CAPELA DE HOY-VAS - PILOÑO

CAPELA DE HOY-VAS

OIBÁS

PILOÑO

VILA DE CRUCES

 

VILA DE CRUCES
     Vila de Cruces é un concello da provincia de Pontevedra, pertencente á comarca do Deza.

     Limita cos concellos de Boqueixón, Touro, Arzúa e Santiso (da provincia da Coruña), e Silleda, Agolada e Lalín (provincia de Pontevedra).

Historia
     O concello denominouse Carbia ata 1944, por estar nesta parroquia a capitalidade. O 19 de setembro de 1944 o concello inaugurou a súa nova sede en Vila de Cruces, tomando esta denominación oficialmente.

Poboación
     Segundo o Padrón municipal de habitantes a poboación en 2012 era de 6.085 persoas. O seu xentilicio é cruceño.

Festas e celebracións
     A Patroa da vila é a Nosa Señora da Piedade e celébrase a súa festa o fin de semana seguinte ó 4 de agosto (excepto se é sábado que pasaría a ser o seguinte).

Entroido
     Varias parroquias celebran o entroido cos altos dos xenerais.

Gastronomía
     Tamén celebra festas gastronómicas como a da Castaña en novembro, a do Chourizo en febreiro e a do Galo de Curral en maio, todas elas con degustación gratuíta de produtos da zona.

Feiras
     Os días de feira na Vila son 4 e o 17 de cada mes.

CAPELA DE HOY - VAS "OIBÁS
     É unha capela pequena pero en cada cita relixiosa convértese nun lugar de gran devoción, xa que nela teñen misado numerosos bispos de practicamente todas as dioceses galegas. O templo de Hoy - Vas construíuse en 1696. 

     A festividade da Ascensión é unha das xornadas festivas escritas con maiúscula en Santiago de Compostela, pero tamén en localidades máis pequenas, como a parroquia cruceña de Piloño. Dende tempo inmemorial, os seus fieis renden culto á Virxe da capela de Hoy-Vas con gran fervor.

PILOÑO
     Santa María de Piloño é unha parroquia que se localiza no concello de Vila de Cruces. Segundo o IGE en 2011 tiña 334 habitantes (168 mulleres e 166 homes), distribuídos en 10 entidades de poboación, o que supón unha diminución en relación ao ano 1999 cando tiña 446 habitantes. Nesta parroquia fundouse a Banda de música de Piloño.

Patrimonio
    Igrexa de Santa María de Piloño. Construída cara 1700, sobre un antigo templo erixido por Diego Xelmírez. Ten planta de cruz grega e torre de dous corpos.

    Pazo de Raíndo. Moi reformado, conserva cheminea e lareira, hórreo, pombal e unha capela con retablo barroco.
    Capela do Oibás.

 

MAPA

XOAN ARCO DA VELLA