO DA VELLA

MEDALLA DE OURO DO CAMIÑO PORTUGUÉS - SR. VITOR MENDES - JOSÉ MARÍA CUNHA - AMIGOS E AMIGAS DO CAMIÑO PORTUGUÉS - PONTEVEDRA

 SR. VITOR MENDES

JOSÉ MARÍA CUNHA

 MEDALLAS DE OURO DO CAMIÑO PORTUGUÉS
AMIGOS E AMIGAS DO CAMIÑO PORTUGUÉS
PONTEVEDRA

     Os presidentes das cámaras municipais de Ponche de Lima e Viana do Castelo recibiron as insignias de ouro nun acto no Liceo Casino

     Recoñecer o papel de Portugal na promoción e impulso do Camiño Portugués a Santiago é o que levou á Asociación de Amigos do Camiño Portugués a entregar as súas insignias de ouro aos presidentes das cámaras municipais de Ponte de Lima e Viana do Castelo, Vítor Mendes e José María Cunha Castro.

     O Liceo Casino de Pontevedra acolleu onte un acto que o presidente do colectivo anfitrión, Tino Lores, cualificou de moi "emotivo" e no que se puxo en valor non só o empuxe que os peregrinos do país veciño deron á ruta xacobea, senón tamén o apoio desde as institucións lusas.

 "Portugal é para nós clave no Camiño, é a outra parte da beira do Miño, e é bo que tamén lles digamos moitas grazas por vir", manifestou o presidente de Amigos do Camiño Portugués. 

     Tino Lores recoñeceu a colaboración que desde hai once anos estableceron coas cámaras municipais portuguesas. "Levamos colaborando desde 2010, sempre nos recibiron moi ben. 

      Antes de que se vaian queremos dicirlles moito obrigado pola axuda que nos están prestando".

    "Levamos colaborando coas cámaras portuguesas desde o ano 2010 e sempre nos atenderon moi ben", afirma Tino Lores

     As insignias de ouro son o máximo galardón que entrega a Asociación de Amigos do Camiño Portugués.

     O profesor Filgueira Valverde foi o primeiro en recibila polo seu apoio á ruta xacobea, tamén se entregou esta insignia ao actual rei de España, Felipe VI, ou ao expresidente Mariano Rajoy, nun intento de visibilizar o Camiño. 

     Posteriormente, a Brilat foi a primeira institución en recibila en recoñecemento ao seu labor e o Concello de Pontevedra foi o destinatario do galardón no 25 aniversario da asociación. 

     O ano pasado obsequiouse coa insignia ao entón conselleiro de Cultura Román Rodríguez.

      Tino Lores destacou que "é posible que o ano que vén se repita a entrega de insignias por ser un momento difícil no Camiño". "Estes actos —engadiu— tamén contribúen a fortalecer a ruta".

MAPA

 

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

Fuente: María Varela

Diario de Pontevedra

XOAN ARCO DA VELLA

 

SARTEGOS DE RECESENDE - RECESENDE - CASTOVERDE

SARTEGOS DE RECESENDE

RECESENDE

CASTROVERDE

Sartegos de Recesende
       Nun outeiro onde se levanta a igrexa parroquial, construída sobre un castro, nun afloramento granítico situado no exterior do adro-cemiterio, consérvanse oito sartegos altomedievais. 

      García Teijeiro (1920), que descubriu tres, di que daquelas cubríanse con lousas perfectamente axustadas; di tamén que contiñan anacos de barro e nunha atopou dous machados de cuarzo. 

     Había máis que foron destruídos ao construír o muro contiguo da igrexa.

Recesende
     San Cibrao de Recesende é unha parroquia que se localiza no concello de Castroverde.

     Segundo o padrón municipal de 2004 tiña 21 habitantes (11 mulleres e 10 homes), distribuídos en 2 entidades de poboación, o que supón unha diminución en relación ao ano 1999 cando tiña 27 habitantes.

Lugares de Recesende    
     A Penalonga, Recesende, Santa Eufemia

Castroverde
     Castroverde é un concello da provincia de Lugo, pertencente á comarca de Lugo.

     O concello sitúase no centro da provincia de Lugo. O territorio constitúe unha zona de transición entre a meseta luguesa e as Serras Orientais, de maneira que o terreo vai gañando altura cara ao leste: Serras de Monciro, do Mirador (coa altura de 1034 m en Pradairo), da Vaqueriza e de Puñago.

     Numerosos regatos baixan destes montes, vertendo nos ríos Guimarás, Azúmara, Romeán, Outeiro e Tórdea, todos eles afluentes do Miño.

Historia
     Castroverde pertenceu á Casa de Lemos até o século XVI, cando a vila, a fortaleza e as súas terras foron compradas polos Altamira. No século XIX producíronse enfrontamentos carlistas.

Monumentos
     Na propia vila fica aínda a torre da homenaxe da fortaleza medieval dos Castro de Lemos, tamén chamado Castelo de Castroverde. Hai tres pazos notorios: o de Abraira-Arana, en Vilabade, o de Cellán de Mosteiro e o de Pumarega.

     A igrexa de Santa María de Vilabade, alcumada "catedral de Castroverde", foi construída no século XV a instancias de Fernando de Castro para un mosteiro; é gótica, mais con adicións posteriores e retablos barrocos.

     Destaca tamén a igrexa prerrománica de Soutomerille, reformada no ano de 1619, así como outras varias con elementos románicos.

Festas e feiras
    Festas de Santiago o Maior, os días 24, 25 e 26 de xullo, con numerosas actividades.
    Festa da Xuventude, o 27 de decembro.
    Feira da Artesanía. o 24 de agosto.
    Feira, domingos alternos.
    Festa dos Avós, en abril.

Parroquias de Castroverde     
     Agustín (Santa María), Arcos (San Paio), Barredo (San Xoán), Barredo (Santo André), Barreiros (San Cosme), Bolaño (Santa Baia), Cellán de Calvos (San Salvador), Cellán de Mosteiro (San Pedro), Covelas (San Miguel), Espasande (Santiago), A Frairía (Santa María), Furís (Santo Estevo), Goi (Santa María Madanela), Masoucos (Santiago), A Meda (Santiago), Miranda (Santiago), Mirandela (Santo André), Monte (Santa María), Montecubeiro (San Cibrao), Moreira (Santa María), Paderne (Santo Estevo), Páramo (San Miguel), Pena (Santa María Madanela), Pereiramá (San Xulián), A Pumarega (Santa Mariña), Rebordaos (San Xurxo), Recesende (San Cibrao), Riomol (San Pedro), San Miguel do Camiño (San Miguel), Serés (San Pedro), Souto de Torres (San Tomé), Soutomerille (San Salvador), Tórdea (San Tomé), Uriz (Santa María), Vilabade (Santa María), Vilalle (San Pedro), Vilariño (Santiago)  

MAPA

 

SÍGUENOS:

Facebook

XOAN ARCO DA VELLA  

O PARAISO EXISTE  

Twitter

XOAN ARCO DA VELLA

Pinterest

XOAN ARCO DA VELLA 

Google+

XOAN ARCO DA VELLA

Instagram

XOAN ARCO DA VELLA 

YouTube

XOAN ARCO DA VELLA

Fuente: Web Patrimonio Galego

XOAN ARCO DA VELLA