MUIÑO DE PONTE DA VACA
RÍO DAS FONTÁNS
GATOMORTO
XEVE
Santa María de Xeve
Santa María de Xeve é unha parroquia que se localiza no concello de Pontevedra.
Segundo o padrón municipal de 2017 tiña 829 habitantes (386 homes e 443 mulleres), 143 menos ca en 1999.
Ten 5 entidades de poboación. Até 1944 pertenceu ao concello de Xeve.
Xeografía
A parroquia limita con Santo André de Xeve, Verducido, Mourente e Lérez, e polo seu territorio pasa o río Lérez.
Patrimonio
En Gatomorto está o Penedo de Argoenca, petróglifo declarado Ben de Interese Cultural.
A Casa Gondar, unha construción do século XVIII que aínda conserva unha dependencia anexa outrora empregada como cárcere, e tamén a igrexa parroquial cun campanario de estilo barroco e de frontal neoclásico.
Celébranse o Corpus Christi e santo Antón de Padua (o domingo seguinte ao 13 de xuño), a Nosa Señora do Carme (o domingo seguinte ao 16 de xuño) e a Inmaculada Concepción o día 8 de decembro.
Lugares de Santa María de Xeve
O Couso, Os Fontáns, Frieiro, Gatomorto, A Igrexa
Antiguo Concello de Xeve
Xeve foi un antigo concello da comarca de Pontevedra formado polas parroquias de Santo André de Xeve, Santa María de Xeve e Verducido, integradas as tres no concello de Pontevedra desde 1944.
Queda como testemuña o edificio que daquela acollía as dependencias administrativas.
En 1847, data da primeira acta conservada, o alcalde era Alberto Gómez.
O 20 de abril de 1931, trala chegada da II República Española, foi nomeado alcalde Lino Tilve Corbacho.
O último mandatario foi Benito Rivas Hermida.
MAPA
SÍGUENOS:
XOAN ARCO DA VELLA
