IGREXA DE SAN MIGUEL
CORULLÓN
LEÓN
Igrexa de San Miguel
A igrexa de San Miguel é un templo Católico situado en Corullón, (León, España).
Construída a principios do Século XII, de estilo Románico.
Ten unha única nave de tres tramos rematada en ábsida semicircular sen presbiterio.
Descrición
A nave da igrexa atópase dividida en tres tramos, nos dous primeiros tramos, que se corresponden co corpo da igrexa, contén varias ventás con van abucinado con arquivoltas que descansan en columnillas con capiteis decorados.
O terceiro tramo, corresponde á portada dividida en dous corpos. O corpo baixo formado por porta sinxela de arco medio punto con arquivoltas que apoian sobre columnas con capiteis vexetais e o corpo alto, composto por arquería cega de medio punto con arquivoltas que descansan en columnillas con capiteis decorados con formas diabólicas.
A torre, situada aos pés do templo, é de época posterior á súa construción.
Corullón
Corullón é un concello da provincia de León que cobre unha superficie de 78,5 km², na que vivían 1.151 habitantes no ano 2004, cunha densidade de poboación de 14,66 h/km².
É considerado tradicionalmente como un dos 48 concellos da Galicia estremeira.
Parroquias
Cadafresnas
Corullón
Dragonte
Horta
Ornixa
Os Mazos
Melezna
Viariz
Vilagroi
Galicia estremeira
Galiza estremeira é a denominación que reciben todos aqueles territorios galegofalantes, que se atopan fóra das fronteiras de Galiza, baixo a administración de Castela e León e Asturias.
Ligados lingüística, cultural e tradicionalmente a Galiza, existe neles e arredor deles, a reivindicación histórica de pertenza á cultura galega e nalgúns casos de incorporación ou reincorporación á propia Galiza, utilizándose neste último caso a denominación de Galiza irredenta moi a miúdo ou mesmo outras denominacións como Faixa Leste.
MAPA
XOAN ARCO DA VELLA
