RESTOS DE CRUCEIRO DE ÁNIMAS - CAPELA DE SAN CAETANO - ALBA

RESTOS DE CRUCEIRO DE ÁNIMAS

CAPELA DE SAN CAETANO

ALBA

San Caetano
     San Caetano é un lugar da parroquia de Alba no concello de Pontevedra, na provincia de Pontevedra. Segundo o IGE, en 2022 tiña 80 habitantes (37 homes e 43 mulleres).

Lugares de Alba
      A Devesa, Guxilde, Lampreeira, Pontecabras, Reariz, San Caetano, Touceda

Alba
     Santa María de Alba é unha parroquia que se localiza no concello de Pontevedra. Segundo o IGE,[2] en 2022 tiña 707 habitantes (339 homes e 368 mulleres), distribuídos en 8 entidades de poboación, o que supón un progresivo descenso en relación ao ano 2010 cando tiña 825 habitantes; ao ano 2008, con 850; e ao ano 2004, cando eran 865 veciños.

     Ata 1868, data de adhesión ó concello de Pontevedra, era un concello de seu, abranguendo tamén as parroquias de Verducido, Cerponzóns e Lérez.

Lugares de interese
      Nesta parroquia está a Xunqueira de Alba, de grande importancia ecolóxica e paisaxística. Na zona norte aprécianse bosques de ribeira e prados, sobre todo na desembocadura do río Rons.

      Pola parroquia pasaba a vía XIX romana, e aquí atopouse un miliario dedicado ó emperador Caracalla. Como zona de paso da vía portuguesa do Camiño de Santiago, o lugar de Guxilde albergou gran cantidade de peregrinos, como a raíña de Portugal, dona Isabel, quen no ano 1325 peregrinaba a Compostela para pregar polo seu defunto marido.

     A igrexa parroquial de Santa María, situada no lugar de Touceda [, é de estilo neoclásico-barroco, construída en 1595 por mandato do bispo Xoán de San Clemente, sendo o mestre de obra Mateo López. O anterior templo fora consagrado por Diego Xelmírez, que a primeiros do século XII adquirira a propiedade do templo. Ao seu carón está a casa reitoral, de estilo barroco.

       Na parroquia hai outros templos menores, como a capela de san Caetano (s. XVIII), e a capela da Devesa (s. XIX). Alba acolle numerosos cruceiros, un deles recollido na obra As cruces de pedra na Galiza de Castelao.

      A festa patronal celébrase o día 15 de agosto (santa María) e tamén é festa do Santísimo o segundo domingo despois do Corpus Christi.

MAPA 

 

XOAN ARCO DA VELLA

CRUCEIRO DE TOUCEDA - TOUCEDA - ALBA

 CRUCEIRO DE TOUCEDA

TOUCEDA

ALBA

Cruceiro de Touceda

     Cruceiro na beira do camiño portugués a Santiago de Compostela.

     Ten plataforma dun chanzo cun dente de dragón en cada esquina, unidos todos eles, un a un, por unha cadea.

     O pedestal ten unha orixinal forma de tronco de árbore cortada a pouca altura do chan.

     O varal, con idéntico estilo, amosa forma de tronco de árbore coas súas pólas podadas.

     Na súa altura media, e no anverso, atopamos a imaxe de Santiago Apóstolo.

     O capitel ten volutas nas esquinas con cunchas de vieira entre elas, en cada cara, e remata nun ábaco circular.

     Cruz latina irregular con Cristo crucificado no anverso, e virxe orante cun manto que lle chega aos pés sobre peana no reverso.

Touceda
      Touceda é un lugar da parroquia de Alba no concello de Pontevedra, na provincia de Pontevedra. 

     Segundo o IGE, en 2022 tiña 124 habitantes (51 homes e 73 mulleres).

Lugares de Alba
     A Devesa, Guxilde, Lampreeira, Pontecabras, Reariz, San Caetano, Touceda

MAPA

 

Fuente: Web Patrimonio Galego

XOAN ARCO DA VELLA

CALVARIO DE VIDE - A IGREXA - VIDE - AS NEVES

 CALVARIO DE VIDE

A IGREXA

VIDE

AS NEVES

 Calvario de Vide

     Conxunto formado por tres cruces que se dispoñen sobre un altar de pedra conformando o que se coñece como un Calvario. 

     A cruz de maior tamaño é a central e nela represéntase a Cristo pola súa parte dianteira e á Virxe polo seu reverso.

      Sobre o fuste da cruz central aparecen representados distintos elementos da iconografía da paixón de Cristo, e este é rematado por un capitel pseudocorintio con decoración de cabezas sobre o que se dispón a cruz.

     As outras dúas cruces laterais son de inferiores proporcións, presentan un fuste octogonal sobre o que colócase unha esfera aplanada a xeito de capitel que soporta a cruz superior.

Vide
      Santa María de Vide é unha parroquia que se localiza no concello das Neves.

     Segundo o padrón municipal de 2008 tiña 492 habitantes (262 mulleres e 230 homes), distribuídos en 26 entidades de poboación, o que supón un aumento en relación ao ano 2004 cando tiña 482 habitantes.

Xeografía
       Vide limita ao leste coa parroquia de Sela (Arbo), ao oeste co río Termes, ao norte cos montes de San Fins e Odrago e ao sur co río Miño. É de terras chans.

MAPA

 

Fuente: Web Patrimonio Galego

XOAN ARCO DA VELLA

IGREXA DE SANTA MARÍA DE BAAMORTO - BAAMORTO - MONFORTE DE LEMOS

 IGREXA DE SANTA MARÍA DE BAAMORTO

BAAMORTO

MONFORTE DE LEMOS

 Igrexa de Santa María de Baamorto
     Está situada no núcleo das Devesas fronte á Casa Priorado. 

     O templo, reformado nos séculos XVII e XVIII, conserva algúns restos románicos: canzorros e estribos da capela maior, porta sur con mochetas e arco interior e algunha seteira de arquiño.

     A porta principal situada ao oeste é de medio punto con moldura barroca. Na fachada principal presenta tamén un reloxo e campanario de dous vans. A nave rectangular está cuberta a dúas augas de madeira resolta en tella.

     Destaca o soportal que rodea a igrexa nas fachadas oeste e sur. Na fachada sur tamén se atopan interesantes pinturas murais que a cobren en toda a súa extensión.

     O retablo maior é neoclásico e conta con esculturas da Asunción e dous anxos. Os outros dous retablos situados na capela maior son tamén neoclásicos.

Baamorto
       Santa María de Baamorto é unha parroquia do concello de Monforte de Lemos na comarca de Terra de Lemos, na provincia de Lugo. 

      No ano 2007 tiña 66 habitantes, deles 30 eran homes e 36 eran mulleres.

     Limita coas parroquias de Fiolleda ao norte, O Chao do Fabeiro ao leste, Seoane ao sur e Tor ao oeste.

Lugares de Baamorto
     O Agriño, Casares, A Chavarega, Cinsa, As Devesas, A Lama, Pallares, Pereiras, Pol, Portobrea, Reboredo, A Ribela

Comarca de Terra de Lemos
      Terra de Lemos é unha comarca galega situada ó sur da provincia de Lugo cuxa capital é Monforte de Lemos, que tamén é o concello máis poboado da comarca.

     A maioría da superficie (toda agás o concello de Bóveda) forma parte da Ribeira Sacra, da que Monforte tamén é a súa capital.

      Pertencen á comarca de Terra de Lemos os seguintes concellos: Bóveda, Monforte de Lemos, Pantón, A Pobra do Brollón, O Saviñao e Sober.

       A comarca linda ó norte coa comarca de Sarria, ó oeste coa comarca de Chantada, ó leste coa comarca de Quiroga e, ó sur coas comarcas ourensás de Ourense e Terra de Caldelas.

MAPA

 

XOAN ARCO DA VELLA

IGREXA DE SAN XOÁN DE SEOANE - SEOANE DE ARCOS - O CARBALLIÑO

 IGREXA DE SAN XOÁN DE SEOANE

SEOANE DE ARCOS

O CARBALLIÑO

 Seoane de Arcos
      San Xoán de Seoane de Arcos é unha parroquia do concello do Carballiño, que fai fronteira entre este e o concello de Cea. 

      Segundo o IGE en 2011 tiña 400 habitantes (192 homes e 208 mulleres), distribuídos en 5 entidades de poboación, o que supón unha diminución en relación ao ano 1999 cando tiña 480 habitantes.

Toponimia
      O topónimo deriva do latín Sanctu(m) Iohanne(m), San Xoán.

Xeografía
      O lugar de máis interese da parroquia é Mouriz con barrios tan emblemáticos como a Fonte, o Outeiro ou Cima da Vila. O produto máis exportado desta aldea son as castañas, os cogomelos e a famosa auga de Mouriz. Mouriz foi no seu día parada obrigada na coñecida ruta dos arrieiros.

Patrimonio
    Igrexa de San Xoán de Seoane de Arcos, do século XVIII.

    Reitoral de Seoane de Arcos.

O Carballiño

     O Carballiño é un concello da provincia de Ourense, capital da comarca homónima. Segundo o INE en 2022 tiña 13.932 habitantes. O seu xentilicio é carballiñés.

Xeografía
     Está rodeado pola serra do Faro e o val do río Avia. Pola vila pasa o principal río da comarca, o Arenteiro, do que son afluentes o Pedríña, Oseira e Marañao. Outros cursos fluviais do concello son o Viñao, o Barbantiño e o Cardelle.

Historia
      A poboación do Carballiño naceu a mediados do século XVIII. Daquela o lugar pertencía á parroquia de Señorín, dependente da xurisdición de Partovia, e esta á súa vez do mosteiro de Oseira.

      Comezou a celebrarse no lugar unha feira para acadar beneficios económicos, en contraposición a outras feiras celebradas nas xurisdicións da contorna, pertencentes ao Conde de Ribadavia e a outros mosteiros.

      Aos poucos os feirantes fóronse asentando no lugar. A comezos do século XIX comezou a existir unha burguesía local. A botica dos Fernández deu aos seus propietarios diñeiro que foi investido en diferentes eidos. A familia emparentouse con estirpes nobiliarias vidas a menos e introduciuse na vida política liberal da comarca.

     A vila está atravesada pola estrada N-541 que une Ourense e Pontevedra. Amais, está comunicada a través da AG-54 coa autovía AG-53.

Cultura
      No Carballiño celébranse as Xornadas de Cine e Vídeo de Galicia (Xociviga).

Festas
    Festa do polbo - 2º domingo de agosto
    Festas de setembro

Parroquias do Carballiño    
     Arcos (Santa María) | Banga (Santa Baia), O Barón (San Fiz), Cabanelas (San Xoán), O Carballiño (San Cibrao), Lobás (Santa Ouxea), Longoseiros (Santa Mariña), Madarnás (San Tomé), Mesego (Santa María), Mudelos (Santiago), Partovia (Santiago), A Piteira (San Miguel), Ponte Veiga (San Lourenzo), Sagra (San Martiño), Señorín (San Roque), Seoane de Arcos (San Xoán) 

MAPA

 

XOAN ARCO DA VELLA