MUIÑO GRANDE
RÍO COUSO
CANS
PORRIÑO
Río Couso
O Río Couso nace preto do alto de San Cibrán, a máis de 400 m.
O seu tramo alto caracterízase polos seus fortes pendentes, que dan forma a varios saltos de auga. Discorre pola aldea de Couso e dió forza aos 'muiños' do mesmo nome e un pouco máis abaixo os da Laxe.
Despois chega ao val de Cans, onde o río perde a súa forza e se xunta co arroio dá Vida, para máis tarde dar as súas augas ao Río Louro. Xusto antes de chegar ao val de Cans, o río ten que salvar máis de 200 m nun escaso traxecto de menos de 500 m.
É neste lugar onde o río forma un conxunto de tres formidables fervenzas que cando o río leva bastante auga convértese nun verdadeiro espectáculo.
Un pouco máis abaixo existen os restos dun vello 'muiño' de dúas rodas que aproveitaba o salto para o seu traballo.
Ruta dos Montes de San Cibrán
A Ruta dos Montes de San Cibrán atópase nas parroquias de A Picoña e San Xurxo do Concello de Salceda de Caselas, parroquia de Cans do Concello de O Porriño e barrio de Couso (parroquia de Guláns) do Concello de Ponteareas.
A Ruta dos Montes de San Cibrán atópase nas parroquias de A Picoña e San Xurxo do Concello de Salceda de Caselas, parroquia de Cans do Concello de O Porriño e barrio de Couso (parroquia de Guláns) do Concello de Ponteareas.
Tratase dunha ruta lonxitudinal de 12,83 km aínda que se pode aproveitar o trazado do Sendeiro das Greas GR-58 para realizar un percorrido circular.
A ruta iniciase no Alto do Confurco e ascende pola beira do regueiro de Couso onde se atopa a fervenza da Galomeira e se poden visitar varios muíños. Estes muíños foron restaurados no ano 2008 e en varios deles tamén se recuperou o mecanismo de moenda.
Dende aquí a ruta ascende ó pobo de Couso onde discorre entre leiras e casas para, pouco a pouco, chegar ó monte comunal de Couso e subir entre masas de piñeiro cara a área recreativa de San Cibrán.
Unha vez no alto de San Cibrán, onde se pode aproveitar para tomar un descanso, a ruta descende cara a parroquia de Picoña e discorre paralela en moitos tramos ó río Caselas, que presenta en varios puntos unha rica vexetación de ribeira e varios muíños.
O sendeiro percorre o fondo do val onde se sitúan a maior parte das casas e se atopan varias construcións interesantes: lavadoiro, antigas escolas, muíños e peto de ánimas.
Dende o fondo do val o sendeiro ascende de novo cara os montes do comunal de San Xurxo e vaise afastando das leiras e das casas para volver a discorrer entre masas de piñeiros e eucaliptos nas que se atopan restos de varias cortellas, muíños e pozas.
A ruta finaliza na área recreativa das Conforcadas, onde se pode enlazar con Sendeiro das Greas GR-58 para regresar o alto de Cans e realizar un percorrido circular.
MAPA
SÍGUENOS:
Facebook
Twitter
Pinterest
Google+
Instagram
YouTube
XOAN ARCO DA VELLA
