ERMITA DE SANTA LUCÍA - O EIXO

 ERMITA DE SANTA LUCÍA

PIÑEIRO

O EIXO

COMPOSTELA

O EIXO
     San Cristovo do Eixo é unha parroquia que se localiza no concello de Santiago de Compostela. Segundo o IGE en 2012 tiña 1.043 habitantes (530 mulleres e 513 homes) distribuídos en 11 entidades de poboación, o que supón unha diminución en relación ao ano 1999 cando contaba con 1.060 habitantes.

Xeografía
     O Eixo atópase rodeada polas parroquias de San Martiño de Aríns, Santa María de Marrozos, Cacheiras e Os Tilos. 

     Por ela discorre o río Aríns, que ó chegar alí cambia o seu nome polo de río Santa Lucía. 

     É así debido a que o seu leito flúe a carón da capela de Santa Lucía, un referente parroquial que se une cos cruceiros estendidos ó longo da vila á variedade cultural existente.

     

     É unha das parroquias compostelás que máis sofre o desenvolvemento das infraestruturas xa que se ve rodeada polas autoestradas AP-9, AP-53 e a liña do tren de alta velocidade (AVE). 

     Deste último cabe sinalar a ponte sobre o val que chega a acadar os 95 metros de altura na súa parte máis alta, referente a nivel estatal ó converterse na segunda ponte máis elevada do país.

 

CRUCEIRO DE SANTA LUCÍA
     O libro de contas do Santuario recolle a data da súa execución: 1798. Realizado en granito, a cruz é de sección circular e presenta a Cristo crucificado no anverso e á Virxe orando no reverso. 

     Capitel decorado con volutas e motivos vexetais sobre fuste liso de sección octogonal. O pedestal e a plataforma son cuadrangulares, e esta última ten tres chanzos.

 

Lugares do Eixo

     Bornais, O Eixo de Abaixo, O Eixo de Arriba, O Gaioso, O Igrexario, Os Laranxos, Pereiras, Piñeiro, A Uceira, O Valado

MAPA

XOAN ARCO DA VELLA