miércoles, 13 de noviembre de 2019

ORANGE WINE - UN VIÑO DE MARTÍN CODÁX

 ORANGE WINE
MARTÍN CÓDAX


     Bodegas Martín Códax presenta o seu Orange wine, un viño de uva albariño, anaranxado e cuxa elaboración recupera as prácticas máis antigas e tradicionais dos viticultores do Salnés, previas á existencia da Denominación de Orixe Rías Baixas. Unha edición limitada de 924 botellas dun viño ambarino, procedente dunha pequena parcela, a P04, de 0,10 hectáreas integradas na leira experimental e de investigación da bodega: Pé Redondo, en Meis.


     O viñedo seleccionado para o Martín Códax Orange wine ha de cumprir unhas características concretas, búscase un viñedo no que as uvas presenten unha boa insolación que provocan peles máis grosas, con maior concentración de taninos e compostos polifenólicos, explica o director técnico da bodega, Miguel Tubío.



     Fai cincuenta anos os viticultores do Salnés elaboraban os viños dun xeito similar ao que hoxe coñecemos como os "Orange Wines". Pero a orixe do "Orange wine" remóntase fai máis de 6.000 anos, na zona do Cáucaso, onde naceu a vitis vinífera e onde xurdiron as primeiras elaboracións de viño, nas que os racimos ao completo elaborábanse en ánforas nas que permanecían macerando. Permanecendo fieis a esa orixe, Bodegas Martín Códax lanza esta edición limitada de 924 botellas seguindo esa forma de elaboración tradicional, que chega como outra forma de explorar todas as posibilidades dun gran varietal como é o Albariño, subliña a directora do departamento de Enología, Katia Álvarez.



     Ao contrario dos albariños convencionais que buscan a maior frescura, no caso de Martín Códax Orange Wine, o proceso de elaboración en contacto coas peles provoca un viño máis seco, estructurado e tánico. É o máis parecido a elaborar un branco como un tinto, xa que o proceso de elaboración con maceración das peles favorece a fermentación alcohólica completa (obtendo así un viño seco) e a fermentación malo-láctica (que suaviza a sensación aceda do viño), ademais de aumentar a estrutura tánica dando a sensación dunha boca de tinto. A maceración coas peles durante 6 meses provoca unha maior extracción de taninos, obtendo así sensacións en boca de máis volume, potencia e estrutura. E a cor ambarino que presenta o viño é o resultado de todos os procesos xerados ao longo da fermentación e maceración en contacto coas peles e pepidas, detalla Álvarez.


      O Martín Códax Orange wine poderá adquirirse a través da tenda da páxina web www.martincodax.com


MAPA
SÍGUENOS:
Facebook
Twitter
Pinterest
Google+
Instagram
YouTube


Fuente: MARTÍN CODÁX
XOAN ARCO DA VELLA

No hay comentarios:

Publicar un comentario

Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901