CRUCEIRO DE SAN ISIDRO - AVD. PORTA DO SOL - MONÇAO

 CRUCEIRO DE SAN ISIDRO

AVD. DA PORTA DO SOL

MONÇAO

Monção
       Monção é unha vila raiana portuguesa no Distrito de Viana do Castelo, rexión Norte e subrexión do Minho-Lima, con cerca de 2 600 habitantes.

Xeografía
       Monção é a sede dun municipio que ten unha superficie de 211,51 km², e unha poboación, no ano 2001, de 19.957 habitantes.

      Limita ao norte con Galiza (Salvaterra de Miño), ao leste co municipio de Melgaço, ao sur con Arcos de Valdevez, ao suroeste con Paredes de Coura e ao oeste con Valença.

O concello está subdividido en 33 freguesías:
    Abedim
    Anhões
    Badim
    Barbeita
    Barroças e Taias
    Bela
    Cambeses
    Ceivães
    Cortes
    Lapela
    Lara

    Longos Vales
    Lordelo
    Luzio
    Mazedo
    Merufe
    Messegães
    Monção
    Moreira
    Parada
    Pias
    Pinheiros

    Podame
    Portela
    Riba de Mouro
    Sá
    Sago
    Segude
    Tangil
    Troporiz
    Troviscoso
    Trute
    Valadares

     O punto máis alto é o Alto de Santo António, a 1 114 metros sobre o nivel do mar, na freguesía de Riba de Mouro.

Historia
       Monção recibiu un foro do rei Afonso III o 12 de marzo de 1261.

       A vila fíxose célebre no curso das guerras fernandinas debido á enérxica acción de Deu-la-Deu Martins, esposa do alcalde local, que atacou ás tropas castelás que asediaban a vila bombardeándoas cos últimos víveres que lles quedaban.

     Iso é o motivo polo cal, aínda hoxe, aparece no escudo de armas desta vila unha muller sobre unha torre sostendo un pan en cada man. Ao seu redor obsérvase, nunha bordadura, a divisa da vila, facendo referencia ao nome daquela heroína: Deus o deu. Deus o há dado.

MAPA

 

XOAN ARCO DA VELLA

 

 

IGREXA DE SANTA MARIÑA DE SELA - OS EIDOS DE ARRIBA - ARBO

 IGREXA DE SANTA MARIÑA DE SELA

SELA

OS EIDOS DE ARRIBA

ARBO

 Sela
       Santa María de Sela é unha parroquia que se localiza no oeste do concello de Arbo.

        Segundo o IGE en 2022 tiña 360 habitantes (178 mulleres e 182 homes) distribuídos en 5 entidades de poboación, o que supón unha diminución en relación ao ano 2012 cando tiña 406 habitantes.

Patrimonio
      Pazo de Sela. No lugar dos Eidos de Arriba está a capela de Santa Isabel, e ao seu carón hai un peto de ánimas.

       Na mesma aldea, preto da igrexa parroquial, hai un cruceiro.

        Nesta parroquia está a estación de Sela, na liña Monforte de Lemos - Vigo.

Lugares de Sela
       Os Eidos de Abaixo, Os Eidos de Arriba, A Granxa, Rozas, Valiñas

Comarca da Paradanta
      A comarca da Paradanta é unha comarca galega situada na provincia de Pontevedra.

      A ela pertencen os concellos de Arbo, A Cañiza (a súa capital), Covelo e Crecente. 

     Limita ao norte coas comarcas de Vigo e do Ribeiro, ao leste con esta última e coa de Terra de Celanova, ao sur con Portugal e ao oeste coa do Condado. 

      Ocupa unha extensión de 339,85 quilómetros cadrados e contaba cunha poboación de 12.060 habitantes no ano 2020.

MAPA

 

XOAN ARCO DA VELLA

CRUCEIRO DE LUDEIROS - LUDEIROS - CASARDEIRA - RAMIRÁS

 CRUCEIRO DE LUDEIROS

LUDEIROS

CASARDEIRA

RAMIRÁS

Ludeiros
       Ludeiros é un lugar da parroquia de Casardeita, no concello ourensán de Ramirás.

      Segundo o IGE do 2009 tiña 11 habitantes dos que 8 eran homes e 3 eran mulleres, o que supón un mantemento de habitantes con respecto a 2008.

Casardeita
     Santiago de Casardeita é unha parroquia do concello de Ramirás na comarca da Terra de Celanova, na provincia de Ourense. 

       No ano 2007 tiña 134 habitantes, deles 60 eran homes e 74 eran mulleres, o que supón un incremento de 2 habitantes en relación ao ano anterior, 2006.

      Esta peculiar parroquia conta cunha igrexa caracterizada pola figura do patrón desta, o Apóstolo Santiago, na súa fachada ademais da capela de Santa Águeda (no Pambre) e a capela da Virxe de Guadalupe (en Ver). Ao carón da capela do Pambre encóntrase un magnífico exemplar de carballo digno de admiración e contemplación.

      Ademais do anterior nos seus arredores localízase a antiga escola cuxa primeira planta é utilizada polos veciños como lugar de reunión social e a segunda está a disposición dunha biblioteca chamada «Biblioteca Lois Antón de Casardeita».

Lugares de Casardeita
   Casardeita, Coveliñas, Ludeiros, Pambre, O Pazo, O Rial, Ver 

MAPA 

 

XOAN ARCO DA VELLA

CRUCEIRO DA CARRASQUEIRA - A CARRASQUEIRA - TABOEXA - AS NEVES

CRUCEIRO DA CARRASQUEIRA

A CARRASQUEIRA

TABOEXA

AS NEVES

      Situado no adro da Capela da Ascensión , este cruceiro nace sobre un chanzo cadrado, aínda que é posible que teña máis baixo a capa de asfalto.

       A súa base é cúbica moldurada nas súas catro caras. Na súa cara dianteira aparecen dúas almiñas en posición orante.

       O seu varal cadrado coas arestas rebaixadas da paso a un capitel con volutas e con caras de anxos no centro dos seus catro lados.

      A cruz, de tipo latina cos brazos potentados, posúe as imaxes de Cristo crucificado baixo cartela de INRI no anverso, e a Virxe de pé e coas mans entrelazadas en actitude orante no reverso.

A Carrasqueira
      A Carrasqueira é un lugar da parroquia de Taboexa, no concello pontevedrés das Neves. 

      Segundo os datos do Instituto Galego de Estatística do 2021 ten 79 habitantes (38 homes e 41 mulleres), o que a converte na aldea máis poboada da parroquia. 

MAPA

 

Fuente: Web Patrimonio Galego

XOAN ARCO DA VELLA

CRUCEIRO DE XIRAZGA - CORREA - BEARIZ

 CRUCEIRO DE XIRAZGA

CORREA

BEARIZ

Xirazga
       San Salvador de Xirazga é unha parroquia do concello de Beariz na comarca do Carballiño, na provincia de Ourense.

     Segundo o IGE, en 2016 tiña 180 habitantes, dos cales 72 eran homes e 108 mulleres.

     Isto supón unha diminución de habitantes con respecto ao ano 2006 cando tiña 254.

Lugares
     A Abeleira abrangue os lugares da Pena, O Val, A Cruz, A Carrola, As Seves, A Carballeira, A Ribada e A Agua Parada. 

     En Alén están A Petada, A Alén, A Chaira, A Eira de Abaixo, Os Durás, O Regueiro do Lago e Alá Diante.

      A Cabada inclúe O Cabo da Veiga, A Cabada e O Campo. 

       Correa abrangue A Moa, Fonte Da Vila, A Apa, A Ponte, A casa da Capela, O Carballo, A Eira de Baixo, e A Eira de Arriba.

     Doade inclúe A Costa, A do Rei, O Regueiro e O Cabo. 

      En Framia están A Laxa, O Castro e A Petada. Ricovanca.

Lugares de Xirazga
   A Abeleira, Alén, Correa, Doade, Framia, Ricovanca

Comarca do Carballiño
     A comarca do Carballiño é unha comarca galega situada na provincia de Ourense.

     Toma o nome da súa vila principal. 

     Pertencen a ela os concellos de San Amaro, Beariz, Boborás, O Carballiño, San Cristovo de Cea, O Irixo, Maside, Piñor e Punxín.

Poboación
     No ano 2020 tiña 26.443 habitantes, deles 13.896 eran mulleres e 12.547 homes.

MAPA

 

XOAN ARCO DA VELLA

CRUCEIRO EN PARDESOA - IGREXA DE SANTIAGO - PARDESOA - FORCAREI

 CRUCEIRO EN PARDESOA 

IGREXA DE SANTIAGO DE PARDESOA

PARDESOA

FORCAREI

 Pardesoa
      Santiago de Pardesoa é unha parroquia que se localiza no concello de Forcarei, na comarca de Tabeirós - Terra de Montes.

     Segundo o padrón municipal de 2004 tiña 267 habitantes (148 mulleres e 119 homes), distribuídos en 6 entidades de poboación, o que supón unha diminución en relación ao ano 1999 cando tiña 318 habitantes. 

      Segundo o IGE, no 2014 a súa poboación descendera ata os 191 habitantes, sendo 86 homes e 105 mulleres.

Lugares de Pardesoa

     Fixó, Pardesoa, A Portela de Lamas, Pousada, O Río, San Marcos, O Sisto.

Comarca de Tabeirós - Terra de Montes
      A comarca de Tabeirós - Terra de Montes é unha comarca galega situada na provincia de Pontevedra.

     Pertencen a esta comarca os concellos da Estrada e Forcarei.

     Tamén se inclúe nesta comarca o concello de Cerdedo malia a súa fusión no 2016 co concello de Cotobade, da comarca de Pontevedra.

     A comarca está formada por dúas bisbarras diferenciadas: por unha banda, Tabeirós (integrada polo concello da Estrada); e pola outra, unha gran parte da comarca histórica de Terra de Montes.

Situación
      Esta comarca de 450,39 km² sitúase entre as Terras do Deza e as da costa e nela distínguense dúas unidades xeográficas distintas: a Terra de Tabeirós ao norte, que forma parte do val do Ulla, e a zona montañosa da Terra de Montes ao sur.

MAPA

 

XOAN ARCO DA VELLA