PONTELLA DA PICOTA - REGO DE CASTAÑOSA - A PICOTA - AMIL - MORAÑA

PONTELLA DA PICOTA 

REGO DE CASTAÑOSA
A PICOTA
AMIL
MORAÑA

Amil
      San Mamede de Amil é unha parroquia que se localiza no concello de Moraña. 

     Segundo o padrón municipal de 2004 tiña 472 habitantes (253 mulleres e 219 homes), distribuídos en 16 entidades de poboación, o que supón unha diminución en relación ao ano 1999 cando tiña 522 habitantes. 

     Segundo o IGE, no 2014 a súa poboación descendera ata os 414 habitantes, sendo 197 homes e 217 mulleres.

Patrimonio histórico-artístico
      A igrexa parroquial foi construída en 1781.

      En 1892 rematouse de construír o Santuario da Virxe dos Milagres, onde se celebra o primeiro domingo despois do 8 de setembro a Romaría dos Milagres de Amil, á que asisten milleiros de peregrinos de toda Galicia.

      A tradición popular conta que todo naceu dun milagre acontecido no século XVIII. Había un labrego chamado Sebastián, que debía percorrer un longo camiño ata unha fonte afastada para conseguir a auga necesaria para regar a súa horta e a dar de beber ó seu gando, polo que rezaba con devoción á Virxe. Un día, despois de rezar pedindo axuda, púxose a cavar na terra e milagrosamente comezou a brotar un manancial. A auga era tan abondosa que mesmo lle permitiu construír un muíño que movía a auga deste manancial.

Festas
      Nesta parroquia celébrase desde 1970 a festa gastronómica do porquiño á brasa.

Lugares de Amil
      O Apedrado, Barro, Cartamil, O Castriño, A Chan, O Outeiro, A Picota, Piñeiro, Pumardatán, A Rozavella, Ruibal, Torre de Abaixo, Torre de Arriba, Vilacova 

Comarca de Caldas
      A comarca de Caldas é unha comarca galega situada na provincia de Pontevedra e a súa capital é Caldas de Reis. 

      Pertencen a ela os concellos de Caldas de Reis, Catoira, Cuntis, Moraña, Pontecesures, Portas e Valga. 

MAPA

 

XOAN ARCO DA VELLA 

 

 

PONTE ROMANO DE CANGAS DE ONÍS - RÍO SELLA - CANGAS DE ONÍS

 PONTE ROMANA DE CANGAS DE ONÍS

RÍO SELLA

CANGAS DE ONÍS

      A pesar que é coñecido co nome de Ponte Romana, construíuse no século XIII.  

     Nos seus cimentos podemos atopar os restos dunha antiga ponte, este se probablemente romano. 

    Por este lugar pasaba a vía romana que comunicaba Lucus Asturum (preto de Oviedo) e Portus Victoriae (Santander). 

     É precisamente a existencia desta calzada romana e a ponte, que permitía cruzar o río Sella, este e probablemente o nacemento de Cangas de Onís.

     Orixinariamente foi construído con sete arcos, lixeiramente apuntados. 

    Ao longo dos séculos sufriu numerosas modificacións, as máis importantes foron efectuadas en 1876 e tras a Guerra Civil, momento en que sufriu graves danos. 

     Entre 1940 e 1943 restaurouse, dotándoo do aspecto actual.

     No arco central hai colgada unha réplica, de grandes dimensións, da Cruz da Vitoria. 

     Esta construíuse en 1939, cando a imaxe da Virxe de Covadonga foi novamente entronizada no santuario, tras sufrir un exilio temporal en París, para evitar que fose destruída durante a Guerra Civil. 

      Durante o camiño de regreso da Santina, esta cruzou a ponte, onde se instalou un arco de triunfo coroado pola cruz. 

MAPA

 

Fuente: www.artmedieval.net

XOAN ARCO DA VELLA 

PONTE DO SOUTO - O SOUTO - RÍO VALGA - CAMPAÑA - VALGA

 PONTE DO SOUTO

O SOUTO

RÍO VALGA

CAMPAÑA

VALGA

     A Ponte do Souto ou do Camiño Real, cruza o río Valga, emprazándose no antigo Camiño Real que na actualidade está anulado polo trazado do ferrocarril. 

      A ponte está realizada mediante tallamares de pedra e taboleiro alintelado, tamén de pedra. 

     Dátase da época medieval, aínda que popularmente é coñecido como a Ponte Romana.

Campaña
     Santa Cristina de Campaña é unha parroquia que se localiza no concello de Valga.  

     Segundo o IGE, en 2022 tiña 926 habitantes (459 homes e 467 mulleres), o que supón unha diminución en relación ao ano 1999 cando tiña 975 habitantes.

Patrimonio
     A igrexa de Santa Cristina é de estilo románico do século XII. Nunha das reformas ás que foi sometida descubríronse, ó retira-lo retablo, unhas interesantes pinturas góticas (dos séculos XV-XVI) no muro da cabeceira da ábsida, relativamente ben conservadas.

Lugares de Campaña
     O Coto, A Devesa, A Eirexe, O Montiño, O Pumariño, Os Rebeldes, Rúa Nova, O Souto, A Torre 

Comarca de Caldas
     A comarca de Caldas é unha comarca galega situada na provincia de Pontevedra e a súa capital é Caldas de Reis. 

     Pertencen a ela os concellos de Caldas de Reis, Catoira, Cuntis, Moraña, Pontecesures, Portas e Valga.   

MAPA 

 

Fuente: Web obaixoulla.gal 

XOAN ARCO DA VELLA 

PONTE FORCADELA - A PONTE - FORCADELA - RÍO CEREIXO DA BRIÑA - TOMIÑO

 PONTE FORCADELA

A PONTE

FORCADELA

RÍO CEREIXO DA BRIÑA

TOMIÑO

Ponte de Forcadela
      Ponte que salva o tramo final do río Cereixo da Briña no antigo camiño de Tui á Gurda. 

      Construída nos séculos XV, XVI, está toda ela realizada en sillería irregular agás o intradous do arco e a súa dovelaxe. 

     Presenta un arco de medio punto e pretil a base de perpiaños.

Comarca do Baixo Miño
     A comarca do Baixo Miño é unha comarca galega situada no suroeste da provincia de Pontevedra e a súa capital é Tui. 

       Pertencen a ela os concellos da Guarda, Oia, O Rosal, Tomiño e Tui.

Xeografía
     A comarca do Baixo Miño localízase co océano Atlántico ao oeste e o río Miño ao sueste que lle serve de fronteira natural con Portugal, até a súa desembocadura na Guarda, onde forma un amplo esteiro de importancia ornitolóxica. 

MAPA 

 

XOAN ARCO DA VELLA 

PONTE DE CHAMOSINHOS - SAN PEDRO DA TORRE - VALENÇA DO MINHO

 PONTE MEDIEVAL DE CHAMOSINHOS

SAN PEDRO DA TORRE

  VALENÇA DO MINHO 

San Pedro da Torre
      San Pedro a Torre é unha freguesia portuguesa do concelho (municipio) de Valencia de Miño, no distrito de Viana do Castelo,con 4,29 km² de superficie e 1.267 habitantes (2011). 

      A súa densidade de poboación é de 295,3 hab/km².

     Situada no extremo occidental do municipio e na ribeira esquerda do río Miño (que separa á freguesia de España), no patrimonio histórico-artístico de São Pedro destacan a igrexa parroquial, a capela de San Jorge, o forte de San Luís e o acueduto.

Historia
      Debido á súa boa localización na marxe esquerda do río Miño, as súas terras teñen un gran valor agrícola e esa foi unha das razóns do asentamento inicial.

     A antiga calzada romana per loca via maritima, que comunicaba Braga con Vigo, tiña en San Pedro o seu final.

     Así o testemuñan a existencia de dúas pontes romanas. Tamén o fito romano situado en Chamosinhos, dedicado ao fillo de Constantini Maximi, confirma este feito.

       A existencia dunha fonte termal e aquela inscrición suxiren que aquí se situaba o lugar chamado Aquis Celenis mencionado no Itinerario XXI de Antonino. S. Pedro dá Torre foi fundada en 1125, sendo máis adiante un enclave estratéxico durante a guerra de restauración contra Castela.

     Os casteláns construíron aquí unha fortaleza en 1657, cuxos restos aínda perduran así como outras manifestacións da resistencia desta parroquia. 

       O 14 de decembro de 1900, o lugar de Chamosinhos, pertencente á parroquia de Vila Meã, foi incluído na parroquia de S. Pedro da Torre.

     Moitos dos habitantes deste pequeno pobo foron traballar ao estranxeiro durante a década os 1970 en busca dunha vida mellor, principalmente a Estados Unidos, Canadá e Francia.

       Aqueles que regresaron construíron boas casas ("vilas") que actualmente lle dan o seu actual aspecto á parroquia.

MAPA

 

XOAN ARCO DA VELLA