IGREXA DE SANTA MARÍA - CRISTELO COVO - VALENÇA DO MINHO

IGREXA DE SANTA MARÍA 

CRISTELO COVO

 VALENÇA DO MINHO

 Cristelo Covo
         Cristelo Covo foi unha freguesía portuguesa do concello de Valença, con 3,0 km² de área, 965 habitantes e unha densidade de poboación de 321,7 hab./km².

       Tivo o estatuto de freguesía até 2013, data en que, debido a unha reorganización administrativa do territorio das freguesías, foi integrada na Unión das Freguesías de Valença, Cristelo Covo e Arão.

Valença
       Valença, tamén coñecida como Valença do Miño (Valença do Minho en portugués), é un concello portugués do distrito de Viana do Castelo, dentro da Região Norte e subrexión do Minho-Lima.

         O concello abrangue 117,43 km² de área e 14.127 habitantes (2011), subdividido en dezaseis freguesías.

     Linda polo leste co municipio de Monção, polo sur con Paredes de Coura, polo oeste con Vila Nova de Cerveira e ao noroeste e norte únese a Tui a través do río Miño.

      Dende o 10 de febreiro de 2012, forma coa cidade galega de Tui unha eurocidade, como mostra de cooperación e integración dos dous concellos, separados tan só polo río Miño.

Monumentos
    Fortaleza de Valença
    Convento de Ganfei
    Convento de Mosteiró
    Convento de Sanfins/Friestas
    Igrexa da Misericórdia de Valença
    Igrexa de Santa Maria dos Anjos
    Igrexa Matriz de Valença
    Ponte Vella Internacional Tui-Valença

As freguesías de Valença son:
    Boivão
    Cerdal
    Fontoura
    Friestas
    Unión das Freguesías de Gandra e Taião
        Gandra
        Taião
    Ganfei
    Unión das Freguesías de Gondomil e Sanfins
        Gondomil
        Sanfins
    São Julião
    São Pedro da Torre
    Silva
    Unión das Freguesías de Valença, Cristelo Covo e Arão
        Valença
        Cristelo Covo
        Arão
    Verdoejo

MAPA

 

XOAN ARCO DA VELLA

IGREXA DE SANTA MARÍA DE MESEGO - MESEGO - O CARBALLIÑO

 IGREXA DE SANTA MARÍA

MESEGO

O CARBALLIÑO

 Mesego
     Santa María de Mesego é unha parroquia do concello do Carballiño na comarca do Carballiño, na provincia de Ourense.

      Segundo o IGE en 2011 tiña 370 habitantes, deles 173 eran homes e 197 eran mulleres, o que supón unha diminución de 22 habitantes en relación ao ano anterior, 2006.

Lugares de Mesego
       O Alboio, Mesego, Mesego de Cabo.

O Carballiño
      O Carballiño é un concello da provincia de Ourense, capital da comarca homónima.

      Segundo o INE en 2022 tiña 13.932 habitantes. O xentilicio é carballiñés.

Xeografía
        Está rodeado pola serra do Faro e o val do río Avia. Pola vila pasa o principal río da comarca, o Arenteiro, do que son afluentes o Pedríña, Oseira e Marañao. Outros cursos fluviais do concello son o Viñao, o Barbantiño e o Cardelle.

Comarca do Carballiño
      A comarca do Carballiño é unha comarca galega situada na provincia de Ourense. Toma o nome da súa vila principal.

     Pertencen a ela os concellos de San Amaro, Beariz, Boborás, O Carballiño, San Cristovo de Cea, O Irixo, Maside, Piñor e Punxín.

Poboación
     No ano 2020 tiña 26.443 habitantes, deles 13.896 eran mulleres e 12.547 homes.

MAPA

 

XOAN ARCO DA VELLA

CAPELA DE SANTA MARIÑA - SOUTELO - RABIÑO - CORTEGADA

 CAPELA DE SANTA MARIÑA

SOUTELO

RABIÑO

CORTEGADA

Soutelo
      Soutelo é un lugar da parroquia de Rabiño no concello ourensán de Cortegada na comarca do Ribeiro. 

      Tiña 33 habitantes no ano 2011 segundo datos do INE e do IGE, dos cales 16 eran homes e 17 mulleres.

Lugares de Rabiño   
     Os Antóns, A Eirexa, Os Muíños, Rabiño, Seixomil, Soutelo, O Vao

 Rabiño

       San Bieito de Rabiño é unha parroquia do concello de Cortegada, situada na provincia de Ourense, na comarca do Ribeiro.

     No ano 2007 tiña 176 habitantes, dos cales 85 eran homes e 91 eran mulleres.

     Limita ao Norte con Meréns e Louredo, ao leste con Soutelo, ao sur coa Barca e ao oeste co Río Miño.

Historia
     En 1893 constituíronse as novas parroquias de Cortegada e Louredo, segregándose de Rabiño.

Patrimonio
    Muíños da levada, aproveitando o regato que nace en Louredo e baixa ata o Miño.
    Capela da Santa Mariña de Soutelo.
    Igrexa parroquial: templo barroco construída baixo o dominio do veciño mosteiro de Celanova. A igrexa é de planta de cruz latina en granito do país, cunha soa nave cuberta de arcos de medio punto ata desembocar no cruceiro, onde se forman tres bóvedas sostidas por nervaduras, de catro brazos nos laterais e dezaseis na bóveda da cabeza, onde o deseño debuxa un rombo dividido en catro espazos de lados convexos, as nervaduras están pintadas ou ben son de mármore veteado marrón; as capelas laterais ostentan como claves das súas nervaduras debuxos do sol e a lúa humanizados por un rostro, as claves das nervaduras da bóveda principal teñen decoración vexetal, unha cruz asturiana e unha lúa acompañada de dúas estrelas. Na sancristía a bóveda está sostida por catro nervaduras reunidas nunha clave que ten tallado un sombreiro eclesial de dúas puntas. Tanto as bóvedas laterais como a central conservan pintura.
    Milladoiro único na provincia de Ourense, de grande altura e con bóveda de nervios gardando un cruceiro.
    Peto de ánimas do Rabiño.
    Reitoral do Rabiño, edificio civil barroco.

Comarca do Ribeiro
     A comarca do Ribeiro é unha comarca galega situada na provincia de Ourense no curso medio do río Miño, que a percorre de nordeste a suroeste.

     A súa capital é Ribadavia, e a ela pertencen os concellos da Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón e Ribadavia. Dálle nome ao viño do Ribeiro.

     Ocupa unha superficie de 406,92 km², nos que viven 15.571 habitantes (2020). Por ela transcorren tamén os ríos Arnoia e Avia. O Miño está represado nos encoros de Castrelo de Miño e da Frieira.

     Existen varios balnearios que aproveitan as augas. Desde a Serra do Suído e Faro de Avión, ao oeste, onde se chega ao 1.000 m de altitude, o relevo descende até só 97 m en Ribadavia e Arnoia.

 MAPA

 

XOAN ARCO DA VELLA

 

PETROGLIFO DE LAMELAS - MERLÁN - CHANTADA

 PETROGLIFO DE LAMELAS

MERLÁN

CHANTADA

       Na localidade de Chantada atopámonos cun conxunto de petróglifos á altura da parroquia de Merlán.

       Aínda que se atopan algo desgastados podemos apreciar cazoletas e combinacións circulares.

     Os petróglifos son gravados realizados situados nas ladeiras dos montes, sobre rocas graníticas, unha variedade de gran fino.

     Crese que foron feitos por algunhas comunidades campesiñas asentadas en Galicia durante a transición do III e II milenio antes de Cristo.

            Hai dous tipos básicos de temática de gravados: a naturalista e a xeométrica.

     As imaxes máis frecuentes son as figuras de cervos, cabalos, serpes, ídolos, armas e humanos cazando.

MAPA

 

XOAN ARCO DA VELLA

PETROGLIFO COTO DAS SOMBRIÑAS - TOURÓN - PONTE CALDELAS

 PETROGLIFO COTO DAS SOMBRIÑAS

TOURÓN

PONTE CALDELAS

   Os petróglifos son gravados realizados situados nas ladeiras dos montes, sobre rocas graníticas, unha variedade de gran fino.

     Crese que foron feitos por algunhas comunidades campesiñas asentadas en Galicia durante a transición do III e II milenio antes de Cristo.

            Hai dous tipos básicos de temática de gravados: a naturalista e a xeométrica.

     As imaxes máis frecuentes son as figuras de cervos, cabalos, serpes, ídolos, armas e humanos cazando.

MAPA

 

XOAN ARCO DA VELLA

MUIÑOS EN EIXÁN - EIXÁN - ASTURESES - BOBORÁS

 MUIÑOS EN EIXÁN

EIXÁN

ASTURESES

BOBORÁS

Eixán
      Eixán é un lugar da parroquia de Astureses no concello ourensán de Boborás na comarca do Carballiño.

     Tiña 10 habitantes no ano 2011 segundo datos do INE e do IGE, dos cales 4 eran homes e 6 mulleres. Iso supón unha diminución da poboación respecto a 2010, cando tiña 12 habitantes (5 homes e 7 mulleres).

Astureses
       San Xulián de Astureses é unha parroquia do concello ourensán de Boborás. Segundo o IGE en 2011 tiña 212 habitantes (105 homes e 107 mulleres).

Xeografía
       A parroquia limita coas parroquias de Corneda (O Irixo), Madarnás e Longoseiros (O Carballiño), Moldes e Xuvencos (Boborás).

     A parroquia está cruzada polo oeste, de norte a sur, polo río Pedriña, un afluente do Arenteiro, e ten ao longo do seu percorrido varios muíños que hoxe en día é difícil visitar, aínda que en Fondo de Vila existe un muíño totalmente funcional. 

     Está formada por varios núcleos de poboación. O núcleo de Batallás está formado polos lugares de Batallás de Abaixo, Batallás do Medio e Batallás de Arriba, este pertencente ao Carballiño.

Patrimonio
     A igrexa de San Xulián de Astureses está situada en Outeiro e para chegar a ela pódese tanto ir por Fondo de Vila como pola Penela.

     Na ermida da Saleta celébrase unha romaría anual. Está rodeada por unha carballeira, e antigamente celebrábase unha competición automobilística de rallys, coñecida como Subida á Saleta.

Festas
     As tres festas principais son o San Bertolameu (24 de agosto), a Romaría da Saleta (19 de setembro), e o San Xulián, patrón da parroquia, que se celebra o 7 de xaneiro. As dúas primeiras son máis concorridas debido ás datas de verán e a que a festa patronal coincide co remate do Nadal.

Lugares de Astureses
    Astureses, Batallás, Cibreiro, Eixán, Fondo de Vila, O Outeiro, A Penela, Xoane.

MAPA 

 

XOAN ARCO DA VELLA