RUINAS DO HOSPITAL DE MONTOUTO
MONTOUTO
O PADRÓN
A FONSAGRADA
Real hospital de Santiago de Montouto
O real hospital de Santiago de Montouto, era un antiguo albergue de peregrinos, situado nas inmediaciones de A Fonsagrada (Lugo), nos arredores da aldea de Montouto.
Foi fundado no 1357 por orden do rei Pedro I de Castila. O albergue deixou de usarse como tal e abandonouse a mediados do século XX.
A localización do hospital variou co paso dos séculos desprazándose do seu emprazamento orixinal, en 1698 baixo o reinado de Carlos II, cerca do menhir de Pena Labrada á súa situación actual á beira do Dolmen de Montouto. Aínda é posible atopar algún cazador de reliquias nas inmediaciones do hospital vello buscando (saqueando) restos arqueolóxicos como moedas antigas de metais preciosos. Aínda que non se atopou documentación que xustifique a nova ubicación, parece que se tratou de mover o antigo a un emprazamento novo que unen as dúas variantes do "Camiño primitivo", o que vén de Pobóa de Burón e o que vén do Padrón. Na ubicación orixinal só daba servizo ao primeiro, que foi perdendo popularidade xa que o segundo camiño foi aberto a posteriori e era máis curto e frecuentado.
O hospital era o primeiro en Galicia, na ruta xacobea entrando polo denominado "Camiño primitivo".
Desde a década de 1990 estableceuse o costume de realizar unha festa no día do patrón aos pés do recinto novo, xunto a unha ermida que se construíu tamén na década de 1990. O edificio do antigo hospital está escondido nun bosque de piñeiros e son poucos os que coñecen o seu ubicación exacta, xa que apenas parece quedar un pequeno lenzo, aínda que unha cata arqueolóxica podería ofrecer máis información.
Características
É un hospital de pedra con varias estancias, dispón de fonte.
Uso
Os veciños do lugar recordan que o hospital aínda dispoñía dun hospitaleiro a metade do século XX, que residía sen vivir aluguer baixo a obrigación de dar hospitalidad aos peregrinos. Non hai constancia do ano exacto de clausura, aínda que cando se instaura a romaría de Santiago fáiselle unha restauración de mantemento para evitar a ruína total, o que fai pensar que o hospital puido quedar en desuso pouco logo da guerra civil española.
Mitos
Cóntase que A Bella Otero, cando aínda era unha nena e foi violada, foi atendida nese hospital e durou varios meses en recuperación internada alí.
Montouto
Montouto é un lugar da parroquia do Padrón, no concello da Fonsagrada, na comarca da Fonsagrada.
Segundo o IGE a súa poboación no ano 2010 era de 14 persoas (8 homes e 6 mulleres).
Historia
Ao lado de Montouto asentábase o Real Hospital de Santiago de Montouto (hoxe derruído salvo un pequeno lenzo entre un piñeiral) fundado por Pedro I en 1360. Foi o máis importante hospital de alta montaña de Galicia. Foi trasladado en 1698 a outra localización moi preto, dando lugar ao Novo Hospital de Santiago de Montouto, que estivo en funcionamento ata mediados do século XX, e que se conserva aínda en ruínas; ao lado existe unha capela de nova construción onde se celebra anualmente unha romaría.
O Padrón
San Xoán do Padrón é unha parroquia do concello da Fonsagrada, na provincia de Lugo.
Tiña 55 habitantes en 2016, segundo datos do Instituto Galego de Estatística, 26 homes e 29 mulleres.
O que supón unha diminución de 19 habitantes respecto ao ano 2007 cando tiña 74 habitantes (35 homes e 39 mulleres).
Lugares do Padrón
Carracedo, Invernal, Montouto, O Padrón, Vilardongo
Comarca da Fonsagrada
A comarca da Fonsagrada é unha comarca galega situada na provincia de Lugo cuxa capital é A Fonsagrada.
A esta comarca pertencen os concellos de Baleira, A Fonsagrada e Negueira de Muñiz.
No ano 2020 tiña 4.830 habitantes (IGE) e unha superficie é de 679,5 quilómetros cadrados.
O concello da Fonsagrada é o de maior poboación da comarca.
Parroquias da Fonsagrada
A Allonca (Santa María), A Bastida (San Miguel), Bruicedo (Santiago), Carballido (Santa María), Cereixido (Santiago), Cuíñas (San Cristovo), Fonfría (Santa María Madanela), A Fonsagrada (Santa María), Freixo (San Xulián), Lamas de Campos (San Roque), Lamas de Moreira (Santa María), Maderne (San Pedro), Monteseiro (San Bartolo), Pacios (Santa María), O Padrón (San Xoán), Paradavella (San Xoán), Piñeira (Santa María), A Proba de Burón (Santa María Madanela), San Martín de Arroxo (San Martín), San Martín de Suarna (San Martín), San Pedro de Neiro (San Pedro), San Pedro de Río (San Pedro), Santo André de Logares (Santo André), A Trapa (San Cibrán), O Trobo (Santa María), A Veiga de Logares (Santa María), Vieiro (Santo Antonio), Vilabol de Suarna (Santa María), O Vilar da Cuíña (Santa Bárbara)
MAPA
SÍGUENOS:
XOAN ARCO DA VELLA
