CRUCEIRO DE OUTEIRO - CELA - BUEU

CRUCEIRO DE OUTEIRO

OUTEIRO

CELA

BUEU

 Cela
       Santa María de Cela é unha parroquia que se localiza no leste do concello de Bueu.

     Segundo o padrón municipal en 2013 tiña 1965 habitantes (985 homes e 980 mulleres), 37 menos ca en 1999. Ten 19 entidades de poboación.

Lugares de Cela
     Antepazo, O Beloso, O Burgo, A Cabreira, As Castiñáns, Castrelo, A Costiña, A Fonte Alta, Gándara, Igrexario, Murráns, Paradela, A Pena, Pousada, O Río, Sabarigo, O Souto, A Torre

Comarca do Morrazo
       A comarca do Morrazo é unha comarca galega situada na provincia de Pontevedra. Pertencen a ela os concellos de Bueu, Cangas, Marín e Moaña.

     Limita ó norte coa ría de Pontevedra, ó leste coa comarca de Pontevedra, ó sur coa ría de Vigo e ó oeste co océano Atlántico.

      É a comarca máis pequena de Galicia (140,64 km², o 0,48% de Galicia). Tiña 82 439 habitantes no 2021, sendo a terceira comarca máis densamente poboada da comunidade (584,66 hab/km²).

     É unha das comarcas naturais e sociolóxicas con máis carácter de Galiza polo seu condicionamento xeográfico.

     A actual comarca administrativa correspóndese só cunha parte da comarca xeográfica e histórica, a Península do Morrazo, que abrangue tamén o concello de Vilaboa (agás a parroquia de Bértola e unha parte da de Figueirido, e o barrio de Paredes na parroquia de Vilaboa).

     Tamén forma parte da península as parroquias pontevedresas de Lourizán e a maior parte da de Salcedo.

      Antigamente mesmo a propia cidade de Pontevedra estaba incluída no arciprestado do Morrazo.

      O concello de Vilaboa, malia pertencer ó partido xudicial de Cangas, foi integrado na comarca de Pontevedra debido a factores de funcionalidade, e as parroquias pontevedresas de Salcedo e Lourizán por pertencer ó propio concello capitalino.

      Nun principio tampouco se incluíu o concello de Marín, pero a petición dos seus habitantes, foi integrada na do Morrazo. 

MAPA

 

XOAN ARCO DA VELLA