CRUCEIRO DE ARÉN - CAMIÑO REAL - ARÉN - SAMIEIRA - POIO

CRUCEIRO DE ARÉN

CAMIÑO REAL

ARÉN

SAMIEIRA

POIO

    Cruceiro de plataforma dun so chanzo e pequeno baseamento de arestas redondeadas. 

     O varal é no comezo de planta cadrada pero pasa a pouca altura a ser octogonal. 

     Amosa varias incripcións, polo reverso, no tramo cuadrangular, unha cruz, e polo lateral dereito por debaixo da súa altura media, un epígrafe non lexible. 

     Na súa altura media tamén podemos ver un santiño que porta Mitra, báculo na man esquerda e libro na dereita. Ten un labra sen detalle.

   O capitel está labrado moi polo miúdo. Amosa volutas angulares que se montan sobre unha moldura. 

As cabezas de querubíns aparecen enriba das molduras sobre o equino non sendo no anverso no que vemos unha caveira. As tibias aparecen baixo a forma da moldura.

     A Cruz é latina e sinxela cun Cristo baixo cartela de INRI no anverso acompañado pola Virxe e San Xan. Ámbolos dous son representado xerarquicamente nun tamaño menor. 

No reverso, vemos a Virxe cos pes apoiados sobre a cabeza dun querubín, levando no colo ao meniño Xesús e na súa man dereita unha folla de palma. 

MAPA 

 

 Fuente: Web Patrimonio Galego

XOAN ARCO DA VELLA